10% fólksfækkun á Kópaskeri þegar tvær fjölskyldur flytja
Við höfnina á Kópaskeri. Mynd: Js
Tvær til þrjár fjölskyldur, samtals 12 manns, eru að flytja búferlum frá Kópaskeri á næstunni og þetta þýðir einfaldlega að þorpsbúum fækkar um heil 10%.
Að sögn Jóns Grímssonar, fyrrum bæjarfulltrúa í Norðurþingi, sem búsettur er á Kópaskeri og er þar öllum hnútum kunnugur, búa um 120-30 manns í þorpinu um þessar mundir, þannig að það lætur nærri að hér sé um 10% íbúafækkun að ræða á einu bretti.
Önnur fjölskyldan er spænsk og telur samtals 6 manns og hefur búið á Kópaskeri í 2-3 ár. „Afbragðs fólk og mikill missir af því. En dóttir þeirra er í framhaldsskóla á Akureyri og það er einfaldlega dýrt fyrir foreldra að búa fjarri þeim menntastofnunum sem börnin þeirra stunda nám við, og það er kannski helsta ástæða þess að þau eru að fara. Og fleiri ástæður liggja auðvitað að baki hjá öðrum.“ Segir Jón.
Jón segir að fólkið sem er að fara frá Kópaskeri sé flest að flytja á suðvesturhornið eins og raunar eigi yfirhöfuð við um búferlaflutninga innanlands. „Þetta er eiginlega gegnumgangandi og hefur verið í áratugi. Þegar fólk tekur sig upp á smærri stöðum í dreifbýlinu, þá eru sárafáir sem flytja sig um set á næsta þéttbýlisstað eða þar næsta, til dæmis hvað Kópasker varðar, þá flytur fólk sjaldan þaðan til Húsavíkur eða Akureyrar, heldur fer alla leið á suðvesturhornið. Hið sama á yfirleitt við um fólk sem flytur frá Húsavík, það fer ekki til Akureyrar heldur beint suður.“
Nýlega var haldið íbúaþing í Öxarfirði þar sem rætt var um byggðina við fjörðinn og hvernig mætti efla hana og styrkja. Jón segir að þetta hafi verið ágætur fundur, en verkefnið Brothættar byggðir væri raunar á upphafsreit í Öxarfirðinum en mun lengur hafi verið unnið að því á Raufarhöfn. „Að mínu viti og raunar er það skoðun fleiri, var það fáránleg stefna í upphafi að taki ekki Raufarhöfn og byggðina við Öxarfjörð saman í þessu verkefni. M.a. vegna þess að eitt lykilatriðið sem menn voru að velta fyrir sér varðandi Raufarhöfn var uppbygging á ferðaþjónustu, og þar er mjög erfitt um vik nema í nánu samstarfi við landeigendur í kring. Það átti að vinna með þetta svæði sem eina heild frá byrjun.“ Segir Jón.
Aðspurður segir hann að íbúðarhúsnæði í þorpinu hafi ekki legið á lausu á undanförnum árum og m.a. staðið fjölgun fyrir þrifum þó nú losnaði eitthvað við þessar vendingar. „Fyrir um 20 árum bjuggu þegar flest var 198 manns á Kópaskeri, en fljótlega eftir að rækjuveiðar og vinnsla lögðust hér af, fækkaði hratt niður í þetta 150 manns, og sá íbúafjöldi hélst í nokkur ár, en svo hefur sigið meira á ógæfuhliðina á síðustu árum.“ Segir Jón Grímsson. JS
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.