Akureyri á lífi í einvíginu-Eins marks sigur í Höllinni
Bæði lið komu ákveðin til leiks í Höllinni í dag. FH staðráðnir í því að tryggja sér Íslandsmeistaratitilinn en Akureyringar ákveðnir í því að láta ekki gestina fagna titlinum á þeirra eigin heimavelli. Akureyri komst í 2:0 en FH jafnaði í 2:2 og jafnt var á tölum út hálfleikinn og skiptust liðin á að hafa forystu.
Sveinbjörn Pétursson varði ágætlega í fyrri hálfleik í marki Akureyrar eða 8 skot en Daníel Freyr Andrésson var aldrei þessu vant ekki heitur í marki FH og fékk Pálmar Pétursson tækifæri í marki FH-inga í fyrsta skiptið í úrslitaeinvíginu. Hann varði tvö skot í fyrri hálfleik og sá meðal annars til þess að FH færi með eins marks forystu í hálfleik með að verja frá Guðmundi Hólmari Helgasyni á loka andartökum fyrri hálfleiks, en Guðmundur Hólmar áttu arfa slakan leik fyrir Akureyri í dag og komst ekki á blað þrátt fyrir fjölmargar skot tilraunir.
Heimir Örn Árnason dró vagninn í sóknarleik Akureyrar í fyrri hálfleik og skoraði fjögur mörk auk þess að standa sín plikt í vörninni. Í liði FH voru þeir Ásbjörn Friðriksson, Ólafur Guðmundsson og Ólafur Gústafsson sem báru upp sóknarleikinn en vörn FH var þétt að vanda.
Staðan í hálfleik, 12:13 FH í vil.
Líkt og fyrri hálfleikurnn var sá seinni stál í stál framan af og jafnt á öllum tölum. Akureyri náði þriggja marka forystu eftir korters leik, 19:16, og var það mesti munurinn á liðunum hingað til í leiknum. Akureyri hefði getað komist fjórum mörkum yfir en þess í stað jöfnuðu FH-ingar í 19:19 þegar sex mínútur voru til leiksloka og allt í járnum í Höllinni.
Líkt og í fyrri leikjnum voru lokasekúndurnar rafmagnaðar af spennu. Akureyri komst í 23:21 en Ólafur Gústafsson minnkaði muninn í eitt mark, 23:22, þegar 40 sekúndur voru eftir.
Akureyri hélt í sókn og hefði getað klára dæmið endanlega en Halldór Logi Árnason, sem átti fína innkomu á línuna hjá Akureyri, skaut í slána, Daníel Einarsson tók frákastið en Pálmar Pétursson varði. FH fékk lokasóknina en tókst ekki að knýja fram framlengingu og Akureyringar fögnuðu gríðarlega í leikslok.
Lokatölur, 23:22.
Mörk Akureyrar: Heimir Örn Árnason 7, Bjarni Fritzson 4, Oddur Gretarsson 4 (2 úr víti), Halldór Logi Árnason 3, Daníel Einarsson 2, Hörður Fannar Sigþórsson 1, Guðlaugur Arnarsson 1, Hreinn Þór Hauksson 1.
Varin skot: Sveinbjörn Pétursson 24 skot.
Mörk FH: Ásbjörn Friðriksson 8 (5 úr víti), Ólafur Guðmundsson 5, Ólafur Gústafsson 5, Atli Rúnar Steinþórsson 2, Örn Ingi Bjarkarson 1.
Varin skot: Pálmar Pétursson 7, Daníel Freyr Andrésson 4.
Nýjast
-
Nùvitund
Nokkuð hefur verið fjallað um núvitund og það að allir þurfi að ná tökum á þessar aðferð til að slaka á og núllstilla sig. Stress er fylgifiskur nútíma lífs og stundum verður það svo mikið að fólk hreinlega veikist. Án þess að vera sérstakur sérfræðingur í núvitund hefur mér skilist að galdurinn sé að vera hér og nú, í augnablikinu. -
Aldrei fleiri stúdentar við Háskólann á Akureyri
„Nýnemadagar eru einn af mínum uppáhalds dögum hér í HA. Það er alltaf svo mikil tilhlökkun í loftinu, bæði hjá okkur sem erum fyrir og hjá þeim sem eru að stíga sín fyrstu skref í þessu geggjaða samfélagi. Ég man sjálf vel hversu spennandi það var að byrja hér og hvað það skipti mig miklu að finna strax fyrir hlýjunni og samheldninni sem einkennir HA,“ segir Dagbjört Elva Kristjánsdóttir, forseti Stúdentafélags Háskólans á Akureyri um næstu viku. -
Ég segi já!
Í stefnuyfirlýsingu ríkisstjórnar Samfylkingar, Viðreisnar og Flokks fólksins er kveðið á um að halda skuli þjóðaratkvæðagreiðslu um framhald viðræðna um aðild Íslands að Evrópusambandinu eigi síðar en árið 2027. Heimsókn Ursulu von der Leyen til Íslands hefur endurvakið umræðuna um Evrópumál sem hefur tekið talsvert pláss á hinum ýmsu miðlum. Undirrituðum sýnist sem svo að kosningabaráttan fyrir væntanlega þjóðaratkvæðagreiðslu sé farin á fullt, ekki síst fyrir tilstuðlan minnihlutans á þingi sem hefur þó hingað til verið alfarið andvígur því að þjóðin fái að segja sitt í þessu mikilvæga máli. -
Vilja byggja fimm hæða íbúðarhús á Gránufélagsgötu 45
Óskað hefur verið eftir því að gerð verði breyting á deiliskipulagi við Gránufélagsgötu 45 á Akureyri. Í breytingunni felst að heimilt verði að byggja á lóðinni allt að fimm hæða íbúðarhús fyrir um 25 íbúðir á bilinu 45-70 fm. -
Eyjafjarðarsveit - Leikskólinn Krummakot opnar í nýju húsnæði
,,Upp er runninn sérlega ánægjulegur dagur sem margir hafa beðið eftir í langan tíma,“ skrifar Finnur Ingvi Kristinsson sveitarstjóri á vef sveitarfélagsins af því tilefni.„Þetta er stór stund fyrir okkar sveitarfélag.“ -
Ævintýri gerast þegar dreymt er stórt
Skrapp bara sí svona á Norðurpólinn með afkomendum landkönnuða til að gera heimildamynd -
Hofsbót 1 og 3 SS-Byggi úthlutað lóðinni
SS-Byggir sem átti hærra tilboðið af tveimur sem bárust í lóðina við Hofsbót 1 og 3 í miðbæ Akureyrar hefur staðfest að fyrirtækið mun halda lóðinni og hefur það skilað inn tilskyldum gögnum. Þeir sem buðu voru annars vegar SS Byggir sem bauð 251 milljón króna og Sigtún Þróunarfélag bauð 235 milljónir. -
Listasafnið á Akureyri: Almenn leiðsögn og fjölskylduleiðsögn um helgina
Laugardaginn 23. ágúst kl. 15 verður boðið upp á almenna leiðsögn um sýningu Margrétar Jónsdóttur, Kimarek-Keramik, og samsýningu norðlenskra listamanna, Mitt rými. Jafnframt verður fjölskylduleiðsögn í boði um sýningarnar daginn eftir, sunnudaginn 24. ágúst, kl. 11. Aðgangur að fjölskylduleiðsögninni er ókeypis í boði Norðurorku og að henni lokinni er gestum boðið að búa til sitt eigið listaverk, innblásið af verkum sýninganna. En aðgangur að almennu leiðsögninni er innifalinn í aðgöngumiða á safnið. -
Beint frá býli dagurinn verður á Völlum
Beint frá býli dagurinn verður haldinn næstkomandi sunnudag, 24. ágúst. Þetta er í þriðja sinn sem efnt er til dagsins, en viðburðurinn hefur á skömmum tíma fest sig í sessi sem fjölskylduvænn hátíðisdagur í íslenskri sveit. Markmiðið er að vekja athygli á hugmyndafræði beint frá býli, efla tengsl milli framleiðenda og neytenda og hvetja fleiri til að hasla sér völl á sviði smáframleiðslu matvæla.