Atvinnulífið kallaði eftir fjölbreyttara tækninámi
Ólafur Jónsson verkefnastjóri við Háskólann á Akureyri
„Ég á fastlega von á að það verði góð viðbrögð og marga fýsi að stunda þetta nám,“ segir Ólafur Jónsson verkefnastjóri við Háskólann á Akureyri en frá og með næsta hausti, 2023 munu Háskólinn á Akureyri og Háskólinn í Reykjavík bjóða upp á nám í iðnaðar- og orkutæknifræði á Norðurlandi. Námið er fullgilt tæknifræðinám við Háskólann í Reykjavík og tekur það mið af þörfum atvinnulífsins á Norðurlandi. Það gerir fólki á svæðinu kleift að stunda námið í heimabyggð.
Ólafur segir að um sé að ræða staðarnám við Háskólann á Akureyri og er það fjarkennt frá Háskólanum í Reykjavík á sama tíma og fyrirlestrar í tæknifræði fara þar fram. Þá njóta nemendur þeirrar þjónustu sem Háskólinn á Akureyri hefur upp á að bjóða, sækja þangað dæmatíma og fá þar verklega kennslu. Nemendurnir eru jafnframt fullgildir nemendur í tæknifræði við Háskólann í Reykjavík.
„Við höfum verið með þetta nám í undirbúningi um nokkurt skeið. Atvinnulífið norðan heiða hefur kallað nokkuð ákaft eftir fjölbreyttara námi í tæknigreinum en verið hefur í boði,“ segir Ólafur. Fyrirkomulag námsins byggir á reynslu sem fengist hefur í námi í tölvunarfræði við HR en það hefur verið kennt við HA undanfarin átta ár í samstarfi háskólanna. Samstarfssjóður háskóla og fyrirtæki á Norðurlandi styðja við nýju námsbrautina.
Tæknin alltaf að aukast
„Tæknin er alltaf að aukast og breytast, þannig að fyrirtæki af ýmsu tagi hafa mikla þörf á að bæta við sig tæknimenntuðu starfsfólki,“ segir Ólafur. „Það er sama hvert litið er, í sjávarútvegs-, orku- eða framleiðslufyrirtæki, það er allt á fleygiferð og framþróun á sviði tækni er mikil. Það er því afar ánægjulegt að nám í tæknifræði verði í boði hér fyrir norðan frá og með næsta hausti.“
Ólafur segir að tæknifræðingum bjóðist fjölbreytt störf að námi loknu og þeir hafi kost á að sérhæfa sig strax í sínu námi standi hugur þeirra og áhugi í ákveðna átt. „Störfin eru margvísleg, það er hægt að sitja á skrifstofum og forrita eða sjá um tölvustýringar, en líka vera úti á vettvangi í alls kyns viðhaldi og viðgerðum, allt eftir áhugasviðum þeirra sem starfa við greinina.
Höfðar til breiðs hóps
Sér Ólafur fyrir sér að iðnaðarmenn t.d. á sviði vélstjórnar, vél- og rafvirkjunar eða málmiðnaðarmenn gætu haft áhuga á að bæta tæknifræðinni við sitt fyrra nám að uppfylltum inntökuskilyrðum. „Það er rökrétt framhald fyrir þau sem hafa aflað sér iðnmenntunar að bæta þessu námi við sig og auka þannig möguleika sína í atvinnulífinu. Þetta nám er mjög góður kostur fyrir þennan hóp,“ segir hann. Eins segir hann að raungreinafólk sem er að útskrifast úr framhaldsskóla og hugsi sér að læra verkfræði gæti tekið fyrri hluta þess náms sem tæknifræði í heimabyggð. Hann nefnir að margir séu einungis 18 til 19 ára þegar þeir ljúka námi úr framhaldsskóla og gætu eflaust hugsað sér að vera lengur í heimabyggð. „Tæknifræði er góður valkostur fyrir þá sem síðar vilja ljúka námi í verkfræði.“
Ólafur segir að þannig megi gera ráð fyrir að námið höfði til breiðs hóps og er ekki í vafa um að eftirsókn verði umtalsverð þegar opnað verður fyrir innritun í byrjun febrúar næstkomandi.
Nýjast
-
Árangursrík sýning í Barcelona:
Sýningin tókst frábærlega. Það var stríður straumur gesta í básinn til okkar alla sýningardagana og mikill áhugi á okkar þjónustu og tæknilausnum," segir Hilmar Guðmundsson, sölu- og markaðsstjóri Slippsins Akureyri, um þátttöku fyrirtækisins í sjávarútvegssýningunni Seafood Expo Global í Barcelona á Spáni. Sýningin stóð í þrjá daga og lauk síðdegis í gær. -
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund.
Athugasemdir