Mikilvægi fjármálaráðstefnu sveitarfélaga fyrir kjörna fulltrúa og starfsfólk sveitarfélaga
Katrín Sigurjónsdóttir, sveitarstjóri í Norðurþingi
Dagana 2.-3. október sl. fór fjármálaráðstefna Sambands íslenskra sveitarfélaga fram í Reykjavík. Ráðstefnan er árleg og alltaf haldin í Reykjavík en gaman væri að breyta einhvern tíma til og bjóða t.d. upp á Akureyri. Uppselt var á ráðstefnuna og sátu hana um 500 manns.
Þátttaka sveitarfélaga er með ýmsum hætti en flest eru að senda sína sveitarstjórnarfulltrúa eða fulltrúa úr byggðarráðum. Einnig fara flestir sveitarstjórar, stjórnsýslu- og fjármálastjórar sveitarfélaga á þessa ráðstefnu.
Dagskrá ráðstefnunnar í ár var yfirgripsmikil að venju. Á fimmtudeginum voru erindi um fjármál og fjárfestingargetu sveitarfélaga, fjárfestingaþörf hafnainnviða, úrræði í hávaxtaumhverfi og virðismatsvegferð vegna kjarasamninga kennara. Fjármála- og efnahagsráðherra og innviðaráðherra fluttu ávarp og svo var pallborð með ráðherrum og formönnum eða forsvarsfólki stjórnmálaflokkanna á Alþingi. Einnig var boðið upp á samtalspallborð með nokkrum sveitarstjórum og fyrirspurnir úr sal. Á föstudeginum var hægt að velja um málstofur hvar erindin hvörfuðust um fjármál, rekstur og áhættustýringu annars vegar og umhverfið, velferð og menntun hins vegar.
Ráðstefnunni er streymt og gæti því einhver talið það mesta óþarfa að senda kjörna fulltrúa og starfsfólk sveitarfélaga utan af landi til Reykjavíkur til þátttöku. En ráðstefnan er svo miklu meira en bara þessir fundir og málstofur. Í hverri kaffipásu eða matarhléi er tíminn nýttur til samtala við kollega, samanburðar á rekstri sveitarfélaga, speglun á aðstæðum og að mynda tengsl við aðra kjörna fulltrúa og starfsfólk sveitarfélaga og Sambandsins. Ráðherrar og þingmenn eru á staðnum til skrafs og ráðagerða, upplýsingagjafar, samtals og brýningar. Kjörnir fulltrúar ná fundum og samverustund með sínu fólki innan sinna stjórnmálaflokka, þingmönnum og ráðherrum. Það eru allar stundir nýttar til hins ýtrasta, meira að segja kvöldið og tíminn á flugvellinum á leið til og frá ráðstefnu, þá er spjallað við kollega um verkefnin og þær áskoranir sem sveitarfélögin standa frammi fyrir.
Það kostar að senda fulltrúa á ráðstefnuna, sér í lagi fyrir sveitarfélög fjarri höfuðborginni. Akstur eða flug, hótel og ráðstefnugjald en mér finnst þeim peningum vel varið fyrir sveitarfélagið. Kjörnu fulltrúarnir kosta líka miklu til sjálfir til að taka þátt. Þau þurfa að taka sér frí frá sinni reglulegu vinnu og verða fyrir tekjutapi. Og séu þau í eigin rekstri þá verða bæði þau og fyrirtækið fyrir tekjutapi þessa daga.
Líta má á fjármálaráðstefnuna sem endurmenntun fyrir þau sem sækja hana og oft tækifæri til að minna sig á að það er gaman að taka þátt í stjórnmálum. Ávinningurinn fyrir kjörna fulltrúa, starfsfólk sveitarfélaga og sveitarfélagið sjálft er ótvíræður að mínu mati.
