Vopnaskak á Oddeyrinni
Ingólfur Sverrisson skrifar
Oddeyrarinnar á Akureyri er fyrst getið í heimildum árið 1551 og þá ekki af gæfulegu tilefni. Þetta var árið eftir að Jón Arason og synir hans voru teknir af lífi í Skálholti. Í framhaldinu vildi danski kóngurinn fylgja því gerræði eftir og treysta völd sín í landinu til lengri tíma. Þess vegna lét hann kalla norðlenska klerka, sýslumenn og betri bændur til fundar til að láta þá skrifa undir hollustueið. Fundurinn var kallaður Oddeyrarfundurinn þar sem hann fór fram á eyðieyrinni sem Glerá flæddi um - líklega þar sem nú er Eiðsvöllurinn. Þar voru forystumenn fjórðungsins neyddir til að skrifa undir eiðinn og vopn skekin svo allir vissu að þeir yrðu gerðir höfðinu styttri ef þeir hlýddu ekki.
Síðan liðu aldir og fátt um vopnaskak á Oddeyrinni þar til við strákarnir um miðja síðustu öld mynduðum vopnaðar sveitir okkur til varnar. Á því var talin brýn þörf þar sem fregnir höfðu borist niður á Eyri að Bóbóliðið hyggði á frekari landvinninga til norðurs. Þeirra yfirráðasvæði var miðbærinn og syðri brekkan og því full ástæða til að bregðast við áður en það yrði of seint. Auk þess var viss hætta á að Innbæjarliðið vildi seilast til áhrifa norðar en strákarnir þar voru sagðir gríðarlega sterkir í návígi og til alls líklegir.
Til að bregðast við þessari vá voru tvö lið stofnuð á Eyrinni. Annars vegar Ljónskjafturinn, sem hafði umráð yfir allri Strandgötunni og norður að Gránufélagsgötu. Þeirra foringi var Halldór og var hann sagður afar öflugur, með harðskeytta og vel þjálfaða liðssveit sem þótti mjög óárennileg. Hins vegar var liðið mitt sem hét Eiturtönnin og spannaði yfir svæðið frá Gránufélagsgötu og norðurúr. Foringjar okkar voru tvíburarnir Habbi og Öddi úr Ránargötu 2 og voru ekki síður vel til forystu fallnir. Þeir hvöttu okkur óbreytta liðsmenn til að smíða vopn og verjur og einnig að æfa okkur vel í vopnaburði og bardagalistum hverskonar. Af því myndi vegur okkar vaxa og aðrir flokkar forðast að leggja í okkur fyrir hræðslu sakir.
Því var það að við félagarnir í Eiturtönninni tálguðum stærri spýtur til sverða með hvössum eggjum, beittum oddum og hjöltum. Einnig smíðuðum við skildi sem voru í senn traustir og léttir og gátu verndað okkur gegn hvers konar atlögum. Síðan hófust hávaðasamar æfingar í skylmingum sem bárust um allar götur, upp á skúra og niður á tún þar sem ferfætlingar horfðu á okkur í forundran og töldu okkur greinilega ekki með öllum mjalla enda gerðumst við hamrammir í þessum látum öllum. Þannig liðu dagar og vikur og fyrr en varði vorum við strákarnir í Eiturtönninni orðnir að óvígum og lítt árennilegum her. Eins og við mátti búast bárust fregnir af vaskleik okkar út fyrir yfirráðasvæðið og alla leið upp á Brekku og inn í Innbæ. Fór þá hrollur um margan góðan drenginn á þeim slóðum og hik kom á alla landvinninga þeirra til norðurs. Virtustu sagnfræðingar eru sammála um að með þessari vígvæðingu og æfingum hafi Eiturtönnin myndað það ógnarjafnvægi sem tryggði frið í bænum um áraraðir.
Ingólfur Sverrisson
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir