Hvernig draga má úr veikindafjarveru á vinnustöðum
Elsa Heimisdóttir, sérfræðingur í mannauðsstjórnun hjá Heilsu- og sálfræðiþjónustunni. Mynd heilsaogsal.is
Veikindafjarvera hefur áhrif á rekstur, starfsanda og líðan starfsfólks. Þó að veikindi séu eðlilegur hluti af lífinu, sýna bæði íslenskar og alþjóðlegar rannsóknir að stjórnendur vinnustaða geta haft veruleg áhrif á það hvort fjarvera verði stutt og tímabundin eða þróist yfir í langvarandi veikindaleyfi. Með markvissum aðgerðum er hægt að draga úr veikindum, bæta líðan og styrkja vinnustaðamenningu.
Hér eru nokkur atriði sem rannsóknir benda til að skipti máli.
Skýr ferli og örugg samskipti
Óvissa eykur streitu, bæði hjá starfsfólki og stjórnendum. Þegar ferli um veikindamál eru skýr, einföld og öllum kunn, verður málsmeðferð faglegri og fyrirsjáanlegri. Regluleg og styðjandi samskipti stjórnenda við starfsfólk eru ein áhrifamesta forvörnin gegn langvinnri fjarveru.
Skýr ferli hjálpa stjórnendum að bregðast við af öryggi og tryggja að starfsfólk upplifi virðingu og sanngirni.
Snemmtæk íhlutun og aðlögun vinnu
Rannsóknir sýna að snemmtæk íhlutun, innan fyrstu daga veikinda, getur skipt sköpum. Samtal, tímabundin aðlögun vinnu eða sveigjanleiki getur komið í veg fyrir að fjarvera lengist eða festist í sessi.
Aðlögun getur verið einföld, s.s. léttari verkefni, styttri vinnutími eða skýr forgangsröðun. Slíkar lausnir styðja starfsfólk til að halda tengslum við vinnuna og auðvelda endurkomu.
Lausn samskiptavanda og stuðningur við stjórnendur
Óleystur ágreiningur og samskiptaörðugleikar er algeng orsök langvinnrar veikindafjarveru. Þegar samskipti fara úr skorðum eykst líkamleg og andleg streita, sem getur leitt til fjarveru.
Hlutlaus greining, miðlun og markviss þjálfun stjórnenda í erfiðum samtölum getur flýtt lausnum og komið í veg fyrir að vandinn þróist yfir í veikindi. Stuðningur við stjórnendur er þar lykilatriði.
Skýr hlutverk og raunhæft vinnuálag
Óljósar væntingar, ójafnt álag og stöðugt slökkvistarf eru stórir áhættuþættir fyrir kulnun og veikindafjarveru. Endurskoðun starfslýsinga, verkaskiptingar og forgangsröðunar getur haft veruleg áhrif á líðan starfsfólks.
Þegar fólk veit nákvæmlega hvað er ætlast til af því og hefur raunhæf skilyrði til að sinna starfinu þá minnkar streita og fjarvera.
Heilsueflandi og öruggt vinnuumhverfi
Heilsuefling skilar mestum árangri þegar hún er samþætt vinnudeginum. Dæmi eru fræðsla um streitu og svefn, góð vinnuaðstaða, regluleg hvíld og uppfært áhættumat.
Öruggt vinnuumhverfi dregur úr slysum, stoðkerfisvandamálum og langvinnri vanlíðan. Heildstæð nálgun á heilsu og öryggi styður starfsfólk til að viðhalda vinnugetu.
Hvernig ráðgjöf getur stutt fyrirtæki
Fagleg ráðgjöf getur hjálpað stjórnendum vinnustaða að:
- greina raunverulegar orsakir fjarveru
- setja upp skýr ferli og verkfæri fyrir stjórnendur
- leysa samskiptavanda áður en hann þróast yfir í veikindi
- innleiða snemmtæka íhlutun og aðlögun vinnu
- byggja upp heilsueflandi og sanngjarna vinnustaðamenningu
Með markvissri nálgun er hægt að draga úr veikindafjarveru, bæta líðan og styrkja reksturinn.
Höfundur: Elsa Heimisdóttir, sérfræðingur í mannauðsstjórnun hjá Heilsu- og sálfræðiþjónustunni.
Nýjast
-
Kristnnesspítali Ákveðið að opna 7 daga rými á á ný
Ákveðið hefur verið að opna 7 daga rými á ný á Kristnesspítala frá og með 7.-8. febrúar. Opnuð verður blönduð deild þ.e. dagdeild, 5 daga- og 7 dagadeild en starfsemin verður skert til að byrja með á meðan unnið er að því að manna deildina. Á deildinni verða 18 rými í fyrstu og óljóst í hve langan tíma starfsemin verður skert. -
Stefanía og Baldvin eru íþróttakona og karl UFA 2025
Stefanía Daney Guðmundsdóttir og Baldvin Þór Magnússon eru íþróttakona og karl Ungmennafélags Akureyrar fyrir árið 2025. -
Hvernig draga má úr veikindafjarveru á vinnustöðum
Veikindafjarvera hefur áhrif á rekstur, starfsanda og líðan starfsfólks. Þó að veikindi séu eðlilegur hluti af lífinu, sýna bæði íslenskar og alþjóðlegar rannsóknir að stjórnendur vinnustaða geta haft veruleg áhrif á það hvort fjarvera verði stutt og tímabundin eða þróist yfir í langvarandi veikindaleyfi. Með markvissum aðgerðum er hægt að draga úr veikindum, bæta líðan og styrkja vinnustaðamenningu. -
Lögreglan á Norðurleandi eystra - Þrír góðkunnir lögreglumenn setjast í helgan stein
Á dögunum létu þrír góðkunnir lögreglumenn af störfum vegna aldurs en frá þessu er greint á Facebooksíðu embættisins, þar segir: -
Tilboðsfrestur á lóðum á tjaldsvæðisreitnum framlengdur
Akureyrarbær hefur ákveðið að framlengja frestinn til að senda inn tilboð í byggingarrétt lóðanna þriggja á tjaldsvæðisreitnum um einn mánuð. Því er nú hægt að senda inn tilboð í byggingarréttinn til kl. 12.00 þann 12. mars 2026. -
Alveg einn - Nýtt lag með tónlistartvíeykinu Villa & Dandra
Í dag, föstudaginn 30.01.26, kom út lagið Alveg Einn með tónlistartvíeykinu Villa & Dandra. -
Listasafnið á Akureyri Guðmundur Ármann og Björk með nýjar sýningar
Tvær nýjar sýningar verða opnaðar á Listasafninu á Akureyri á laugardag, 31. janúar kl. 15 á fjórðu hæð safnsins. Þetta eru fyrstu sýningaropnanir ársins 2026. . Annars vegar er um að ræða sýningu Guðmundar Ármanns - Aðflæði, og hins vegar sýningu Bjarkar Viggósdóttur - Hreyfingu fyrir sjón. -
Kolfinna ráðin markaðsstjóri hjá Drift EA
Kolfinna María Níelsdóttir hefur verið ráðin leiðtogi markaðs- og viðburðamála hjá Drift EA. Hún bætist þar með í kjarnateymi Driftar EA sem hefur það að markmiði að efla frumkvöðla- og nýsköpunarumhverfi á Norðurlandi. -
Baldvin Þór og Sandra María eru Íþróttakarl- og kona Akureyrar 2025
Hlauparinn Baldvin Þór Magnússon frá UFA er íþróttakarl Akureyrar 2025 og knattspyrnukonan Sandra María Jessen frá Þór/KA er íþróttakona Akureyrar 2025. Sandra María er þar með íþróttakona Akureyrar þriðja árið í röð en Baldvin Þór hlaut nafnbótina síðast fyrir tveimur árum. Í öðru sæti voru þau Hallgrímur Mar Steingrímsson knattspyrnumaður hjá KA og Julia Bonet Carreras blakkona hjá KA. Í þriðja sæti voru þau Alex Cambray Orrason kraftlyftingamaður hjá KA og Hafdís Sigurðardóttir hjólreiðakona hjá HFA. Í fjórða sæti voru þau Unnar Hafberg Rúnarsson íshokkímaður hjá SA og Stefanía Daney Guðmundsdóttir frjálsíþróttakona hjá UFA og í fimmta sæti voru þau Bjarni Ófeigur Valdimarsson handboltamaður hjá KA og Andrea Ýr Ásmundsdóttir golfari hjá GA.
