Nemendaráðgjöf Háskólans á Akureyri styður við stúdenta með aðgengilegri og faglegri þjónustu
Nemendaráðgjöf HA Einar, Anita, María og Arna
Hjá Nemendaráðgjöf HA er boðið upp á náms- og starfsráðgjöf, sálfræðiþjónustu, fjölbreytt og hagnýt námskeið ásamt ráðgjöf vegna úrræða í námi og prófum svo fátt eitt sé nefnt. Náms- og starfsráðgjafar og sálfræðingur starfa í þágu stúdenta og leggja þau áherslu á góða og aðgengilega þjónustu þar sem ráðgjöf er sniðin að þörfum hvers og eins. Tryggt er að allir stúdentar HA hafi aðgengi að þjónustu Nemendaráðgjafar og hafa stúdentar alltaf val um að nýta sér þjónustuna á staðnum, rafrænt eða í gegnum síma. Þá stendur þjónusta Nemendaráðgjafar einnig til boða fyrir þau sem hafa hug á námi við Háskólann á Akureyri.
Nemendaráðgjöf samanstendur af öflugum og samheldnum hópi starfsfólks sem hefur fjölbreytta þekkingu og reynslu. Í hópnum eru þrír náms- og starfsráðgjafar, Aníta, Arna og María og auk þeirra er einn sálfræðingur sem heitir Einar. María er forstöðumaður Nemendaráðgjafar og gefur lesendum nánari innsýn í þjónustuna.
Öll velkomin
„Starfið hjá Nemendaráðgjöf er mjög fjölbreytt. Dæmi um mín verkefni er að styðja við stúdenta í námi, veita upplýsingar um nám og störf, ráðgjöf varðandi námsval, námsframvindu, áhugasvið og góðar námsvenjur,“ útskýrir María sem leggur áherslu á að öll geti leitað til Nemendaráðgjafar og ekki þurfi sérstaka ástæðu til þess. Þá geta framhaldsskólanemar sem og aðrir einnig nýtt sér þjónustu Nemendaráðgjafar ef þeir eru að velta fyrir sér námi við HA. „Við tökum vel á móti þér á staðnum, rafrænt eða í síma. Hægt er að bóka viðtal hjá ráðgjafa eða sálfræðingi í gegnum bókunarsíðuna okkar sem má finna á vef háskólans, unak.is.“
María Jónsdóttir forstöðumaður Nemendaráðgjafar
Gott fólk og tækifæri í hverju horni
María segir það skemmtilegasta í starfinu vera að vinna með fólki við að finna sína leið. „Áskoranir geta verið margvíslegar og persónulegir sigrar eru gull,“ segir María. Hún segir að HA sé samfélag sem búi yfir góðu fólki og tækifærum í hverju horni.
Eins og fram hefur komið í fréttum hafa aldrei fleiri stúdentar stundað nám við HA en nú og er nýnemahópurinn í ár sá fjölmennasti frá upphafi. Nemendaráðgjöf hefur síðustu ár haldið úti síðunni Námstækni í HA á Canvas, kennslukerfi HA, sem er opið öllum stúdentum. „Þar má finna bæði námskeið í námstækni og prófkvíðanámskeið. Einnig bjóðum við upp á örfyrirlestra og námskeið, til dæmis um styrkleika og vítahring frestunar. Þá erum við einnig með hjálplega síðu á vef háskólans sem nefnist Bjargir en þar má finna eitt og annað sem getur hjálpað til við námið. Þar að auki heldur Einar sálfræðingur reglulega hópnámskeið í hugrænni atferlismeðferð (HAM) sem eru auglýst sérstaklega,“ útskýrir María.
