Óhemjugangur
Inga Dagný Eydal.
Mér finnst núvitund mjög nauðsynleg. Mér hugnast vel að hægt sé að þjálfa upp þann eiginleika að veita augnablikinu fulla athygli og öllu því sem ég skynja, tilfinningum mínum og umhverfi án þess að dæma það eða taka afstöðu til þess. Þetta þýðir ekki að maður eigi ekki að hafa skoðun á hlutunum eða láta vaða yfir sig heldur þýðir einfaldlega það að maður nær smávegis andrými á milli upplifana og athafna. Svona eins og þegar manni var sagt að telja upp að tíu áður en maður svaraði í reiði.
Og núvitund þýðir líka það að manni gefst þetta litla augnablik til að staldra aðeins við til að velja orrustur. Hvaða málefni eru raunverulega þess virði að láta þau fá athygli og tíma? Þetta krefst samt æfinga. Ég man alls ekki alltaf eftir því að æfa mig og verandi áköf og tilfinningarík í eðli mínu þá bregst mér mjög oft bogalistin við núvitundina. Ég er t.d. nýbúin að berjast í Örlygsstaðabardaga í sýndarveruleika á Sauðárkróki og það ógnaði mér smávegis hversu reiðubúðin ég var að rífa upp grjót og láta vaða í menn sem ég þekkti ekki neitt og kasta í þá spjótum.- og var alveg með hjartsláttinn á eftir. En til þess er sýndarveruleiki. Hitt er verra að ég er slæm af umferðarpirringi og til þessa dags hafa núvitundaræfingar engu skilað þar. Ekki þannig að ég elti aðra ökumenn uppi til að skammast,- eða sjaldnast!
En ég rífst af alefli úr mínum bíl þótt enginn heyri og svo á ég til að blikka ljósum og horfa á viðkomandi með afar mikilli vanþóknun. Daginn sem ég hef náð því að telja upp að tíu og sleppa því að pirrast í umferðinni þá hefur núvitundin virkilega skilað árangri. Þangað til bið ég meðborgara mína, sem fá vanþóknunaraugnráðið, innilegrar afsökunar. Það eru ósjálfráð viðbrögð og óhemjugangur.
Nýjast
-
Árangursrík sýning í Barcelona:
Sýningin tókst frábærlega. Það var stríður straumur gesta í básinn til okkar alla sýningardagana og mikill áhugi á okkar þjónustu og tæknilausnum," segir Hilmar Guðmundsson, sölu- og markaðsstjóri Slippsins Akureyri, um þátttöku fyrirtækisins í sjávarútvegssýningunni Seafood Expo Global í Barcelona á Spáni. Sýningin stóð í þrjá daga og lauk síðdegis í gær. -
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund.
Athugasemdir