Afmælisárið opnað með þrettándagleði
Íþróttafélagið Þór á Akureyri var stofnað 6. júní 1915 og verður því hundrað ára á árinu. Af því tilefni stendur félagið fyrir margs konar viðburðum allt árið. Sá fyrsti verður þriðjudaginn 6. janúar þegar Þórsarar syngja og dansa út jólin með óvenju veglegri þrettándagleði á Þórssvæðinu.
Hátíðahöldin hefjast kl. 17 með því að Barna- og Æskulýðskórs Glerárkirkju tekur á móti gestum með söng utan við Bogann. Inni í Boganum skemmtir dansflokkurinn Vefarinn gestum ásamt því að hægt verður að versla sér kaffi, kakó, vöfflur og gos.
Klukkan 18 verður skrúðganga yfir á Þórsvöllinn og í stúkuna undir forystu álfakóngs- og drottningar ásamt 100 kyndlaberum. Púkar, tröll og jólasveinar mæta að sjálfsögðu á svæðið eins og alltaf.
Á Þórsvellinum fer fram skemmtidagskrá. Eiríkur Björn Björgvinsson bæjarstjóri setur hátíðina og afmælisár Þórs formlega. Gamlir Þórsarar verða heiðraðir. Jón Jósep Snæbjörnsson, betur þekktur sem Jónsi í Svörtum fötum, og hinn góðkunni Óskar Pétursson skemmta gestum með söng, álfakóngurinn flytur ávarp, hann og álfadrottningin syngja og að síðustu stíga jólasveinarnir á svið og syngja út jólin um kl. 19.
Allir bæjarbúar og aðrir velunnarar félagsins eru velkomnir á þrettándagleði Þórs. Aðgangur er ókeypis. Þrettándagleðin er skipulögð af félaginu í samstarfi við Viðburðastofu Norðurlands, og með góðum stuðningi frá Akureyrarstofu.
Áfram mun félagið og deildir þess standa fyrir viðburðum, hefðbundnum og óhefðbundnum, út allt afmælisárið. Sumir þessara viðburða fara fram ár eftir ár, eins og kappleikir og mót í þeim íþróttagreinum sem innan félagsins eru starfræktar, sumir þessara viðburða verða gerðir enn veglegri en venjulega í tilefni af afmælisárinu. Sjálfan afmælisdaginn, 6. júní, ber upp á laugardag og þá verður mikið um dýrðir á félagssvæðinu. Nánar verður greint frá þeim hátíðahöldum síðar sem og öllum viðburðum ársins jafnóðum og þá ber að.
Aðalstjórn Þórs lét hanna sérstakt afmælismerki þar sem gullinn sveigur og borði ásamt áletruninni 100 ára 1915-2015 ramma inn Þórsmerkið, sem áfram verður að sjálfsögðu tákn félagsins. Afmælisumgjörð Þórsmerkisins er hönnuð af Arnari Sigurðssyni á Geimstofunni.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.