"Án alls þessa fólks má Akureyri sín lítils"
Ólína Freysteinsdóttir
Akureyri hefur fóstrað mig og mína frá 1993 og hér er gott að búa. Nú í vetur eins og stundum áður hefur verið leitað til mín og ég beðin að starfa og sitja á lista hjá stjórnmálaflokki. Ég hef sagt nei hingað til en nú er tími til kominn. Ekkert breytist af sjálfu sér, við erum samfélagið og samfélagið erum við. Allir sem þekkja mig vita að ég er örlítið til vinstri. Og ástæðan er einföld, ég er samfélagshyggjumanneskja. Einn fyrir alla og allir fyrir einn fandalaggahoj, eins og segir í Ávaxtakörfunni.
Ég er hrifin af nýjum listum, ég fylgdist með ágætum L-lista fyrir fjórum árum í gegnum kaffiheimsóknir mannsins míns og Nettóferðirnar tóku rúman klukkutíma. L-listinn hefur staðið sig ágætlega. Nú brýst fram á sjónarsviðið nýr flokkur sem mun örugglega standa sig vel. Ég spyr sjálfa mig af hverju ég hentist ekki á nýjan lista; nýtt blóð, engir gamlir draugar í farteskinu. Ég svara því fyrir sjálfa mig. Og svo ég vitni nú aftur í Ávaxtakörfuna; af því ég veit ekki hvort gulræturnar verði settar í mygluholuna og þekki ekki ananasinn.
Ég stökk í faðm Samfylkingarinnar því ég veit hverjar línurnar eru, ég get treyst því að hann stendur fyrir jöfnuð, þeir sem eiga meira, borga meira. Þeir sem þurfa meira, fá meira. Af því kýs ég ekki sjálfstæðisflokkinn. Stundum vildi ég raunar óska að ég væri sjálfstæðiskona, slagorðin eru svo flott, einstaklingsfrelsi og jafnrétti. Málið er að ég átta mig bara ekki á hvar þessi lína liggur. Þetta frelsi virðist svo oft á kostnað annarra. Eins og í hruninu, sem var ekki hrun heldur bara óheppileg staða markaðarins í útlöndum. Framsókn nefni ég ekki enda komin af góðu framsóknarfólki austan af fjörðum. Ég held frekast að þeir hafi villst í þokunni og forvitnilegt sjá hvað gerist með hlýnun sjávar.
Þetta er nú allt saman hér að ofan góðlátlegt grín. En hvað ætli sé þá efst í huga þessarar konu austan af fjörðum, ættlausri í þessum dásamlega bæ. Það er fólkið sem heldur utan um samfélagið okkar og hefur verið mér og mínum svo gott. Það er fólkið sem hefur umvafið mig og börnin mín. Starfsfólk heilsugæslu, leik-, grunn- og tónlistarskóla, dagmæður, starfsmenn í þjónustu á sundstöðum, íþróttamannvirkjum, á bókasafninu, ljósmæður, hjúkrunarfæðingar og heilsugæslulæknar. Þeir sem sinna snjómokstri, halda niðurföllum opnum, sjá um götulýsingu, taka ruslið, keyra strætisvagna, ég get lengi talið. Því tel ég mikilvægast af öllu að Akureyrarbær sem vinnuveitandi bæti það umhverfi sem hann býður starfsmönnum sínum uppá og mikið hefur mætt á síðustu ár. Án alls þessa fólks má Akureyri sín lítils. Á næsta kjörtímabili á bæjarstjórn að sýna í verki að mannauður er mikilvægasti fjársjóður bæjarfélagsins.
Ólína Freysteinsdóttir, verkefnastjóri og fjölskylduráðgjafi.
Ólína skipar sjötta sæti framboðslista Samfylkingarinnar á Akureyri
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.