Ár kattarins
Egill P. Egilsson, ritstjóri
Leiðari Vikublaðsins
Kattafárið mikla á Akureyri hefði getað verið prýðilegur titill á nýja Tinna-bók en er þess í stað raunsönn lýsing á umræðunni undanfarið. Það þarf varla að tíunda það nánar en hér er að sjálfsögðu átt við viðbrögð við því að bæjarstjórn Akureyrar samþykkti fyrir skemmstu að banna lausagöngu katta frá og með árinu 2025; og fara þannig að fordæmi nágrannasveitarfélagsins Norðurþings en þar hefur slíkt bann verið við lýði um árabil.
Viðbrögð við þessum fréttum hafa vart farið framhjá nokkurri manneskju. Kattaeigendur, dýralæknar, pólitíkusar og meira að segja Gísli Marteinn; hafa keppst við að hvæsa vanþóknun sinni á banninu yfir samfélagsmiðla. Enda hafa fréttamiðlar um allt land verið á akkorði við að skrúfa frá krananum og flytja okkur fréttir af kattaskoðunum fólks. Meira að segja Brynjar Níelsson hafði skoðun á kattamálinu. Hann er enda almennt á móti boðum og bönnum eins og sjálfstæðismönnum er von og vísa….svona flestra!
Umræðan hefur verið pólaríseruð svo ég grípi nú í vinsælan frasa. Þeir sem ekki eru á móti lausagöngubanninu hafa stigið fram og urrað inn í umræðuna: „Þótt fyrr hefði verið.“
Nú ætla ég ekki að gera lítið úr kattamálinu svakalega. Sjálfur kann ég ágætlega við að vita af köttum í umhverfi mínu en það sem vekur athygli mína í þessu máli er einmitt hversu mikið pláss þessi afgreiðsla bæjarstjórnar hefur fengið í umræðunni.
Á sama tíma bárust fréttir af því að börn með hegðunarvanda væru lokuð inni í gluggalausum rýmum í grunnskólum á Íslandi (Nei, alls ekki öllum). Þó að það grafalvarlega mál hafi vissulega fengið pláss á fréttamiðlunum þá bliknaði það í samanburði við kattamálið gríðarlega. Plássið á samfélagsmiðlum var tekið fyrir garg og hvæs yfir frelsisskerðingu katta á Akureyri.
Hvar erum við stödd sem samfélag þar sem fyrirhugað bann við lausagöngu katta vekur upp miklu meiri tilfinningar en úrræðaleysi grunnskóla landsins gagnvart börnum með sérþarfir. Hvar eru áhrifavaldarnir, þáttarstjórnendurnir, pólitíkusarnir, og hinir almennu borgarar. Af hverju heyrir maður ekki þessa aðila hvæsa inn í alrýmið á ríkið að koma betur til móts við sveitarfélögin og gera þeim kleift að hlúa betur að börnunum okkar. Það er jú í skólanum sem þau verja stórum hluta hversdagsins.
Þangað til reikna ég með að vikan á Instagram verði áfram mest lesna frétt vikunnar á vefmiðlum.
Nýjast
-
Nýr Kjalvegur – Hraðbraut í gegnum hálendið
Á Alþingi liggur nú fyrir þingsályktunartillaga um endurnýjun vegar yfir Kjöl með einkaframkvæmd en nokkrum sinnum hefur verið reynt að mæla fyrir málinu í gegnum tíðina án árangurs. -
1500 FRÆ
Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík. -
Í ljósi fréttar um vorboðann ljúfa
Vefnum barst tölvupóstur með myndum og texta frá konu sem átti leið um miðbæ Akureyrar i morgun. Eins og sjá má var henni og liklega fleirum sem þar áttu leið um misboðið. -
Berjumst fyrir okkar málefnum, en til þess þurfum við og okkar samtök að glaðvakna.
Undanfarið hefur nokkuð verið rætt um kjör okkar eldri borgara og hvernig við séum afskipt þegar kemur að kjarabótum. -
Skýr markmið og þrautseigja skila árangri - Saga um gefandi samstarf
Gústaf Baldvinsson framkvæmdastjóri Seagold Ltd., sem er sölufélag Samherja í Bretlandi, skrifar hér um skemmtilegt og gefandi samstarf við Dag Benediktsson sem í síðasta mánuði náði þeim frábæra árangri að verða fimmfaldur Íslandsmeistari á skíðum. -
Fjármálalæsi Jöfnun stöðu allra barna
Við teljum afar brýnt að jafna stöðu allra barna þannig ekkert barn fari upp úr grunnskóla án þess að búa yfir lágmarksþekkingu í fjármálalæsi ekki frekar en börn fara út í umferðina án þess að kunna umferðarreglurnar. -
Greiðum veginn
Jarðgöng bæta samgöngur Það má með sanni segja að páskahretið hafi haft mikil áhrif á ferðalög landsmanna síðustu daga. Víða voru vegalokanir með tilheyrandi vandkvæðum fyrir þá sem þurftu að komast leiðar sinnar. Það er mjög skiljanlegt að umræður um jarðgöng verði háværari þegar vegir lokast í lengri tíma. Ég tek undir þá umræðu og tel afar brýnt að ávallt séu í gangi framkvæmdir við jarðgöng á hverjum tíma, ef ekki tvenn. Jarðgöng eru mikilvæg fyrir samfélagsuppbyggingu á hverjum stað, eins og dæmin sanna og geta skipt sköpum fyrir atvinnurekstur á landsbyggðinni svo ekki sé minnst á öryggið. -
Fjölmiðlastjarna og spriklandi doktor með ástríðu fyrir hjartanu og þjónandi forystu
Vísindafólkið okkar er mánaðarleg kynning á vísindafólki Háskólans á Akureyri. Vísindamanneskjan í mars er Sigurður Ragnarsson, lektor við Viðskiptadeild. Samhliða lektorsstöðunni sinnir hann eigin fyrirtæki, Forysta og samskipti, sem hann stofnaði og rekur í dag. -
NÝR ÞÁTTUR Í HLAÐVARPI HEILSU- OG SÁLFRÆÐIÞJÓNUSTUNNAR
Það er Júlía Margrét Rúnardóttir félagsráðgjafi sem er gestur þáttarins að þessu sinni og fjallar hún um stjúpfjölskyldur.
Athugasemdir