Áhyggjur í útgerðarbæ!
Það er verið að tala um gríðarlega tilfærsu á fjármunum í þessu frumvarpi og því mun það hafa mikil áhrif verði það að lögum. Áhrifin hér á Akureyri verða e.t.v. minni en sums staðar annars staðar einfaldlega vegna þess hve fyrirtæki hér eru sterk, segir Stefán B. Gunnlaugsson lektor við viðskiptadeild Háskólans á Akureyri um frumvörpríkisstjórnarinnar um stjórn fiskveiða sem mælt var fyrir á Alþingi í gær.
Hins vegar er ljóst að jafnvel hér á Akureyri munu menn þurfa að grípa til umfangsmikilla hagræðingaraðgerða sem líklega mun koma niður á fjölda skipa, starfsfólks og umsvifum starfseminnar á svæðinu, segir Stefán ennfremur. Stefán hefur m.a. verið einn helsti óháði sérfræðingurinn um útreikninga á áhrifum breytinga á kvótakefinu á afkomu sjávarútvegsins og unnið skýrslur þar um. Stefán segist enn vera að skoða hugsanleg áhrif af frumvarpinu og ekki tímabært að tjá sig um það í einstökum atriðum. Hann segir að ekkert sé um það í frumvarpinu hvað eigi að gera við stórauknar skatttekjur af veiðigjaldi, en vill að svo komnu máli ekki tjá sig um hvort eðlilegt sé að sveitarfélög þar sem sjávarútvegsstarfsemin fer fram fái með einhverjum hætti bætt minnkandi umsvif sem þessu gæti fylgt með hlutdeild í þessu gjaldi.
Áhrif á Samherja
Fulltrúar hagsmunaaðila í sjávarútvegi í útgerðarbænum Akureyri taka enn dýpra í árinni en Stefán og lýsa miklum áhyggjum þótt þeir eins og Stefán taki fram að lítill tími hafi verið til að skoða málið í einstökum atriðum.
Kristján Vilhelmsson hjá Samherja bendir á að í dag, fimmtudag muni samtök útgerðarmanna funda um málið. Það liggur þó alveg í augum uppi að þetta mun hafa mjög veruleg áhrif á allan rekstur Samherja á Íslandi, hann mun augljóslega minnka þar sem verulegur tilflutningur aflaheimilda er úr því kerfi sem Samherji vinnur í í dag. Að sjálfsögðu mun ofurgjaldtaka á greinina hafa mjög veruleg neikvæð áhrif á reksturinn á margan hátt, segir Kristján. Hann bendir einnig á að í greinargerð með fruvarpinu sé beinlínis bent á alvarleg áhrif þess, sóun og að fyrirtæki muni jafnvel verða gjaldþrota.
Vonbrigði sjómanna
Konráð Alfreðsson formaður Sjómannafélags Eyjafjarðar segir fyrstu viðbrögð sjómanna vera vonbrigði. Vonbrigði með að nú á að far í að skattpina sjávarútveginn og koma í veg fyrir að eðlileg endurnýjun og framþróun verði í greininni. Hann segir að það þurfi að ná sátt í þessum málum en með þessu sé einhliða gengið allt ogf langt og sátt því útlokuð í raun. Hann kveðst kvíða því fyrir hönd sjómanna hvernig útgerðin muni bregðast við og mæta þessum auknu álögum, en sjávarútvegurinn spili eftir þeim leikreglum sem stjórnvöld setji. Sér sýnist stefnan sett aftur til fortíðar, á gjörbreytt sjósóknarmynstur þar sem útgerðir selji jafnvel frá sér stærri skipin og smábátaútgerð taki við svo við verðum að taka fram árarnar og belgvettlingana, eins og hann orðaði það.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.