Ánægðir eldri borgarar í Snælandi
Dögg Káradóttir félagsmálastjóri afhenti Önnu Rúnu blómvönd í tilefni dagsins. Mynd: JS
Félag eldri borgara á Húsavík og nágrenni tók í notkun nýja félagsaðstöðu í Snælandi á bóndadaginn, 22. janúar s.l. Áður var félagið með aðstöðu í Bjarnahúsinu, sem var fremur óhentug, ekki síst hvað aðgengi varðar. Neðri hæðin í Snælandi er í eigu Sjálfsbjargar, Norðurþing hefur leigt aðstöðuna um skeið, fyrst fyrir Setrið og nú fyrir Félag aldraðra.
„Við vorum búin að leita lengi að heppilegri aðstöðu fyrir félagið og erum bara himinsæl með þessa lendingu. Heilmikið hefur verið gert fyrir húsnæðið, þar lögðu margir gjörva hönd á plóginn í sjálfboðavinnu og þetta er orðið voða vistlegt hjá okkur og raunar stórglæsilegt, eins og þú sérð.“ Sagði Anna Sigrún Mikaelsdóttir, formaður Félags aldraðra. Og notaði um leið tækifærið og bauð blaðamanni kurteislega að ganga í félagið, eins og hann hefur nú aldur og þroska til, og verða þar með meðlimur númer 264.
Anna formaður ávarpaði félaga og gesti og gerði grein fyrir húsnæðinu og framkvæmdum þar að undanförnu. Dögg Káradóttir félagsmálastjóri Norðurþings afhenti formanni blómvönd og Eiður á Hallbjarnarstöðum lék undir fjöldasöng á nikkuna.
Aðstaðan í Snælandi verður opin alla virka daga klukkan 13 til 16. Þar verða einnig fundir stjórnar og aðrir minni fundir haldnir, en aðalfundir félagsins eru yfirleitt það fjölsóttir að þeir verða áfram í salnum í Miðhvammi. „Ég vil hvetja félaga til að vera duglega að líta inn til að spjalla og njóta samvista, hér verður alltaf einhver til staðar og heitt á könnunni.“ Sagði Anna Rúna að lokum. JS
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.