Aflið ákallar þingmenn
Forystumenn Aflsins á Akureyri, samtökum gegn kynferðis- og heimilisofbeldi, hafa sent bréf til allra þingmanna þar sem skorað er á þá að leggja meira fjármagn í rekstur félagsins. Eins og Vikudagur greindi frá í haust er rekstrarstaða Aflsins í molum og hætt við að starfsemin leggist af á næstu árum verði ekkert að gert. Forsvarsmenn Aflsins hafa hrint af stað undirskriftasöfnun máli sínu til stuðnings.
Í bréfinu til þingmannana segir: Aflið hefur verið starfandi frá árinu 2002 og hefur frá upphafi barist við of lítið fjármagn. Staðan núna er mjög alvarleg og er útlit fyrir að Aflið leggist af innan örfárra ára ef ekki verður aukið við fjármagn til starfseminnar og er það sú staða sem er kveikjan að þessu bréfi. Ofbeldi er mjög alvarlegt samfélagsmein sem bæði er dýrkeypt fyrir þolendur og fjölskyldur þeirra, fjölskyldur ofbeldisfólksins og ekki síður fyrir samfélagið í heild sinni.
Því skiptir það sköpum fyrir velferð samfélagsins að hlúa vel að þeim samtökum sem sinna þjónustu við þolendur sem til þeirra leita. Það er alveg ljóst að slík samtök hafa veitt fólki von til að lifa betra lífi. Þau hafa aðstoðað fólk við að vinna bug á alvarlegum afleiðingum sem jafnvel hafa kostað fólk lífið en einnig gefið fólki tækifæri til að finna styrk sinn til að verða aftur virkari þegnar í samfélaginu og atvinnulífinu.
Krefjandi vinna sem engum ætti að bjóðast að vinna til lengdar af hugsjón einni saman
Frá upphafi hafa ráðgjafar Aflsins unnið hluta vinnu sinnar í sjálfboðavinnu og oft hefur ekki verið til fjármagn til að starfrækja alla þá sjálfshjálparhópa sem þörf hefur verið fyrir. Það vita allir þeir sem komið hafa nálægt vinnu með þolendum ofbeldis og forvarnarstarfi á þeim vettvangi að um er að ræða mjög krefjandi vinnu sem engum ætti að bjóðast að vinna til lengdar af hugsjón einni saman. Önnur sambærileg samtök á landinu, til dæmis Stígamót og Kvennaathvarfið, hafa alla tíð borgað sínum starfsmönnum laun og það á að vera sjálfsagt og nauðsynlegt til þess að starfsfólk hafi úthald í þeirri vinnu að veita viðtöl við þolendur, fræðslu og annað sem til þarf til að berjast gegn ofbeldi í okkar litla landi.
Því hlýtur að vera komið að því að Aflið geti starfað af fullum krafti án þess að treysta á fórnfýsi sömu fáu einstaklinga ár eftir ár eftir ár. Því höfum við, sem skrifum undir þetta skjal, ákveðið að senda ákall til allra þingmanna og þeirra ráðherra sem að málinu koma um að setja þennan alvarlega og dýrkeypta málaflokk í forgang og leggja fram það fjármagn sem nauðsynlegt er til að Aflið geti sinnt hlutverki sínu!
Hægt er skrá sig á undirskriftalistann hér.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
