Vonbrigði á aðventu
Eitt af því sem einkennir aðventuna hjá barnafjölskyldum eru blessuð aðventudagtölin, til að létta undir með börnunum að telja niður dagana fram að jólum.
Ég þráaðist lengi við og keypti ekki sælgætisdagatöl handa mínum strákum á aðventunni enda þótti mér nóg um sælgætisát þó ekki væri stórhátíð í aðsigi.
Lengi vel keypti ég leikfangadagatöl dýrum dómi, ýmist playmobil eða lego en eftir tilraunir síðust ára hef ég lagt það á hilluna. Enda er þetta óttalegt drasl, strákarnir missa fljótt áhugann og maður er tínandi þessi smáleikföng upp af gólfinu og undan sófum alla aðventuna. Hingað og ekki lengra!
Í ár hallaði ég mér að sælgætinu og ekki vantar úrvalið af slíkum varningi í litlu heimaversluninni á Húsavík. Það varð vart við valkvíða en að lokum endaði ég á einhverju innfluttu drasli. Strákarnir urðu himinlifandi og ég glotti við tönn þegar ég sendi þá nýsykraða í skólann á morgnanna.
Þegar ég var að alast upp fyrir æði mörgum árum, þá var ekki um þennan valkvíða að ræða hjá foreldrum. Einu sælgætisdagatölin sem voru til sölu voru súkkulaðidagatöl Lions. Þó þetta hafi verið fyrir mörgum árum, þá var samt farið að gæta umræðu um hollustu og þá sérstakleg tannhirðu. Lionsklúbbar þessa tíma hugsuðu í lausnum og með fylgdi lítil tannkremstúba, málið var dautt!
Og auðvitað fengu allir mínir jafnaldrar svona Lions súkkulaðidagatöl enda geysivinsæl. Sjálfur þurfti ég að gera mér að góðu happdrættis-jóladagatal Framsóknarflokksins. Já þið lásuð rétt!
Í þessum dagatölum var ekki snefill af súkkulaði og í mínu tilfelli engir vinningar heldur. Gríðarleg vonbrigði en þegar ég eltist gerði ég mér grein fyrir að framsóknardagatölin voru mikilvægt veganesti inn í lífsbaráttu fullorðinsáranna; að verða fyrir vonbrigðum með Framsóknarflokkinn.
Egill P. Egilsson
Nýjast
-
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja.
Athugasemdir