Ásprent kaupir Skarp og Skrána
Víðir Pétursson og Ómar Pétursson.
Ásprent hefur keypt vikublaðið Skarp og auglýsingamiðilinn Skrána sem dreift er í Þingeyjarsveit. Bæði blöðin hafa undanfarið verið prentuð í Ásprent eftir að Prentstofan Örk ehf. á Húsavík, í eigu Víðis Péturssonar, lagði upp laupana.
Við höfum átt í góðu og farsælu samstarfi við Víði eftir að hann hætti prentþjónustu á Húsavík og m.a. prentað fyrir hann Skrána og Skarp, auk þess að prenta fyrir fyrrverandi viðskiptavini Arkarinnar. Það var því eðlilegt framhald að við stigum inn þegar Víðir vildi selja, segir G. Ómar Pétursson framkvæmdastjóri Ásprents.
Skráin og Skarpur falla mjög vel að okkar hugmyndafræði og okkar rekstri. Við gefum út sambærilega miðla á Akureyri, Dagskrána og Vikudag. Við þekkjum því vel hversu mikla þýðingu þessir miðlar hafa í nærsamfélaginu og nauðsyn þess að miðla fréttum og upplýsingum til samfélagsins. Í okkar huga er lykilatriði að Skránni og Skarpi sé stýrt af heimamönnum og því höfum við ráðið Heiðar Kristjánsson til að stýra auglýsingasölu og umsjón með Skránni og Jóhannes Sigurjónsson til að stýra Skarpi, eins og verið hefur.
Við sjáum engar breytingar fyrir okkur varðandi Skarp nema í þá átt að efla blaðið enn frekar. Við viljum áfram sjá það sem sjálfstæðan þingeyskan fréttamiðil sem miðlar fréttum og upplýsingum af svæðinu. Við hlökkum til að vinna að uppbyggingu miðlanna á næstu árum og erum þess fullvissir að við munum eiga ánægjulegt og farsælt samstarf við heimamenn. Við munum leggja okkar af mörkum til að efla enn frekar mannlíf á svæðinu og horfum þar sérstaklega til stuðnings við íþrótta, æskulýðs og menningarstarfsemi, segir Ómar.
-þev
Nýjast
-
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.