Að lokum ítrekar María að vel sé tekið á móti öllum sem vilja koma í spjall til Nemendaráðgjafar. „Ef þið hafið einhverjar spurningar eða vangaveltur, kíkið við hjá okkur eða hafið samband, við erum til staðar fyrir ykkur og alltaf tilbúin í spjall.“
Nýjast
-
„Stóra viðurkenningin er að sjá gleði í augum barnanna“
Viðtal við Sigrúnu Stefánsdóttur og Dönu Rán Jónsdóttur um Vísindaskóla unga fólksins, sem hlaut viðurkenningu Rannís fyrir Vísindamiðlun ársins 2025. Vísindaskóli unga fólksins er rekinn af Rannsóknamiðstöð Háskólans á Akureyri. -
Ef góður tími er settur í undirbúningsvinnuna gæti uppskeran orðið góð
Hættu þessu bulli, þú veist að þetta er rétt hjá mér. Þetta er svona og hættu nú!Hvernig myndi þér líða ef vinnufélagi eða maki talaði við þig á þennan hátt? Hvaða tilfinningum myndir þú finna fyrir? Kannski reiði, depurð, særindum, brostnum vonum, ef til vill skömm. En hvernig heldur þú að barninu þínu liði ef þú talar við það á þennan hátt? -
Tímamót í sjálfsvígsforvörnum
Gulur september er helgaður geðrækt og sjálfsvígsforvörnum, samvinnuverkefni fjölmargra stofnana og félagasamtaka sem vinna saman að forvörnum. Ástæðan er einfaldlega sú að málefnið snertir okkur öll sem samfélag. Sjálfsvíg og andlát vegna óhappaeitrana (s.s. lyfja- eða fíkniefnaofskammta) eru viðkvæmir og sársaukafullir atburðir sem hafa djúpstæð áhrif á aðstandendur, fjölskyldur og samfélagið í heild. Reynsla og rannsóknir sýna að hver einstaklingur sem sviptir sig lífi skilur eftir sig stóran hóp syrgjenda og ástvina. -
Nemendaráðgjöf Háskólans á Akureyri styður við stúdenta með aðgengilegri og faglegri þjónustu
Hjá Nemendaráðgjöf HA er boðið upp á náms- og starfsráðgjöf, sálfræðiþjónustu, fjölbreytt og hagnýt námskeið ásamt ráðgjöf vegna úrræða í námi og prófum svo fátt eitt sé nefnt. Náms- og starfsráðgjafar og sálfræðingur starfa í þágu stúdenta og leggja þau áherslu á góða og aðgengilega þjónustu þar sem ráðgjöf er sniðin að þörfum hvers og eins. Tryggt er að allir stúdentar HA hafi aðgengi að þjónustu Nemendaráðgjafar og hafa stúdentar alltaf val um að nýta sér þjónustuna á staðnum, rafrænt eða í gegnum síma. Þá stendur þjónusta Nemendaráðgjafar einnig til boða fyrir þau sem hafa hug á námi við Háskólann á Akureyri. -
Í kjölfar Kveiks - Að gefnu tilefni
Í ljósi þáttar Kveiks varðandi snyrtistofur þá ætla ég að fá að koma með nokkra punkta til að bæta við þetta mál. -
Við vorum líka með plan
Húsnæðismál eldri borgara á Akureyri hafa kallað á frekari athygli og úrbætur og ekki síst eftir að upp kom mygla á Hlíð haustið 2022. Endurbætur hafa enn ekki hafist á þeim 22 hjúkrunarrýmum sem tekin voru úr notkun og ekki hefur heldur verið tekin ákvörðun um framtíð austurálmu Hlíðar sem er illa farin. Þetta hefur valdið fráflæðisvanda á SAk, aukið álag á stuðningsþjónustu og aðstandendur og ekki síst íbúa okkar sem svo nauðsynlega þurfa á þessari þjónustu að halda. -
Fréttatilkynning Nýsköpunarsjóðurinn Kría opnar fyrir umsóknir í nýtt fjárfestingaátak
Nýsköpunarsjóðurinn Kría (NSK) hefur opnað fyrir umsóknir í nýtt fjárfestingaátak sem miðar að því að fjárfesta í sprotafyrirtækjum snemma á þróunarferli þeirra. Viðskiptahugmyndin sem félagið byggir á þarf að vera vænleg til vaxtar og útflutnings, félagið íslenskt og með starfsemi á Íslandi. Þá er það til framdráttar að lykilteymi félagsins skipi fjölbreyttur hópur með bakgrunn, reynslu og þekkingu sem nýtist vel við framgang félagsins. Félög af landsbyggðinni eru sérstaklega hvött til að sækja um fjárfestingu. -
Heilabilun – sjúkdómurinn sem hittir sífellt fleiri!
Að greinast með heilabilunarsjúkdóm er oftast mikið áfall, ekki eingöngu fyrir þann sem greinist heldur alla sem að honum standa. Heilabilun er í raun fjölskyldusjúkdómur því hann snertir alla sem næst sjúklingnum standa og þegar á líður verður álagið oftast mjög mikið. -
Barátta sveitarstjórnar Norðurþings fyrir auknum byggðakvóta til Raufarhafnar
Sveitarstjórn Norðurþings hefur á undanförnum árum barist fyrir auknum byggðakvóta og sértækum byggðakvóta til Raufarhafnar. Bókanir þess efnis hafa reglulega verið sendar til þingmanna, ráðherra og Byggðastofnunar.