Bæjarstjórn Akureyrar fundaði með dómsmálaráðherra og fangelsismálastjóra
Bæjarstjórn Akureyrar fundaði með dómsmálaráðherra, fangelsismálastjóra, nýjum lögreglustjóra Norðurlands eystra og bæjarstjóra Akureyrarbæjar nú í morgun vegna fyrirhugaðrar lokunar fangelsisins á Akureyri. Eins og fram hefur komið stendur til að loka fangelsinu á Akureyri í lok júlí en þar eru vistaðir 8-10 fangar að jafnaði.
Hilda Jana Gísladóttir, bæjarfulltrúi á Akureyri, greinir frá þessu í Facebookfærslu og hún segist sé svekkt með fundinn.
„Stundum fara af stað heiftúðlegar umræður í fjölmiðlum og á samfélagsmiðlum sem einkennast af hálfkveðnum vísum og röngum upplýsingum, en síðan þegar fólk sest niður og talar saman þá eykst skilningurinn manna á milli og myndin skýrist. Sú varð því miður ekki raunin í morgun. Ég varð enn svekktari eftir fundinn en fyrir hann, ferlið er í raun ekkert annað en óboðlegt. Ekkert samráð var haft við lögregluembættið hér né bæjarstjórn, gögnin takmörkuð og framtíðarsýnin ekki sannfærandi. Svo virðist sem fangelsismálin hafi verið skoðuð einangrað án þess að horfa til samlegðaráhrifa við starf lögreglunnar hér og hvað þá að tillit væri tekið til byggðasjónarmiða. Það er gömul saga og ný að óvinsælar ákvarðanir eru teknar í júlí þegar flestir eru í sumarfríum og vilja frekar hlusta á fossanið og fuglasöng en að pirra sig á pólitík. Það er ekki nóg með að ákvörðunin sé kynnt í byrjun júlí og eigi taka gildi í lok júlí, heldur var á þeim tíma var ekki búið að ráða nýjan lögreglustjóra á Norðurlandi eystra, hún tók til starfa í gær!“
Hilda Jana segist þó binda vonir við að dómsmálaráðherra hætti við þessa ákvörðun, „eða a.m.k fresti henni og nýti tímann til að fara faglega og heilstætt yfir málið. Ég tel nokkuð ljóst að engin sátt verði um þessi málalok.“
"Vonandi sér dómsmálaráðherra að sér"
Guðmundur Baldvin Guðmundsson, formaður bæjarráðs Akureyrar, tjáir sig einnig um fundinn í Facebookfærslu og segir hreinskiptar umræður hafa farið fram á fundinum, "og ég er enn sannfærðari eftir fundinn að ákvörðun þessi er illa ígrunduð. Samráð og samtal við lögreglustjóraembættið og bæjaryfirvöld var ekkert fyrir ákvörðunartöku og heildaráhrif og hagræðing engan veginn ljós. Vonandi sér dómsmálaráðherra að sér og dregur þessa ákvörðun til baka eða a.m.k. frestar henni á meðan heildarmyndin er skoðuð," skrifar Guðmundur Baldvin.
Nýjast
-
Árangursrík sýning í Barcelona:
Sýningin tókst frábærlega. Það var stríður straumur gesta í básinn til okkar alla sýningardagana og mikill áhugi á okkar þjónustu og tæknilausnum," segir Hilmar Guðmundsson, sölu- og markaðsstjóri Slippsins Akureyri, um þátttöku fyrirtækisins í sjávarútvegssýningunni Seafood Expo Global í Barcelona á Spáni. Sýningin stóð í þrjá daga og lauk síðdegis í gær. -
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund.
Athugasemdir