Katrín Sigurjónsdóttir, sveitarstjóri í Norðurþingi
Nýjast
-
Frá sveitarstjórnarfundi í Norðurþingi, upplýsingar um atvinnumál.
rá því snemma á þessu ári hefur legið fyrir að rekstur PCC BakkiSilicon væri erfiður vegna ástands á heimsmarkaði með kísilmálm. Það hefur leitt til rekstrarstöðvunar og uppsagna starfsfólks þar sem um 130 manns hafa misst vinnuna það sem af er þessu ári. -
Eyjafjarðarsveit - OPIÐ HÚS í nýju húsnæði leikskólans Krummakots
Eyjafjarðarsveit býður öllum áhugasömum að koma á OPIÐ HÚS í nýju húsnæði leikskólans Krummakots á morgun laugardaginn 11. október kl. 14:00. -
Samgöngusamningur í boði allt árið fyrir starfsfólk Samherja
Samherji hefur ákveðið að bjóða starfsfólki að gera samgöngusamning við félagið sem gildir allt árið í stað sjö mánaða eins og undanfarin ár, þetta kemur fram á heimasíðu fyrirtækisins í dag. -
Mikilvægi fjármálaráðstefnu sveitarfélaga fyrir kjörna fulltrúa og starfsfólk sveitarfélaga
Dagana 2.-3. október sl. fór fjármálaráðstefna Sambands íslenskra sveitarfélaga fram í Reykjavík. Ráðstefnan er árleg og alltaf haldin í Reykjavík en gaman væri að breyta einhvern tíma til og bjóða t.d. upp á Akureyri. Uppselt var á ráðstefnuna og sátu hana um 500 manns. -
Mikil fækkun í komum skemmtiferðaskipa á næstu árum
„Það lítur út fyrir umtalsverða fækkun í komum skemmtiferðaskipa til okkar hafna á næstu tveimur árum,“ segir Jóhanna Tryggvadóttir verkefna- og markaðsstjóri hjá Hafnasamlagi Norðurlands. Hafnir samlagsins eru á Akureyri, Grímsey og Hrísey. Samkvæmt bókunum sem nú liggja fyrir fækkar skipum sem hafa viðkomum í höfnum HN um ríflega 100 milli áranna 2024 og 2027, farþegum um 44 þúsund og með þeim rúmlega 1,2 milljarða króna innkoma í hagkerfið. -
Eyrarrokk – lítil tónleikahátíð með stórt hjarta
Helgina 3. – 4. október var haldin tónleikahátíðin Eyrarrokk. Þetta var fimmta hátíðin á jafn mörgum árum og hefur hún vaxið og dafnað með árunum og nú er svo komið að miðarnir seljast eins og heitar lummur um leið og tónleikarnir eru auglýstir. Það er nú ekki oft sem maður ákveður í maí hvað maður ætlar að gera í október. -
Dag- og göngudeild geðdeildar Opið hús á morgun föstudag
Í tilefni Alþjóðlega geðheilbrigðisdagsins á morgun, 10. október, ætlar starfsfólk dag- og göngudeild geðdeildar SAk að opna dyrnar og bjóða gestum að kynna sér starfsemina, tækjabúnað og aðstöðu. -
Góður vöxtur hjá Rauða krossinum
Árið 2018 lögðum við í Rauða krossinum við Eyjafjörð af stað í markvissa vegferð við að efla starfsemina okkar enn frekar með aukningu sjálfboðaliða og verkefna ásamt því að standast með glæsibrag allar þær auknu gæða- og fagkröfur sem lagðar hafa verið á starfsemina. Eftir mikla vinnu er skemmtilegt og gefandi að staldra nú við og skoða hvernig okkur hefur gengið að ná markmiðum okkar. -
SAk - Finndu jafnvægið fyrir norðan
Sjúkrahúsið á Akureyri (SAk) hefur hrundið af stað nýrri kynningarherferð undir yfirskriftinni Finndu jafnvægið fyrir norðan sem miðar að því að vekja athygli á fjölbreyttum og spennandi atvinnutækifærum lækna á SAk