Akureyri valtaði yfir lið Gróttu í kvöld
Leikmenn Akureyrar Handboltafélags sýndu úr hverju þeir eru gerðir eru þeir unnu stórsigur á Gróttu, 33:19, í Íþróttahöll Akureyrar í kvöld í N1- deild karla í handbolta. Eftir slæma útreið gegn FH í síðasta leik þurftu norðanmenn heldur betur að rífa sig upp fyrir leikinn í kvöld og sýna góðan leik og það gerðu þeir sannarlega. Akureyri hafði frumkvæðið í leiknum frá upphafi til enda og náðu fljótlega þægilegri forystu í leiknum.
Þegar um tíu mínútur voru liðnar af leiknum höfðu heimamenn fjögurra marka forystu 5:1 og leikmenn Gróttu komust lítt áleiðis gegn sterkri vörn norðanmanna. Áður en flautað var til leikhlés höfðu heimamenn aukið muninn í sjö mörk og staðan í hálfleik, 17:10.
Akureyri hélt uppteknum hætti í seinni hálfleik og náði fljótlega tíu marka forystu, 22:12, en norðanmenn náðu mest sextán marka forystu í leiknum í stöðunni 30:14 þegar um tíu mínútur lifðu leiks. Akureyri hélt dampi út leikinn og féll ekki í þá gryfju að missa niður gott forskot eins og oft áður í vetur, heldur hélt öruggri forystu út leikinn og fögnuðu að lokum fjórtán marka sigri.
Oddur Gretarsson fór fyrir markaskorun í liði Akureyrar í kvöld og skoraði 9 mörk, þar af 3 úr víti. Árni Þór Sigtryggsson skoraði 8 mörk, Heimir Örn Árnason 4 mörk og Hörður Fannar Sigþórsson kom næst honum með 3 mörk. Hörður Flóki Ólafsson átti stórleik í marki Akureyrar og varði 18 skot.
Anton Rúnarsson var markahæstur í liði Gróttu í leiknum, en þessi fyrrum leikmaður Akureyrar skoraði 8 mörk á sínum gamla heimavelli, þar af 3 úr víti. Magnús Sigmundsson varði 7 skot í liði gestanna í fyrri hálfleik og Gísli Guðmundsson átti góða innkomu í mark Gróttu í seinni hálfleik og varði 12 skot.
Akureyri er þar með komið með 13 stig í 4. sæti deildarinnar, en Grótta situr í 6. sæti með átta stig.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.