Akureyri leikur til úrslita eftir sigur í oddaleik
Fyrri hálfleikurinn var hnífjafn. Liðin skiptust á að hafa forystu en munurinn varð aldrei meiri en tvö mörk. Sveinbjörn Pétursson var í banastuði í marki Akureyrar og varði fimm skot á fyrstu átta mínútum leiksins, þar af eitt víti. Hjá HK-mönnum dró Ólafur Bjarki Ragnarsson vagninn í sóknarleiknum en hann skoraði fimm mörk í fyrri hálfleik. Það var skarð fyrir skildi í vörn Akureyrar að varnartröllið Guðlaugur Arnarsson veiktist klukkutíma fyrir leik og sat heima með flensu.
Staðan í hálfleik, 14:14, og allt í járnum í Höllinni.
Líkt og fyrri hálfleikurinn var sá seinni stál í stál. Akureyri komst í 17:15 í upphafi seinni hálfleiks. HK-menn tóku þá við sér og skoruðu þrjú mörk í röð og breyttu stöðunni í 18:17 sér í vil. Þegar seinni hálfleikurinn var hálfnaður hafði Akureyri tveggja marka forystu, 20:18. Akureyringar náðu svo þriggja marka forystu þegar sjö mínútur voru til leiksloka, 24:21, og var það mesti munurinn á liðunum hingað til í leiknum. Ólafur Bjarki var tekinn úr umferð og við það riðlaðist sóknarleikur gestanna.
HK-menn misstu mann útaf og heimamenn gátu aukið muninn í fjögur mörk en í staðinn minnkaði HK muninn í tvö mörk. Staðan 24:22. Heimamenn náðu svo þriggja marka forystu, 26:23, þegar ein mínúta og 45 sekúndur voru eftir og sigurinn í höfn. Oddur Gretarsson innsiglaði sigurinn endanlega með marki hálflri mínútu fyrir leikslok.
Lokatölur 28:25.
Mörk Akureyrar: Guðmundur Hólmar Helgason 8, Bjarni Fritzson 7 (2 úr víti), Oddur Gretarsson 5 (1 úr víti), Daníel Einarsson 3, Heimir Örn Árnason 3, Hreinn Þór Hauksson 2, Hörður Fannar Sigþórsson 1.
Varin skot: Sveinbjörn Pétursson 17.
Mörk HK: Ólafur Bjarki Ragnarsson 12 (5 úr víti), Leó Snær Pétursson 3, Bjarki Már Elísson 2, Vilhelm Gauti Bergsveinsson 2, Atli Karl Backmann 2, Bjarki Már Gunnarsson 1, Hörður Másson 1, Atli Ævar Ingólfsson 1.
Varin skot: Björn Ingi Friðþjófsson 10, Andrés Örn Aðalsteinsson 4.
Nýjast
-
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí.