Talið í iðnbyltingum
Egill P. Egilsson skrifar
„Like´in“ tifa hratt um háða sveina, lítið sjálfstraust grær við skriðufót. Sjálfsmynd liggur brotin milli síðna, á skjánum skelfur íturvaxin snót.
Það eru varla ýkjur að tækniþróun hefur verið hröð á síðustu árum og áratugum, sérstaklega á sviði upplýsingatækni. Svo ör er þróunin að hún er mæld í iðnbyltingum, þær eru nú komnar upp fjórar eða fimm svei mér þá.
Samfélagsmiðlar hafa náð trausta taki á daglegu lífi fólks og jafnvel tekið almenna umræðu í gíslingu.
Upplýsingaóreiða og Þórðargleði
Aðgengi að upplýsingum hefur margfaldast svo mikið að það er farið að vinna gegn tilgangi sínum. Uppýsingaóreiða er þetta víst kallað. Svo dæla fjölmiðlar orðið svo miklu efni á vefi sína að það sem teljast má mikilvægt fyrir lýðræðislega umræðu drukknar í suði.
Suði um sambönd og sambandsslit fræga fólksins sem engin þekkir þó, Hver var hvar eða ekki hvar og um skandala. það þarf jú að selja auglýsingar með smellum og þá virkar slúðrið best. Okkur þyrstir öll í góðan skandal og þráum fátt heitar en góða þórðargleði.
Sjálfhverfa á samfélagsmiðlum
Samfélagsmiðlar ollu vissulega byltingu í samskiptum fólks heimshorna á milli. Þeir lofuðu bjartri framtíð upplýsinga og gagnsæis. En hvernig notum við þessi verkfæri? Jú, með því að draga upp sjálfhverfa glansmynd af sjálfum okkur og daglegu lífi; þar sem brjóstaskorur og sílíkonrassar eru gjarna í aðalhlutverki. Þá eru samfélagsmiðlarbeint eða óbeint búnar að taka við sem uppalendur yngstu kyndlóða okkar.
Þetta dásamlega gagnsæi "like" miðlanna hefur líka rennt stoðum undir falsfréttir, eitt mest notaða orð síðustu ára. Og á sama tíma má segja að við séum í vinnu hjá samfélagsmiðlarisunum (reyndar launalaust) við að selja auglýsingar með persónuupplýsingum okkar. Eftir sitjum við með kvíða yfir óraunhæfum væntingum sem glansmyndirnar setja okkur. Að vísu hækka hlutabréf lyfjarisana á meðan. Kvíðalyfin seljast víst í bílförmum.
Nú er gervigreindin að ryðja sér til rúms, eflaust enn ein iðnbyltingin sem mun þurrka út störf en skaða skapa önnur. Og hvað erum við almenningur að gera við þetta? Jú við látum gervigreindina búa til fantasíu- og skrípamyndir af sjálfum okkur til að deila á samfélagsmiðlum. Við erum jú ofurseld dópamín skammtinum sem „like-ið“ gefur okkur.
Sumt hreyfist hægt
Já, þetta eru skrítnir tímar þar sem hraði samfélagsins er vinsælt umkvörtunarefni. Það er þó ekki þessi sami hraði á öllu. Kerfin sem við höfum búið okkur til eru skrímsli sem varla hreyfast úr stað. Menntakerfið, stjórnsýslan, jafnvel dómskerfið, þessi kerfi hafa fengið að staðna svo mikið að húsin sem hýsa þau eru farin að mygla. Það eina sem þróast hratt á þessum bænum er hugtakasmíðin. Það þar að þarfagreina allt í dag, setja í samráðsgátt, kynna ólíkar sviðsmyndir og guð má vita hvað.
Kannski er það ekki hraði samfélagsins sem er að buga okkur eftir allt saman og keyra okkur í kulnun. Er það mögulega allt kjaftæðið sem við búum við?
