Akureyri jafnaði einvígið gegn FH
Heimir Örn Árnason fyrirliði Akureyrar brýst í gegnum vörn FH.
Akureyringar unnu FH á heimavelli sínum fyrir norðan, 25-18, er liðin áttust við í öðrum leik liðanna í undanúrslitum N1-deildar karla í handknattleik. Staðan í einvíginu er því 1-1 og liðin mætast næst í Kaplakrika á sunnudaginn kemur, en vinna þarf þrjá leiki til að komast í úrslit. FH byrjaði leikinn af krafti í Höllinni en Akureyringar virtust hreinlega ekki mættir til leiks. FH komst í 3-0 en það tók Akureyringa heilar níu mínútur að komast á blað.
Líkt og í fyrsta leiknum í Kaplakrika voru norðanmenn í vandræðum í sóknarleiknum, vörnin hélt illa og FH hafði mun minna fyrir sínum mörkum. Daníel Freyr Andrésson í marki FH tók upp þráðinn frá því í leiknum í Krikanum og varði vel og skyttan Ólafur Gústafsson lét nokkra sleggjur vaða á mark heimamanna sem Sveinbjörn Pétursson í marki Akureyrar réði illa við. FH náði fimm marka forystu, 6-1, en Akureyri komst meira inn í leikinn þegar á leið og frábær endasprettur liðsins í seinni hálfleiks skilaði liðinu tveggja marka forskoti í hálfleik, 11-9, eitthvað sem lá ekki í loftinu framan af fyrri hálfleik. Vörn norðanmanna komst í gang og í takt við hana steig Sveinbjörn Pétursson upp í marki Akureyrar og varði mikilvæg skot. Viðsnúningurinn algjör í Höllinni.
Akureyri hélt áfram þar sem frá var horfið í upphafi seinni hálfleiks. Sveinbjörn Pétursson setti í lás í markinu og heimamenn komust sex mörkum yfir 18-12, þegar tíu mínútur voru liðnar af seinni hálfleik. Forysta Akureyringa var orðin átta mörk þegar seinni hálfleikurinn var rúmlega hálfnaður, 21-13, og FH tók leikhlé, en liðið virtist algjörlega ráðþrota. Leikhléið virtist ekki skila tilætluðum árangri en norðanmenn juku við forystuna sem var orðin tíu mörk, 23-13, þegar tæplega tíu mínútur lifðu leiks. Þennan mun náðu FH-ingar aldrei að vinna upp og norðamenn innbyrtu að lokum öruggan sjö marka sigur, 25-18, og það er því ljóst að liðin munu mætast aftur fyrir norðan.
Mörk Akureyrar: Bjarni Fritzson 10 (3), Oddur Gretarsson 7 (2), Bergvin Gíslason 1, Daníel Örn Einarsson 1, Hörður Fannar Sigþórsson 3, Heimir Örn Árnason 1, Geir Guðmundsson 1, Heiðar Þór Aðalsteinsson 1.
Varin skot: Sveinbjörn Pétursson 14 (1), Stefán Guðnason 1
Mörk FH: Ólafur Gústafsson 7, Ragnar Jóhannsson 2, Hjalti Þór Pálmason 4 (1), Atli Rúnar Steinþórsson 1, Örn Ingi Bjarkarson 1, Ari Magnús Þorgeirsson 1, Andri Berg Haraldsson 1,
Varin skot: Daníel Freyr Andrésson 13,
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.