Við eigum að berjast fyrir því að krakkarnir okkar hafi áfram val.
Nærri aldarfjórðungs starf með ungu fólki hefur kennt mér að unga kynslóðin hefur rödd og skoðanir sem vert er að hlusta á. Þessi afstaða Hugins kemur ekki á óvart en það gleður kennarahjartað að finna eldmóðinn sem býr að baki þessari yfirlýsingu.
MA og VMA þekki ég nokkuð vel, hef kennt í báðum skólum (þó vissulega séu nokkur ár síðan), farið í ótal skólaheimsóknir með 10. bekkinga og átt börn í báðum skólum.
MA og VMA eru gjörólíkir skólar, mismunandi menning, skólagerð, hefðir og saga. Og það er beggja stærsti kostur. Oft hef ég setið með 10. bekkingum að skoða námsframboð og heimasíður skólanna á svæðinu, rætt málin og aðstoðað þau við leitina að réttu hillunni, rétta náminu, rétta skólanum. Það hentar ekki öllum það sama.
Að hafa val og fjölbreytni er einn af mikilvægustu kostum skólabæjarins Akureyrar. Því sakna ég mjög að heyra í bæjarfulltrúum og sveitarstjórnarfólki hér í nágreninu. Er það í alvörunni betra fyrir okkur hér á svæðinu að dregið sé úr fjölbreytileika með því að steypa þessum ólíku skólum saman? Við eigum að berjast fyrir því að krakkarnir okkar hafi áfram val. Þarna erum við að tala um að steypa saman stærstu framhaldsskólum fjórðungsins, í hvaða stöðu verða Laugaskóli, framhaldsskólinn á Húsavík og Tröllaskaga við hlið 1800 nemenda skóla á Akureyri?
Og nú ætla ég að fá að vera foreldri í smá stund. Ég á barn sem stundaði nám í MA og naut þess. Barn sem þurfti á bekkjarkerfinu og hefðunum að halda. Svo á ég barn sem stundar nú nám í VMA og nýtur þess í botn. Í báðum tilfellum var auðvelt að beina þeim í rétta skólann. Bæði fengu það sem þau þurftu og það án þess að þurfa að flytjast úr landshlutanum. Mér finnst það ferleg tilhugsun að sá yngsti muni ekki hafa sama val. Stórkostleg afturför.
Og nemendur MA hafa greinilega séð í gegnum ráðabrugg ráðherra; þetta snýst nefnilega bara um að spara. Það lýsir skammsýni og metnaðarleysi sem ég hélt satt að segja að þessi ráðherra væri ekki hrjáður af.
Jæja, er það ekkert undarlegt að í allri þessari sameiningarumræðu framhaldsskólanna skuli augljósasti sameiningarkosturinn aldrei vera ræddur? Eini kosturinn sem raunverulega myndi auka hagræði, án þess að draga úr valmöguleikum nemenda á svæðinu. Ef einhverja skóla ætti að sameina þá eru það framhaldsskólarnir við Tjörnina, bókstaflega á sömu lóðinni. Bóknámsskólar með bekkjarkerfi, svipaðar áherslur og sögu.
Og er ekki bara komið nóg af höggum á framhaldsskólann, ekki er enn séð fyrir endann á afleiðingum styttingarinnar. Sem af mörgu reyndu skólafólki er álitið vera eitt stærsta skemmdarverk sem unnið hefur verið á íslenska menntakerfinu.
Nei, minn kæri Ásmundur Einar Daðason, leyfðu framhaldsskólunum á Akureyri að halda áfram að blómstra og leggja áherslu á sína sérstöðu. Nú er tími til að hlusta á nemendur. Þau vita í hvernig framhaldsskóla þau vilja vera.
Nýjast
-
Ferðalag traktors út í Flatey á Skjálfanda
Það er meira en að segja það að flytja traktor út í eyju -
Orkuskipti í samgöngum á Akureyri fara vel af stað
„Við höfum séð örlítil merki þess undanfarin ár að raforkunotkun er að potast aðeins upp á við,“ segir Stefán H. Steindórsson sviðsstjóri hjá Norðurorku. Raforkunotkun á Akureyri hefur staðið í stað um árabil þó svo að bærinn hafi stækkað og íbúum fjölgað. -
Ingvi Quartet, með tónleika á LYST í Lystigarðinum í kvöld
Kvartett Ingva Rafns Ingvasonar, Ingvi Quartet, heldur tónleika á LYST í Lystigarðinum í kvöld og hefjast tónleikarnir kl 20.30. -
Frumkvöðla- og nýsköpunarfélaginu Drift EA ýtt úr vör
Fjölmenni var á kynningarfundi frumkvöðla- og nýsköpunarfélagsins Driftar EA, sem haldinn var í menningarhúsinu Hofi á Akureyri í gær -
Útskrifast sem rafvirki og fagnar hálfrar aldar afmæli!
Það er aldrei of seint að skella sér í nám og láta draumana rætast. Þetta eru skilaboð Andreu Margrétar Þorvaldsdóttur, sem mun útskrifast sem rafvirki frá VMA í næstu viku. Það er í mörg horn að líta fyrir Andreu þessa dagana því auk þess að ljúka náminu með formlegum hætti undirbýr hún sig núna af krafti fyrir sveinspróf í rafvirkjun í byrjun júní og einnig fagnar hún fimmtugsafmæli sínu nk. föstudag. Stórafmælis- og útskriftarveisla er því á dagskránni nk. laugardag. -
Opnun í Verksmiðjunni á Hjalteyri 18 maí kl 14:00 Sasha Pirker: Ég legg höfuðið í bleyti_I Soak My Head
Sasha Pirker lýsir upp Verksmiðjuna með úrvali kvikmyndainnsetninga og staðbundinni svörun við aðstæðum sem nær yfir síðustu tíu ár starfsferils hennar. Þessi verk bera vitni ekki aðeins víðtækri forvitni listamannsins og rannsóknartilfinningu, heldur eru þau einnig grundvölluð á bakgrunni hennar í málvísindum. Hugsun í gegnum tungumál, tilraunakennda frásögn, persónulegt og byggingarfræðilegt rými og möguleika, verk Sasha sýna næmni fyrir reynslu, þekkingu og skilningi. Þau eru stundum persónuleg eða viðkvæm og gefa þá tilfinningu að kvenlinsan sem kvikmyndir hennar verða og eru til í gegnum séu bæði hugsandi og óvænt, nýstárleg og umvefjandi. -
Samið um stækkun húsnæðis við VMA.
Í dag, föstudaginn 17. maí kl. 14.30 fer fram hátíðleg athöfn þar sem skrifað verður undir samning um stækkun á húsnæði skólans. Mennta- og barnamálaráðherra ásamt bæjarstjóranum á Akureyri og sveitarstjórum í Fjallabyggð, Dalvíkurbyggð, Eyjafjarðarsveit, Hörgársveit, Svalbarðsstrandarhreppi og Grýtubakkahreppi munu skrifa undir samning um byggingu 1500m2 húsnæðis við skólann. -
Kirkjugarðar Akureyrar í rekstrar vanda og næsta skref að loka líkhúsinu
„Hvað verður um líkin?“ er spurning sem Akureyringar og nærsveitarmenn velta fyrir sér þessa dagana, en Kirkjugarðar Akureyrar sem reka líkhús og kapellu á Naustahöfða eru í rekstravanda vegna fjárskorts. Kirkjugörðunum er óheimilt að innheimta þjónustugjald vegna starfsemi líkhúsanna. Einkaaðilar gætu innheimt slíka gjöld en fáir hafa áhuga á að reka líkhús hér á Akureyri. Engin leið önnur er út úr vandanum nema sú að hætta rekstri líkhússins. Stefnir í að skellt verði í lás grípi Alþingi ekki í taumana á vorþingi og geri Kirkjugörðum heimilt að innheimta þjónustugjaldið eða leggja til fjármagn til starfseminnar. -
Fann sig í sálfræði og flýgur nú út í frekara nám
Þegar Emma var ung ætlaði hún að verða læknir eins og langafi. Í menntaskóla áttaði hún sig á því að líffræði væri alls ekki fag sem hún hafði gaman af og þá læknisfræðin ekki það sem fyrir henni lægi. Emma hafði hins vegar mjög gaman af sálfræðinni og eftir einn tímann kom kennarinn upp að Emmu, tjáði henni hversu efnileg hún væri á því sviði og fékk hana til að íhuga frekara nám í fræðunum.
Athugasemdir