Áslaug Ásgeirsdóttir er ötul við kjólasaum
Kjólar sem Áslaug Ásgeirsdóttir hefur saumað vöktu óskipta athygli á vorsýningu eldri borgara í Sölku, félagsmiðstöð í Víðilundi nýverið. Áslaug á talsvert af kjólum sem hún hefur saumað, líklega á milli 30 og 40 og gengur í þeim við hin ýmsu tækifæri. Hún gerir gjarnan nýjan kjól til að klæðast áður en hún fer á tónleika.
„Ég á ekki saumavél sjálf, en byrjaði á að heimsækja Lautina sem er athvarf á Akureyri. Þar er saumavél sem allir geta fengið afnot af. Núna undanfarin ár hef ég sótt félagsmiðstöðina Sölku sem er fyrir eldri borgara og þar er saumavél fyrir alla. Ég fæ líka góða aðstoð,“ segir Áslaug sem sér fremur illa og á í erfiðleikum með að þræða nálinu. „En það eru allir boðnir og búnir að hjálpa mér og það er svo gott að finna það,“ bætir hún við og segir að sams konar aðstoð hafi einnig fengist í Lautinni.
Enginn í eins kjól
Áslaug segir að hún hafi mjög gaman af því að fara á tónleika, það sé hennar líf og yndi og hún reyni að komast eins marga og fjárhagurinn leyfi. „Í búðunum eru mjög margir kjólar alveg eins og ég vildi ekki endilega mæta í kjól eins og aðrir eru í, vildi hafa minn öðruvísi og helst að enginn annar ætti þannig kjól,“ segir hún um upphaf þess að hún hóf að sauma kjóla. „Ég gat þá verið alveg viss um að mæta engum í eins kjól og ég var í.“
Efnið kaupir hún hér og hvar í verslunum sem það selja og stundum fær hún efnisbúta á góðu verði. Eins hefur hún fengið efnið gefins héðan og þaðan. „Það kemur stundum fólk í Víðilund með heilu haldapokana af efni og gefur mér og ég er mjög þakklát fyrir það. Það vita margir af því að ég sauma mikið og ef fólk á eitthvað sem það notar ekki sjálft spyr það hvort það nýtist mér.“
Kjólar við ýmis tilefni
Áslaug á alls kyns kjóla og í mörgum litum. Einn er gulur og sérstakur að því leyti að hún klæðist honum einungis á páskadag. „Ég saumaði eitt sinn kjól þegar Helgi Björns og Reiðmenn vindanna voru að bjarga okkur í miðjum heimsfaraldrinum og fór alltaf í hann þegar dagskráin byrjaði í sjónvarpinu. Hann er með brúnu þema,“ segir hún. Þá fór hún eitt sinn á heiðurstónleikar Ellýjar Vilhjálms og gerið sérstakan kjól af því tilefni. Annan gerði hún fyrir Villa Vill tónleika. Ellýjarkjólinn er með hvítan grunn og stórum fjólubláum rósum en Villa kjóllinn var saumaður upp úr öðrum eldri kjól. Áslaug segist stundum taka eldri kjóla og breyta og bæta og þá kemur út nýr kjóll. Loks nefnir hún einn kjól til sem hún klæðist á þjóðhátíðardegi Íslendinga, 17. júní ef veður er gott. „Ég hef gaman af þessu og það var mikill heiður fyrir mig að fá að sýna kjólana mína,“ segir hún.
Kjólar sem Áslaug Ásgeirsdóttir hefur saumað vöktu óskipta athygli á vorsýningu eldri borgara í Sölku, félagsmiðstöð í Víðilundi. Myndir MÞÞ
Nýjast
-
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala
Athugasemdir