Mun ný sveitarstjórn Norðurþings þora ?
Ágústa Ágústsdóttir
Ágústa Ágústsdóttir skrifar
Eitt af því mikilvægasta sem sitjandi sveitastjórn hefur yfir að búa er eyrað og röddin. Ef hvorugu þeirra er beitt rétt hefur sveitarstjórn mistekist hlutverk sitt. Mikilvægt er eftir þau ár sem nú hafa liðið eftir sameiningu og stofnun Norðurþings að raddir íbúa fari að sameinast og hlusta á hvort annað.
Sitjandi sveitarstjórn þarf að hafa hugrekki til að standa upp og nota rödd sína á opinberum vettvangi þegar kemur að því að verja hagsmuni og búsetuöryggi íbúa gagnvart æðri stjórnvöldum.
Síhækkandi skattar á jarðefnaeldsneyti hér á landi sem matreiddir eru sem grænir hvatar hafa eingöngu virkað sem refsiskattar á hinn almenna íbúa á landsbyggðinni og skert lífsgæði þeirra þegar kemur að krónum milli handanna um hver mánaðarmót. Stríðið í Úkraínu hefur bætt enn um betur með gríðarlegum hækkunum og í stað þess að lækka skatta, lýsir forsætisráðherra því yfir að þetta muni virka sem enn meiri innspýting í orkuskiptin. Meiri veruleikafirringu er ekki hægt að ímynda sér og ávallt situr ráðandi sveitarstjórn Norðurþings þegjandi, í stað þess að hlusta á rödd íbúa og brýna raustina gagnvart þeirri staðreynd að hinn almenni íbúi hefur ekki efni á að kaupa sér margra milljóna króna rafmagnsbíl úr kassanum. Ekki frekar en að bóndinn sem ræktar matvæli ofan í þjóðina hefur val um rafmagnsdráttarvél, hvað þá verktakar og fyrirtæki sem reka hópferðabíla, vörubifreiðar o.s.frv.
Öll aðflutningsgjöld út á land stórhækka ásamt allri nauðsynjavöru og matvælum. Búsetuöryggi og matvælaöryggi er ógnað. Og þögnin ríkir innan veggja stjórnsýslunnar.
M-Listi Samfélagsins er nýr listi sem teflir út breiðari samstöðulista en nokkur annar listi hér í Norðurþingi. Mikil áhersla er lögð á að íbúar úr öllu sveitarfélaginu, sitji í breiðri samstöðu frá efstu sætum niður í þau neðstu til þess einmitt að skapa dýrmætan samtalsgrunn á milli svæða. Við höfum ekki efni á, í fámennu og víðfeðmu sveitarfélagi að standa eilíft í innbyrðis deilum með setningarnar “við” og “þið” fremst á vörunum. Við höfum ekki efni á gömlum hrepparígum. Við erum eðlilega ekki alltaf sammála, en hreppamörkin er óþarfur baggi á þeim vettvangi. Við erum samfélag.
M-Listinn fer ekki um sveitarfélagið með loforðaflaumum og klisjukenndum skreytingum eins og vaninn er því miður allt of oft hjá frambjóðendum.
En við ætlum okkur þó að standa vörð um fjármál sveitarfélagsins sem lífsnauðsynlegt er að taka föstum tökum.
Við ætlum okkur að liðka og greiða fyrir leiðum sem hvetja til uppbyggingar og laða að fjölbreyttari atvinnutækifæri.
Við ætlum okkur að standa vörð um jafnræði allra íbúa.
Listinn okkar samanstendur af öflugu fólki af öllu svæðinu sem tilbúið er að gefa sér tíma til að hlusta á það sem fólk hefur að segja og gefa því rödd.
Fyrst og fremst vona ég að íbúar kjósi með sinni eigin sannfæringu. En ég vona svo sannarlega að sem flestir kjósi að gefa okkur stóra rödd þann 14. maí næstkomandi og þannig tækifæri til að beita henni.
Höfundur er Ágústa Ágústsdóttir íbúi við Öxarfjörð
og skipar 4. sæti á M-Lista Samfélagsins í Norðurþingi
Nýjast
-
Samanburður á gjaldskrám nokkurra sveitarfélaga
Öldungaráð Akureyrarbæjar ákvað að bera saman gjaldskrár nokkurra valinna sveitarfélaga vegna þjónustu við eldri borgara. Starfsmaður Akureyrarbæjar fékk það verkefni að taka þær saman. Síðan tóku fulltrúar EBAK í ráðinu við, bættu við atriðum og aðlöguðu að óskum sínum. -
Þjónusta þjóðkirkju við landsbyggðina
Eitt aðaleinkenni þjóðkirkjunnar, kirkju þjóðarinnar er hún að hún hefur þá grunnskyldu að veita kirkjulega þjónustu um allt land. Henni ber að þjóna fólki í sveit og borg, í þorpum og bæjum, þeim sem búa afskekkt og þeim sem búa þétt. Þetta er ekki einfalt hlutverk því þegar upp er staðið er það fjárhagurinn sem stýrir því hversu breið og öflug sú þjónusta er. Sóknargjöldin sem ríkið innheimtir fyrir þjóðkirkjuna hafa verið skert af hálfu ríkisins frá því í hruninu og jafnvel eitthvað fyrr. Þetta hefur gert það að verkum að erfiðara er að halda úti þjónustu safnaða og halda við kirkjubyggingum sem margar hver eru menningarleg þjóðarverðmæti. Þá hefur vígð þjónusta verið skert þar sem kirkjan hefur þurft að fara í sparnaðaraðgerðir auk þess sem fólksflutningar hafa orðið á ákveðnum svæðum. -
Ísland í 80 ár! Málþing um stöðu og þróun lýðveldis og lýðræðis á Íslandi
Hömrum, Menningarhúsinu Hofi, Akureyri, laugardag 4. maí 2024, kl. 14:00-17:00. AkureyrarAkademían stendur fyrir opnu málþingi í tilefni af því að á þessu ári eru 80 ár frá því að lýðveldi var stofnað á Íslandi þann 17. júní 1944. Málþinginu er ætlað að vera vettvangur fyrir samræður og skoðanaskipti fræðimanna og almennings um lýðveldisstofnunina, stöðu og þróun lýðveldis og lýðræðis á Íslandi. Hvernig hefur tekist til? Hvaða lærdóma má draga? -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Nýr Kjalvegur – Hraðbraut í gegnum hálendið
Á Alþingi liggur nú fyrir þingsályktunartillaga um endurnýjun vegar yfir Kjöl með einkaframkvæmd en nokkrum sinnum hefur verið reynt að mæla fyrir málinu í gegnum tíðina án árangurs. -
1500 FRÆ
Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík. -
Í ljósi fréttar um vorboðann ljúfa
Vefnum barst tölvupóstur með myndum og texta frá konu sem átti leið um miðbæ Akureyrar i morgun. Eins og sjá má var henni og liklega fleirum sem þar áttu leið um misboðið.
Athugasemdir