Óvenjumikil þolinmæði
Ingólfur Sverrisson skrifar
Í æsku minni var okkur kennt að þolinmæði væri dyggð. Æsingur væri sjaldnast til fagnaðar og farsælla að lofa tímanum að vinna með sér og sínum áhugamálum. Þá væri meiri von um árangur enda gildi einu hvort hann næst deginum fyrr eða síðar. En þrátt fyrir þessa ágætu kenningar er því ekki að leyna að oft þótti manni meira um vert að láta til skarar skríða en hika og vona svo að allt færi vel. Auðvitað var þessi afstaða beggja handa járn og kannski best að stíga varlega til jarðar í þolinmæði jafnt sem óþolinmæði. Í eftirfarandi frásögn leyfi ég mér samt að segja frá því sem kalla má óvenjumikla þolinmæði.
Þannig háttaði til á æskuheimili mínu í Ránargötu 16 að mikill kjallari var undir austari hluta hússins; niður í hann lá voldugur tréstigi. Eitt sinn, þegar Ragnar bróðir var tveggja ára, var hann að brölta í stiganum, féll niður og handleggsbrotnaði. Mér er enn í minni þegar pabbi kom með drenginn upp í þvottahúsið með dinglandi hægri handlegginn og ljóst að allt var í sundur. Mamma kom hlaupandi frá eldamennskunni sem gleymdist við þessi ósköp. Síðar sagði Raggi að fyrsta minning hans í lífinu hafi einmitt verið frá þessu augnabliki þegar hann sá í öllu umstanginu að það var að sjóða upp úr sætsúpupottinum í eldhúsinu. Þar með hófst sá þáttur í lífi hans að muna þetta og hitt og mynda úr því öllu það sem kallað hefur verið lífsreynsla. Og auðvitað tengist það sætsúpu í hans tilviki, nema hvað?
Svo var farið með drenginn á sjúkrahúsið en ekki tókst betur til en svo að handleggurinn greri ekki rétt og varð skakkur og skældur. Ekki fríkkaði stráksi við það! Það er þó mál manna að þessi skakki útlimur hafi síðar komið sér vel þegar hann gerðist handboltamaður með ÍBA. Ástæðan var sú að andstæðingarnir áttu erfitt með að verjast manni sem var með handlegg sem var allt öðru vísi en slíkir útlimir á öðru fólki. Í varnarleiknum átti hann til að smeygja honum fyrir næsta mann og verjast þar sem enginn gat átt von á fyrirstöðu. Þegar hann stóð svo ógnvænlegur á línu andstæðingsins og bar sig til að skjóta fataðist markmanninum æði oft vörnin enda óljóst hvert bolti úr svo beygluðum handlegg færi þegar skot reið af.
Þess ber þó að geta að tilraun var gerð til að laga þennan skakka útlim drengsins fyrir 60 árum þegar hann var sendur suður á Landsspítala. Þar skoðuðu færustu læknar hann og sögðust myndu brjóta handlegginn og græða saman þannig að hann yrði eðlilegur á ný. Að vísu yrði nokkurra daga bið en það yrði hringt í hann fljótlega og aðgerðartími ákveðinn. Ár og áratugir liðu en aldrei var hringt og þar af leiðandi engin aðgerð – alltént ekki ennþá. Þrátt fyrir þessar tafir lifir okkar maður nú í hárri elli í höfuðborg Norðurlands og bíður enn eftir skilaboðum frá Landsspítalanum! Einhverjum þykir kannski að í þessu tilviki hafi verið heldur langt til seilst í þolinmæðinni.
Ingólfur Sverrisson
Nýjast
-
Árangursrík sýning í Barcelona:
Sýningin tókst frábærlega. Það var stríður straumur gesta í básinn til okkar alla sýningardagana og mikill áhugi á okkar þjónustu og tæknilausnum," segir Hilmar Guðmundsson, sölu- og markaðsstjóri Slippsins Akureyri, um þátttöku fyrirtækisins í sjávarútvegssýningunni Seafood Expo Global í Barcelona á Spáni. Sýningin stóð í þrjá daga og lauk síðdegis í gær. -
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund.
Athugasemdir