Til framtíðar
Arnór Benónýsson og Helgi Héðinsson.
Ágætu íbúar Skútustaðahrepps og Þingeyjarsveitar. Eins og ykkur er ljóst fara fram kosningar um sameiningu sveitarfélaganna þann 5. júní næstkomandi.
Undanfarnar vikur og mánuði hafa verið haldnir fjölmargir íbúafundir til að vinna að og kynna hvað í sameiningu felst. Hver eru tækifærin og hverjar eru ógnirnar.
Algengasta spurningin sem við höfum fengið á þessum fundum er: Til hvers að sameinast? Er þetta ekki bara í góðu lagi eins og þetta er?
Jú, ef ekkert breytist gæti óbreytt ástand alveg gengið, en staðreyndin er sú að allt er breytingum háð og við lifum nú tíma hraðfara breytinga, samfélagslegra og tæknilegra. Við trúum því að við slíkar kringumstæður sé betra að taka frumkvæðið og skapa þróun í stað þess að verða fórnarlömb hennar.
Starfsemi sveitarfélaga gerist sífellt flóknari og kallar á meiri sérhæfingu og þekkingu starfsfólks og meiri tíma og skuldbindingu kjörinna fulltrúa.
Við teljum að með sameiningu fái svæðið meira vægi og slagkraft gagnvart ríkisvaldinu, sem og í þeim samstarfsverkefnum sem sveitarfélögin eru þátttakendur í. Við höfum í raun fundið það nú þegar, meðal annars í gegnum Nýsköpun í norðri að þegar við leggjumst saman á árarnar náum við betri árangri í því að draga fólk, fjármagn og þjónustu að svæðinu í heild sinni.
Það er niðurstaða samstarfsnefndar um sameiningu að ekki sé ástæða til að breyta starfsstöðvum leik-, grunn- og tónlistarskóla frá því sem nú er. Að því gefnu að sameining verði samþykkt og fjöldi barna haldist svipaður. Hins vegar gætu skapast tækifæri til að bæta stoðþjónustu við skólana og nemendur og auka samvinnu nemenda, kennara og starfsfólks skólanna þriggja. Raunar er það svo að með þróun tækninnar í skólastarfi hafa opnast nýjar víddir hvað snertir skapandi samstarf og kennslufræðilegar nýjungar. Þá eru margvísleg tækifæri til eflingar félags-, íþrótta- og menningarstarfs ungmenna þessu tengt.
Hvað varðar stjórnsýsluna er gert ráð fyrir því að starfsstöðvarnar verði tvær en stjórnsýslan notfæri sér stafræna tækni til að færa þjónustuna nær íbúum og auka möguleika þeirra á því að hafa áhrif og verða virkari þátttakendur í mótun samfélagsins. Eins má gera ráð fyrir því að starfsmenn stjórnsýslunnar verði ekki eins bundnir stað og tíma og nú er. Þetta er eitt af því sem covid hefur dregið fram og skapar fjölmörg tækifæri til mótunar fjölskylduvæns vinnuumhverfis.
Nú liggur fyrir Alþingi frumvarp um eflingu sveitarstjórnarstigsins. Í upphaflegri gerð þess var gert ráð fyrir því að lögbinda lágmarks íbúafjölda sveitarfélaga. Nú er gert ráð fyrir að horfið verði frá þeirri aðferðafræði en þess í stað teknir inn aðrir hvatar og mælikvarðar sem þjóni svipuðum tilgangi, enda er víðtækur stuðningur við eflingu sveitarstjórnarstigsins og að horfið verði frá þeirri þróun sem margir kalla þriðja stjórsýslustigið.
Í þessu átaki til eflingar sveitarstjórnarstigsins hefur verið aukið verulega það fjármagn sem stendur þeim sveitarfélögum sem ákveða að sameinast til boða. Fjármagn til að þróa og efla stjórnsýslu og þjónustu við íbúa, fjármagn til skuldajöfnunar og verkefna sem til framfara horfa svo sem Nýsköpunar í norðri.
Þannig má gera ráð fyrir að verði þessi sameining samþykkt fái nýtt sveitarfélag um 500 milljónir úr þessum sjóði. Nákvæm tala liggur ekki fyrir því hún mun miðast við ársreikning 2021. Þessi upphæð greiðist á fimm árum og það er trú okkar að á þeim tíma skapist andrúm til að endurskipuleggja og þróa starfsemi nýs sveitarfélags.
Það er því alveg ljóst að kosningarnar 5. júní eru þessu svæði afar mikilvægar. Við viljum hvetja þig lesandi góður til að kynna þér málið vel og inn á slóðinni thingeyingur.is er mikið magn upplýsinga sem er afrakstur vinnu fjölda fólks úr vinnuhópum, íbúafundum og samstarfsnefnd um sameiningu sem varpa skýrara ljósi á þetta verkefni en hægt er ná í stuttri blaðagrein.
Tökum upplýsta ákvörðun, mætum á kjörstað og kjósum samkvæmt sannfæringu okkar.
Og hvað sem gerist og hvernig sem fer skulum við ganga samhent til móts við framtíðina.
-Helgi Héðinsson, formaður samstarfsnefndar og oddviti Skútustaðahrepps.
-Arnór Benónýsson, varaformaður samstarfsnefndar og oddviti Þingeyjarsveitar.
Nýjast
-
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki.
Athugasemdir