Akureyrarbær hafnaði beiðni Krabbameinsfélagsins um stuðning
Marta Kristín Jónsdóttir, staðgengill framkvæmdastjóra Krabbameinsfélags Akureyrar og nágrennis. Mynd/aðsend
Krabbameinsfélag Akureyrar og nágrennis leitar nú leiða til að tryggja áframhaldandi rekstur þjónustumiðstöðvar, en erfiða fjárhagsstöðu félagsins má rekja til efnahagslegra áhrifa Covid-19. Þrátt fyrir sparnaðaraðgerðir sér stjórn félagsins ekki fram á að standa af sér áframhaldandi efnahagslega óvissu. Þetta kemur fram í tilkynningu sem félagið sendi frá sér í dag.
Starf félagsins byggir alfarið á stuðningi einstaklinga og fyrirtækja auk þess sem félagið nýtur stuðnings Krabbameinsfélags Íslands, m.a. í gegnum Velunnarasjóð. „Það sem af er ári hefur dregið verulega úr styrkveitingum frá einstaklingum og fyrirtækjum auk þess sem stórar fjáraflanir eins og Hrúturinn, Gæfuspor og Reykjavíkurmaraþon hafa ekki skilað inn áætluðum tekjum. Er það rakið til efnahagsástæðna í samfélaginu ásamt fjöldatakmarkanna vegna Covid-19,“ segir Marta Kristín Jónsdóttir, staðgengill framkvæmdastjóra Krabbameinsfélags Akureyrar og nágrennis. Hún bætir við að fram undan séu Dekurdagar á Akureyri. „Frábært framtak verslunareigenda í bænum, sem hafa styrkt félagið myndarlega síðustu ár og bindur félagið vonir við að söfnunin gangi vel í ár.“
Félagið rekur þjónustumiðstöð fyrir fólk sem greinist með krabbamein og aðstandendur þeirra að Glerárgötu 34 á Akureyri. Þjónustan telur m.a. til viðtala við fagaðila skjólstæðingum að kostnaðarlausu, með áherslu á stuðning og fræðslu. Einnig er boðið upp á námskeið og tvisvar í viku er opið hús fyrir fólk sem hefur greinst með krabbamein. Félagið sinnir auk þess fræðslu og forvörnum ásamt því að vera málsvari fyrir krabbameinsgreinda á svæðinu. Þjónusta og sérfræðiþekking innan félagsins er einstök og sambærileg þjónusta er ekki til staðar innan heilbrigðiskerfisins á svæðinu. Félagið er mikilvægur hlekkur í bataferli krabbameinsgreindra auk þess sem áhrif Covid-19 á skjólstæðinga félagsins eru margþætt og því mikilvægt að þeir geti leitað áfram til félagsins.
Einn af hverjum þremur Íslendingum fær krabbamein einhvern tímann á lífsleiðinni og tveir af hverjum þremur eru aðstandendur. Starfsemi Krabbameinsfélags Akureyrar og nágrennis hefur vaxið ört á undanförnum árum með aukinni þjónustu og bættri aðstöðu fyrir skjólstæðinga. Vegna þeirra ófyrirsjáanlegu aðstæðna sem heimsfaraldur hefur valdið mun núverandi rekstrarfé félagsins vera uppurið í lok febrúar 2021 með tilheyrandi skerðingu á þjónustu á svæðinu.
„Krabbameinsfélag Akureyrar og nágrennis hefur þegar leitað til Akureyrarbæjar og annarra sveitarfélaga um fjárhagslegan stuðning til þess að þjónustan geti haldið áfram í óbreyttri mynd í heimabyggð. Akureyrarbær og Fjallabyggð hafa hafnað þeirri beiðni. Félagið biðlar því nú til fjársterkra aðila á svæðinu að svara kalli félagsins um aðstoð,“ segir í tilkynningunni.
Nýjast
-
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára.
Athugasemdir