Þankar gamals Eyrarpúka
Frá hátíðarhöldunum 17da júnin1944 Mynd Níels Halldórsson
Sannarlega gerði ykkar einlægur sér ekki fulla grein fyrir mikilvægi dagsins þegar ég, tæplega eins árs, var í fylgd foreldra minna á Ráðhústorgi Akureyrar þann 17. júní árið 1944. Þar var saman kominn múgur manns í sínu fínasta pússi og allir virtust glaðir og kátir. Íslenski fáninn blakti á mörgum stöngum í sunnan golunni, lúðrasveit spilaði af öllum lífs og sálar kröftum og karlakórar sungu ættjarðarsöngva.
Sjálfur var ég uppteknari af því hvað mamma mín var komin með stóra bumbu sem benti til að hún hefði borðað heldur mikið undanfarið. Sem ég starði á hana var ég upplýstur um að bumban sú arna væri vegna þess að lítill bróðir eða systir væri að vaxa innan í henni og kæmi bráðlega til okkar. Þetta þóttu mér töluverð tíðindi því hingað til hafði verið fullyrt að ljósmæðurnar kæmu með börnin í töskunni sinni. En svo kom Árni bróðir til okkar um haustið öllum til mikillar gleði og ekki minnkaði fjörið á heimilinu við það.
En aftur að samkomunni þennan merka dag því aðra eins gleði hafði ég ekki upplifað á minni stuttu ævi. Fagnaðarlætin tengdust því að við vorum að rífa okkur undan valdi annarrar þjóðar sem sjálf var á þessum tíma hersetin af grimmasta stórveldi sem sögur fara af og réði í raun hvorki sér né öðrum. Í ljósi þess þótti mér öll þessi sigurgleði nokkuð undarleg en lét kyrrt liggja enda ekki enn fær að tjá mig um hin flóknari málefni.
Svo liðu árin og áfram var haldið uppá 17. júní með því að safnast saman við Ráðhústorg og fara þaðan í skrúðgöngu suður og upp Kaupfélagsgilið undir taktföstum blæstri lúðrasveitarinnar. Fánaberar héldu íslensku fánunum hátt á lofti sem blöktu upp Eyrarlandsveginn, vestur eftir Hrafnagilsstrætinu og þaðan inn á hátíðarsvæðið fyrir sunnan sundlaugina. Þar stóð heljarmikill pallur sem var skrýddur fánum og blómum upp og niður. Mannfjöldinn raðaði sér fyrir framan og léttklæddar stúlkur sýndu vel æfðar leikfimiæfingar af miklum þokka. Stæðilegir fimleikapiltar steyptu sér og gerðu ótrúlegustu kúnstir svo ég saup hveljur af aðdáun. Þetta vildi ég gera þegar ég yrði stór!
Þegar Kantötukórinn söng af mikilli list á pallinum góða var mér mjög starsýnt á stjórnandann Björgvin Guðmundsson því ég hafði heyrt að hann væri tónskáld. Slíkt skáld hafði ég aldrei augum litið en taldi stappa nærri göldrum að geta búð til lög sem fólk söng af hjartans list og lögin hans hljómuðu jafnvel stundum í útvarpinu. Svona leit þá tónskáld út, þéttur á velli, myndarlegur og stjórnaði af mikilli ákveðni og festu. Myndin af Björgvin þarna á pallinum er enn föst í minni mínu og hef ég síðan tengt hana fögrum söng og annarri göfugri hljómlist.
Svona liðu 17. júní dagarnir þessi árin á túninu sunnan við sundlaugina. Þegar kvöldaði var svo stiginn dans í góðu veðri á pallinum en væru veðurguðirnir með leiðindi voru böllin færð í skjól niður í Gúttó. Allt er þetta eins og fallegt ævintýri í minningunni og heldur við þeirri bjargföstu trú að fortíðin taki nútímanum oftast töluvert fram!