Nýjast
-
Kynning - Dagar stækka við sig á Norðurlandi
Fyrirtækið Dagar, sem sérhæfir sig í ræstingum, fasteignaumsjón og vinnustaðalausnum, flutti nýverið í stærra húsnæði að Furuvöllum 7. Dagar eru framsækið en rótgróið fyrirtæki þar sem starfa tæplega 800 manns og starfsstöðvar eru á þremur stöðum á landinu; í Garðabæ, á Selfossi og á Akureyri. -
Lokaorðið - Mæður allra alda
Það styttist trúlega í þriðju heimsstyrkjöldina, og þó er býsna stutt síðan þeirri síðustu lauk, elsta kynslóðin man þá tíma vel. -
Umhverfis- og mannvirkjaráð Akureyrar - Blöndulína 3 þrengir að landlitlu sveitarfélagi
„Um er að ræða gríðarlega mikla hagsmuni Akureyrarbæjar, enda ljóst að umrædd lína þrengir að því landlitla sveitarfélagi sem Akureyrarbær er, getur hindrað vöxt þess og er líkleg til að rýra gæði þeirrar byggðar sem fyrir er,“ segir í bókun umhverfis- og mannvirkjaráðs Akureyrar, en á fundi ráðsins voru lögð fram drög að umsögn vegna lagningar Blöndulínu í gegnum land Akureyrarbæjar frá norðri og að Rangárvöllum. -
Heiðurviðurkenningar Akureyrarbæjar
Heiðursviðurkenningar Akureyrarbæjar fyrir vel unnin störf í þágu menningar og samfélagsins hlutu að þessu sinni nafnarnir Þorsteinn Pétursson, Steini Pje, fyrir óeigingjarnt framlag sitt til varðveislu og nýtingar eikarbátsins Húna II, og Þorsteinn E. Arnórsson, fyrir mikilsvert framlag til varðveislu iðnaðarsögu Akureyrar og reksturs Iðnaðarsafnsins á Akureyri. -
KA er Íslandsmeistari í blaki kvenna 2023-24
KA er Íslandsmeistari í blaki kvenna eftir stórkostlegan 2-3 endurkomusigur að Varmá í Mosfellsbæ í dag. Stelpurnar okkar lentu 2-0 undir í hrinum en sneru enn einum leiknum sér í vil og standa uppi sem Íslandsmeistarar þriðja árið í röð! -
Jonna Jónborg Sigurðardóttir bæjarlistamaður Akureyrar 2024
„Markmiðið er að færa listina út til fólksins. Koma með listina til þess í stað þess að það komi í ákveðna sali eða gallerí til að skoða listaverk,“ segir Jonna Jónborg Sigurðardóttir bæjarlistamaður á Akureyri árið 2024. Hún vinnur að undirbúningi sýningar sem nefnist Ferðalag. Það hefst nú á starfsàrinu og stendur í tvo mánuði. Einnig er hún á fullu við að hanna og útbúa svöng ruslatröll sem prýða munu nokkra rusladalla á Akureyri. -
Undirbúningur fyrir hátíðarhöld sjómannadagsins á Akureyri hafinn.
Sjómannadagurinn var endurvakinn á Akureyri í fyrra og tókst vel til, svo vel að undirbúningur er hafinn fyrir hátíðarhöld á komandi sjómannadag fyrstu helgina i júni. -
Kvarssandur frá PCC gæti orðið að varnargörðum við náttúruvá
Verkefnið Sterk steypa vann fyrstu verðlaun í áskorun PCC Bakki Silicon, á Krubbi-hugmyndahraðhlaupi sem haldið var á STÉTTINNI á Húsavík í mars -
Norðurorka - Leit að leka í hitaveitu með drónum
Dagana 7.-11. maí munu starfsmenn frá umhverfisverkfræðistofunni ReSource International gera lekaleit á hitaveitu fyrir hönd Norðurorku. Að þessu sinni yfir Eikar- og Daggarlundi á Akureyri, í Eyjafjarðarsveit (Hrafnagilshverfi, Kristnes og austan frá Kaupangi fram að Stóra Hamri) og á Svalbarðseyri.
Athugasemdir