Skammarleg framkoma við eldri borgara
Félag eldri borgara á Akureyri, EBAK, er með félagsmiðstöð í Bugðusíðu 1 húsnæði, sem Akureyrarbær á. Nú er svo komið að húsnæðið er orðið of lítið og heftir starfsemina mjög mikið. Sem dæmi var haldin árshátíð fyrir skömmu og í þessu nær 1700 manna félagi var ekki hægt að koma fyrir nema um 100 manns, sem segir sína sögu.
Hjá EBAK er til nefnd, sem kosin var til að kanna með stækkun á húsnæðinu, sem er mjög auðvelt og kostar lítið en myndi þýða að hægt
væri að koma fyrir 150-200 manns í sæti til viðbótar og væri það byrjunin. Nefndin mun hafa farið á fund einhvers snillingsins hjá Akureyrarbæ, sem er Kristinn J. Reimarsson, sviðsstjóri samfélagsmála, og án þess að kynna sér aðstæður kvað hann upp úr með það „að ekki verður hægt að verða við beiðni ykkar“. Það skal líka tekið fram að EBAK á sér þann draum að byggt verði við og stækkað núverandi húsnæði til suðurs og væri jafnvel til með að létta undir peningalega með því að lána fé til uppbyggingarinnar, því eitthvað er til í sjóði þar sem safnast hefur hjá miklu sparsömu ráðdeildarfólki sem eldri borgarar eru.
Það er óþarfi af Akureyrarbæ að ná í aðkomupésa úr öðrum byggðalögum til að kveða upp sleggjudóma yfir eldri borgurum á Akureyri. Guðfinna Ólafsdóttir, formaður Félags eldri borgara á Selfossi, sem ég átti samtal við, sagði mér að þegar of lítið húsnæði háði þeim hefði bæjarstjórn Selfoss komið til skjalanna mjög myndarlega og boðið húsnæði fyrir 200-300 manns og telur þeirra félag þó ekki nema 700 -800 félaga.
En vonir vöknuðu í brjóstum forystumanna EBAK er frú Ásthildur Sturludóttir bæjarstjóri mætti í Bugðusíðuna og var leidd þar um sali og kynnti sér ófremdarástand húsnæðisins til starfsseminnar, sem þar fer fram í miklum þrengslum. Því er von um betri tíð þar sem frú Ásthildur á í hlut og er búin að kynna sér ástandið. Ekki get ég látið hjá líða í þessu sambandi að geta þess að enn sitja aðili eða aðilar í bæjarstjórn sem eru má segja ábyrgir fyrir hundruð milljóna króna framúreyðslu við Listasafnið og engin látin sæta ábyrgð svo vitað sé og enn er ekki allt búið. Bara allt rekið
með bullandi tapi.
Eldri borgarar í bænum, sem margir hafa tekið þátt í af myndarskap að byggja upp þennan ágæta bæ og gera hann að því sem hann er í dag, eiga betra skilið. En fljótt gleymist máltækið: BÚUM ÖLDRUÐUM ÁHYGGJULAUST ÆVIKVÖLD.
-Hjörleifur Hallgríms eldri borgari, fæddur og uppalinn á Akureyri.
Nýjast
-
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi.
Athugasemdir