Ingólfur Sverrisson
Nýjast
-
Ferðalag traktors út í Flatey á Skjálfanda
Það er meira en að segja það að flytja traktor út í eyju -
Orkuskipti í samgöngum á Akureyri fara vel af stað
„Við höfum séð örlítil merki þess undanfarin ár að raforkunotkun er að potast aðeins upp á við,“ segir Stefán H. Steindórsson sviðsstjóri hjá Norðurorku. Raforkunotkun á Akureyri hefur staðið í stað um árabil þó svo að bærinn hafi stækkað og íbúum fjölgað. -
Ingvi Quartet, með tónleika á LYST í Lystigarðinum í kvöld
Kvartett Ingva Rafns Ingvasonar, Ingvi Quartet, heldur tónleika á LYST í Lystigarðinum í kvöld og hefjast tónleikarnir kl 20.30. -
Frumkvöðla- og nýsköpunarfélaginu Drift EA ýtt úr vör
Fjölmenni var á kynningarfundi frumkvöðla- og nýsköpunarfélagsins Driftar EA, sem haldinn var í menningarhúsinu Hofi á Akureyri í gær -
Útskrifast sem rafvirki og fagnar hálfrar aldar afmæli!
Það er aldrei of seint að skella sér í nám og láta draumana rætast. Þetta eru skilaboð Andreu Margrétar Þorvaldsdóttur, sem mun útskrifast sem rafvirki frá VMA í næstu viku. Það er í mörg horn að líta fyrir Andreu þessa dagana því auk þess að ljúka náminu með formlegum hætti undirbýr hún sig núna af krafti fyrir sveinspróf í rafvirkjun í byrjun júní og einnig fagnar hún fimmtugsafmæli sínu nk. föstudag. Stórafmælis- og útskriftarveisla er því á dagskránni nk. laugardag. -
Opnun í Verksmiðjunni á Hjalteyri 18 maí kl 14:00 Sasha Pirker: Ég legg höfuðið í bleyti_I Soak My Head
Sasha Pirker lýsir upp Verksmiðjuna með úrvali kvikmyndainnsetninga og staðbundinni svörun við aðstæðum sem nær yfir síðustu tíu ár starfsferils hennar. Þessi verk bera vitni ekki aðeins víðtækri forvitni listamannsins og rannsóknartilfinningu, heldur eru þau einnig grundvölluð á bakgrunni hennar í málvísindum. Hugsun í gegnum tungumál, tilraunakennda frásögn, persónulegt og byggingarfræðilegt rými og möguleika, verk Sasha sýna næmni fyrir reynslu, þekkingu og skilningi. Þau eru stundum persónuleg eða viðkvæm og gefa þá tilfinningu að kvenlinsan sem kvikmyndir hennar verða og eru til í gegnum séu bæði hugsandi og óvænt, nýstárleg og umvefjandi. -
Samið um stækkun húsnæðis við VMA.
Í dag, föstudaginn 17. maí kl. 14.30 fer fram hátíðleg athöfn þar sem skrifað verður undir samning um stækkun á húsnæði skólans. Mennta- og barnamálaráðherra ásamt bæjarstjóranum á Akureyri og sveitarstjórum í Fjallabyggð, Dalvíkurbyggð, Eyjafjarðarsveit, Hörgársveit, Svalbarðsstrandarhreppi og Grýtubakkahreppi munu skrifa undir samning um byggingu 1500m2 húsnæðis við skólann. -
Kirkjugarðar Akureyrar í rekstrar vanda og næsta skref að loka líkhúsinu
„Hvað verður um líkin?“ er spurning sem Akureyringar og nærsveitarmenn velta fyrir sér þessa dagana, en Kirkjugarðar Akureyrar sem reka líkhús og kapellu á Naustahöfða eru í rekstravanda vegna fjárskorts. Kirkjugörðunum er óheimilt að innheimta þjónustugjald vegna starfsemi líkhúsanna. Einkaaðilar gætu innheimt slíka gjöld en fáir hafa áhuga á að reka líkhús hér á Akureyri. Engin leið önnur er út úr vandanum nema sú að hætta rekstri líkhússins. Stefnir í að skellt verði í lás grípi Alþingi ekki í taumana á vorþingi og geri Kirkjugörðum heimilt að innheimta þjónustugjaldið eða leggja til fjármagn til starfseminnar. -
Fann sig í sálfræði og flýgur nú út í frekara nám
Þegar Emma var ung ætlaði hún að verða læknir eins og langafi. Í menntaskóla áttaði hún sig á því að líffræði væri alls ekki fag sem hún hafði gaman af og þá læknisfræðin ekki það sem fyrir henni lægi. Emma hafði hins vegar mjög gaman af sálfræðinni og eftir einn tímann kom kennarinn upp að Emmu, tjáði henni hversu efnileg hún væri á því sviði og fékk hana til að íhuga frekara nám í fræðunum.
Athugasemdir