Ávaxtakarfan að taka á sig mynd á Húsavík
Leikfélag Húsavíkur frumsýnir Ávaxtakörfuna í leikstjórn Valgeirs Skagfjörð. Myndir: Viktoría Eydal
Ávaxtakarfan eftir Kristlaugu Maríu Sigurðardóttur í leikstjórn Valgeirs Skagfjörð verður frumsýnd hjá Leikfélagi Húsavíkur laugardaginn 4. mars nk.
Tónlistina í verkinu samdi Þorvaldur Bjarni Þorvaldsson. „Níu leikarar standa á sviðinu, margreyndir á sviði gamla Samkomuhússins á Húsavík í bland við aðra sem hafa rétt droppað öðrum fæti á sviðið fram til þessa,“ segir Halla Rún Tryggvadóttir, formaður leikfélagsins og bætir við að æfingar gangi mjög vel og allt sé að verða klárt.
Leikarar í sýningunni eru Hilmar Valur Gunnarsson, Kristný Ósk Geirsdóttir og Katrín Ragnarsdóttir sem eru að verða nokkuð reynd á sviðinu. Það sama má segja um Karl Hannes Sigurðsson og Friðriku Bóel Ödudóttur þó hún sé ung að árum. Þá kemur Bergdís Björk Jóhannsdóttir sterk inn aftur eftir að hafa verið á sviðinu sem krakki. Unnur Lilja Erlingsdóttir hefur verið mest í tæknideildinni á undanförnum árum en stígur nú á svið. Valgeir Sigurðsson, Húsvíkingurinn frá Akranesi lék á árum áður með LH en lék einnig mikið á Skaganum á sínum tíma. Hann er nú kominn aftur á sviðið í Samkomuhúsinu. Kiddý Hörn Ásgeirsdóttir „lék“ fyrst með LH sem ungabarn og tók einnig þátt í sýningunni Sagan í söng í haust.
„Hljómsveitina skipa Sigurður Illugason sem hefur marga fjöruna sopið í Samkomuhúsinu, Guðni Bragason sem hefur aðeins tekið þátt hjá LH sem og Adrienne Davis sem hefur verið með LH á undanförnum árum og svo Ísak Már Aðalsteinsson sem tók fyrst þátt með LH sl. haust í Sagan í söng,“ segir Halla.
Frumsýning verður sem áður segir á laugardag kl. 16. Næstu sýningar verða þriðjudaginn 7. og fimmtudaginn 9. mars, tveir fyrir einn á þær sýningar. Svo laugardag og sunnudag 11. og 12. mars. Fös 17. mars klukkan 20 og svo 18. og 19. mars klukkan 16.
Meðfylgjandi myndir frá rennsli á mánudag tók Viktoría Eydal.
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir