Akureyrarvaka í Menningarhúsinu Hofi
Það verður af ýmsu að taka í Menningarhúsinu Hofi á Akureyrarvöku sem fram fer nú um helgina
FÖSTUDAGUR
Á föstudagskvöldið fara fram tónleikarnir Hávaðasamar vættir þar sem tónlistarmaðurinn Högni Egilsson, ásamt Daníel Friðriki Böðvarssyni gítarleikara og Steinunni Arnbjörgu Stefánsdóttur sellóleikara koma fram og horfa til nýrra og fornra heima tóna og hljóða. Tónleikarnir fara fram í Nausti og hefjast kl. 22. Eins og með aðra viðburði Akureyrarvöku í Hofi er enginn aðgangseyrir á tónleikana og ekki þarf að panta miða. Öll velkomin á meðan húsrúm leyfir!
LAUGARDAGUR
Á laugardaginn er komið að skemmtilegri dagskrá fyrir alla fjölskylduna. Skátarnir verða með Kassaklifurkeppni fyrir utan Hof milli kl. 13-16 en á sama tíma innanhús verða sirkusstöðvar með Húlladúllu. Hefur þig alltaf dreymt um að starfa í sirkús? Nú er tækifærið til að sýna hvað í þér býr!
Í Hömrum verður Danspartý fyrir fjölskylduna frá kl. 13.30-14.30. Tónlist og ljós fara í gang klukkan 13 og við hvetjum alla krakka, foreldra og fjölskyldur að koma og hrista á sér rassinn. Dagskráin hefst svo klukkan 13:30 með ýmsum danssporum og leikjum þar sem Kata Vignis, dansarar og DJ Ívar ætla að halda uppi stuðinu! Frábær skemmtun fyrir alla fjölskylduna, komdu og vertu með í þessari gleðisprengju!
Í Hamragili kl. 14-14:30 verða Popup tónleikar þegar blásarakvintettinn Norð-Austan 5 bjóða gestum og gangandi í Menningarhúsinu Hofi uppá sumarlegt og skemmtilegt prógramm sem samanstendur af fallegum útsetningum á íslenskum þjóðlögum eftir Pál Pampichler Pálsson í bland við útdrátt úr verkinu „myndir af sýningu“ eftir Modest Mussorgsky. Einnig má heyra býflugu á sveimi á einhverjum tímapunkti og hinn hugljúfa jazz-standard „Summertime“ eftir Gershwin.
Leikarinn og söngvarinn Felix Bergsson, úr Gunna og Felix, mætir í Hamra frá kl. 15-15:30 með viðburð sem kallast Felix syngur fyrir börnin. Felix hefur um árabil unnið að barnaefni, talsett, skrifað, leikið og sungið. Hann mun stíga á svið í Hofi og syngja sín vinsælustu lög og rabba við börnin um lífið og tilveruna.
Í Hamragili milli kl. 15.30-16 mun hópurinn Arctic Opera, klassísk þjálfaðra óperusöngvara á Norðurlandi, stíga á stokk undir listrænni stjórn Michael Jóns Clarke. Söngvarar dagsins verða Helena Guðlaug Bjarnadóttir sópran, Michael Jon Clarke bariton og Guðrún Ösp Sævarsdóttir mezzosópran.
Opnun myndlistarsýningar Gunnars Kr. Formglíma, blek og blý fer fram í Hamragili kl. 16. Listamaðurinn verður á svæðinu til kl. 18. Sýningin sjálf verður í húsinu til 31. október. Gunnar mun svo bjóða upp á leiðsögn um sýninguna á sunnudeginum. Leiðsögnin hefst kl. 13.
Kl. 16.30 – 17.00 er aftur komið að Popup tónleikum Norð-austan 5.
Á kaffihúsinu Garúnu verður notaleg stemning með Tríói Akureyrar milli 19-20 þegar tónleikarnir Dægurlagadaður fara fram en þar spila íslensk dægurlög stærsta hlutverkið. Tríóið er skipað tónlistarmönnunum Valmari Väljaots tónlistarsjentílmanni, Jóni Þorsteini Reynissyni afburðanikkara og Erlu Dóru Vogler söngskvísu. Um að gera að koma og njóta ljúfra tóna og veitinga á Garúnu.
Um kvöldið, milli kl. 20-22, fara fram tónleikarnir Þó líði ár og öld - Tónaútgáfan þar sem saga Tónaútgáfunnar rakin í tali og tónum. Um sönginn sjá þau Erna Hrönn, Magni Ásgeirs, Stebbi Jak, Stefán Elí og Summi Hvanndal. Hljómsveitina skipa Eyþór Ingi Jónsson á orgel og hljómborð, Haukur Pálmason á trommur, Kristján Edelstein á gítar, Magni Ásgeirs á gítar og Summi Hvanndal á bassa. Kynnir er Þorsteinn G. Gunnarsson. Eins og með aðra viðburði Akureyrarvöku er frítt inn á tónleikana sem verða í Hamraborg. Mikilvægt er að mæta tímanlega til að tryggja sér sæti. Öll velkomin á meðan húsrúm leyfir.
SUNNUDAGUR
Á sunnudeginum kl. 13 er komið að leiðsögn um sýninguna Formglíma – blek og blý. Myndlistamaðurinn Gunnar Kr leiðsegir gestum um sýningu sína.
Kl. 14 er komið að Filmumönnum en í tilefni af 30 ára frumsýningarafmæli fyrstu myndar Filmumanna verða sýndar myndirnar Spurning um svar, Skotinn í skónum, Negli þig næst og GAS í samstarfi við Menningarhúsið Hof, Garúnu og Akureyrarbæ. Á undan hverri mynd verður boðið uppá spurningar til aðstandenda myndanna og þau munu svara af sinni alkunnu snilld. Sýningin er í Hömrum og við bendum gestum á að veitingastaðurinn Garún er opinn og gestir hvattir til að fara með veitingarnar í salinn meðan á sýningum stendur.
Enginn annar en sjálfur Herbert Guðmundsson mætir í Garún/Hamragil kl. 16:30-17:30 með alla sínu helstu slagara. Þátttakendur í skemmtilegasta hjólaviðburðinum Tweed ride enda túrinn á viðburðinum. Herbert tekur nokkur lög en svo verða viðurkenningar veittar fyrir hjólaviðburðinn í hléi. Svo stígur Herbert aftur á svið og klárar sína dagskrá eins og honum einum er lagið.
Enginn aðgangseyrir er á viðburðina sem fram fara í Hofi á Akureyrarvöku. Verið öll hjartanlega velkomin meðan húsrúm leyfir.
Opnunartími verslunarinnar Kistu í Hofi á Akureyrarvöku er til 22 á föstudagskvöldið og 17 á laugardaginn og sunnudag. Opnunartími Garúnar á föstudag og laugardag er frá 10-23 og sunnudag 10-18. Vekja má athygli á því á Garún mun bjóða upp á happy hour en tímasetningin er auglýst á facebookar síðu Garún.
Dagskrá Akureyrarvöku eins og hún leggur sig er að finna á www.akureyrarvaka.is
Nýjast
-
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega. -
Bókakynning á Amtsbókasafninu á Akureyri á morgun.
Kristín Guðmundsdóttir höfundur bókarinnar Tólf lyklar verður með kynningu á bókinni á Amtsbókasafninu á morgun og hefst kynningin klukkan 15:30. Bókin er fyrir fólk af erlendum uppruna sem er búið með grunninn í íslensku. -
Barnamenningarhátíð á Akureyri
Barnamenningarhátíð á Akureyri er nú haldin í sjöunda sinn og hefur vaxið ár frá ári. Hátíðin teygir sig yfir allan aprílmánuð með það að markmiði að hvetja börn og fjölskyldur þeirra til að taka virkan þátt í menningarlífi bæjarins sér að kostnaðarlausu.Á dagskrá eru fleiri en 50 viðburðir af ýmsu tagi. -
Sigríður Örvarsdóttir nýr safnstjóri Listasafnsins
Sigríður Örvarsdóttir hefur verið ráðin nýr safnstjóri Listasafnsins á Akureyri. Sigríður er með MA gráðu í safnafræði frá Háskóla Íslands (2018), BA gráðu í textílhönnun frá Seminaret for Kunst og Haandværk í Danmörku (2001), ásamt meistaranámi í prjónahönnun frá Academie Royale des Beux-Arts (2014) og viðbótardiplómu í hagnýtri jafnréttisfræði frá Háskóla Íslands (2009). Auk þess er hún með kennsluréttindi í grunn- og framhaldsskóla (2001). Sigríður hefur starfað sem safnstjóri og forstöðumaður Menningarmiðstöðvar Þingeyinga frá árinu 2022 og veitir sem slík forstöðu Myndlistarsafni Þingeyinga en safneign þess telur um 1.900 verk. Í starfi sínu stýrir hún starfseminni og ber ábyrgð á öllum þáttum rekstrar, allri fjárhags- og verkefnaáætlanagerð, bókhaldi, mannauðsmálum, rekstri fasteigna og faglegu starfi sjö annarra safneigna og fjögurra sýningarstaða. Sigríður starfaði sem verkefnastjóri sýninga hjá Akureyrarbæ sumarið 2021. Í því starfi sinnti hún sýningagerð, rannsóknarvinnu og kynningarmálum. Árin 2019 til 2020 var hún sjálfstætt starfandi ráðgjafi við gerð safnastefnu Akureyrarbæjar. Hún gegndi starfi safnafulltrúa Listasafnsins á Akureyri árið 2012 og árin 2010 og 2012 starfaði hún sem verkefnastjóri samsýninga og ritstjóri safnahandbóka fyrir söfn á Norður- og Norðausturlandi. Árin 2008 til 2012 starfaði hún sem safnkennari við Minjasafnið á Akureyri. Sigríður hefur reynslu af kennslu í list- og hönnunargreinum á öllum skólastigum innan lands sem utan, m.a. hjá Listaháskóla Íslands og Marbella Design Academy á Spáni. Hún hefur tekið þátt í alheimsþingi ICOM, alþjóðaráðs safna og verið fulltrúi þess í Rannsóknarsetri í safnafræðum við Háskóla Íslands. Alls bárust 14 umsóknir um starfið. -
Virðist sem skorti pólitískan vilja
Stjórn og trúnaðarráð Framsýnar kom saman til fundar í gær. Mörg mikilvæg mál voru til umræðu á fundinum m.a. samgöngumál. Ákveðið var að hvetja Vegagerðina og stjórnvöld til að styðja við áætlunarflug um Húsavíkurflugvöll auk þess styðja betur við Loftbrúna sem skiptir íbúa á landsbyggðinni verulega miklu máli. Fjölga þarf ferðum sem menn geta nýtt sér á þessum sérstöku kjörum -
Vantraust og kerfishrun í málefnum fólks með ADHD
Aðalfundur ADHD samtakanna fta, haldinn 16. apríl 2024 skorar á Heilbrigðisráðherra að grípa nú þegar til aðgerða vegna þess kerfishruns sem blasir við í þjónustu hins opinbera við fólk með ADHD. Vegna aðgerðarleysis stjórnvalda á liðnum árum hafa biðlistar eftir greiningu og meðferð meira en tvöfaldast og nú bíða um fjögur þúsund einstaklingar eftir að komast í greiningarferli. Biðtími fullorðinna eftir ADHD greiningu og meðferð verður að óbreyttu vel á annan áratug hjá þeim sem nú hefja ferlið samkvæmt tilvísun Heilsugæslulæknis – vel á annan áratug!!
Athugasemdir