Æfir japanska bardagaíþrótt og leiðsegir ítölskum ferðamönnum á sumrin
Ásta Margrét Ásmundsdóttir er efnafræðingur og aðjúnkt við Auðlindadeild Háskólans á Akureyri. Ásta kennir efnafræði við deildina og stundar jafnframt rannsóknir á sviði umhverfismála. Undanfarin ár hefur hún rannsakað örplast í íslenskri náttúru, en örplast eru plastagnir sem eru < 5 mm í þvermál. Örplast verður m.a. til við niðurbrot á plastúrgangi sem dagar uppi í náttúrunni.
Örplast hefur verið að safnast upp bæði í sjónum og á landi í marga áratugi og finnst nú á afskekktum stöðum jarðarinnar eins og t.d. við pólana. Ásta og samstarfsfólk hennar hefur t.d. mælt töluvert örplast á jöklum, í seti stöðuvatna og víðar hér á landi. Ásta hefur auk þess haft umsjón með umhverfisvöktun í Eyjafirði í samstarfi við Norðurorku, þar sem fylgst er með ástandi sjávar og hvort og hvernig skolp í útrás bæjarins hefur áhrif á ástand sjávar og lífríkis þess.
Rannsakar krækling sem vex nálægt skolp útrásum
Undanfarið misseri hefur Ásta verið í rannsóknarleyfi og dvalið hjá NORCE (Norwegian Research Centre) í Stavanger í Noregi. Þar hefur hún stundað rannsóknir á kræklingi sem er ræktaður við skolp útrásir á Reykjavíkursvæðinu. Markmiðið með þeim rannsóknum er að kanna hvort örplast, lyfjaleifar og fleiri mengunarefni safnist upp í kræklingi sem vex nálægt skolp útrásum og hvaða áhrif mengunin gæti haft á vöxt og viðgang hans.
Doktorsnám samhliða starfinu í HA
Ásta er Akureyringur og eftir útskrift úr Menntaskólanum á Akureyri lærði hún efnafræði við Háskóla Íslands og útskrifaðist þaðan með B.Sc gráðu. Síðan lá leiðin til Ítalíu þar sem hún fór í mastersnám í efnagreiningum við Háskólanum í Bologna. Árin á Ítalíu urðu sex, en eftir heimkomu hefur Ásta m.a. starfað sem efnafræðingur hjá Skinnaiðnaðinum, Matís og Becromal auk þess sem hún útskrifaðist úr MBA námi frá Háskólanum í Reykjavík og úr kennslufræði frá Háskólanum á Akureyri. Ásta hefur starfað við Háskólann á Akureyri frá árinu 2013 og stundar nú samhliða starfinu doktorsnám við Háskóla Íslands.
Ásta er útivistarkona og náttúruunnandi og stundar stíft hestamennsku, skíði og göngur í frítíma sínum. Það sem færri vita er að hún æfir líka japanska bardagaíþrótt. Hún er lærður leiðsögumaður og nýtur þess að leiðsegja ítölskum ferðamönnum um Ísland yfir sumartímann.
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir