Kennarar mæta til starfa
Helga Dögg Sverrisdóttir.
Helga Dögg Sverrisdóttir skrifar
Skólaárið hefst áður en langt um líður. Grunnskólakennarar undirbúa komu nemenda á fyrstu dögum skólaársins og gera skólastofur klárar. Misjafnt er hve þungt sú vinna leggst á herðar kennara. Eins og fyrri daginn nóg að gera.
Gæta að eigin heilsu
Mikilvægt er að grunnskólakennarar gæti að eigin heilsu sem er það mikilvægasta sem nokkur maður á. Allir þurfa að líta í eigin barm. Eins og oft er sagt, ef þú passar ekki upp á þig gerir það enginn fyrir þig. Mikilvægt er að kennarar finni jafnvægi á milli einkalífs og vinnu. Hlaði maður of miklu á sig er það ávísun á að eitthvað gefi sig, andlega eða líkamlega. Nauðsynlegt að beina þessum orðum að kennurum ,,Vinnið af skynsemi-ekki hraðar eða lengur.“ Finnið meðalveginn.
Kjarasamningur
Á vordögum var skrifað undir kjarasamning við grunnskólakennara. Sumir sáttir, aðrir ekki. Það er eins og gengur og gerist þegar kjarasamningur liggur fyrir. Samningurinn gildir út skólaárið og það er von kennara að forystan noti veturinn til að vinna að nýjum samningi. Margt þarf að laga í þeim gamla að mati kennara. Launaliðinn mætti hækka verulega. Byrjunarlaus kennara eftir 5 ára háskólanám er 657.722 krónur. Ef kennari tekur að sér umsjón bekkjar eru launin, eftir 5 ára nám, 686.444 krónur.
Launað leyfi og ólaunað
Eftir að nýjar reglur um fjarvistir starfsmanna voru gefnar út hjá Akureyrarbæ spyrja margir hvort ekki þurfi að kveða fastar á um í kjarasamningi um fjarveru kennara t.d. vegna andláts nákominni ættingja. Reglur bæjarins um launað leyfi voru hertar á síðasta skólaári.
Í nýju reglunum, sem bæjarstjóri skrifaði undir áður en starfsmenn fengu þær í hendur, stendur. ,,Starfsfólk getur óskað leyfi yfirmanns til launaðrar fjarvistar til að vera við jarða[r]för nákomin ættingja/aðstandenda. Almennt eru slík leyfi hálfur dagur en einn dagur ef um lengri vegalengd er að ræða.“ Sé kveðið á um annað í kjarasamningi félags gildir það.
Síðan eru vinnustaðir hvattir til að setja sér verklag um hvort og þá hvaða ólaunaðar fjarvistir eru heimilaðar á vinnutíma. Bæjarstjóri bendir á í bréfinu, sem allir starfsmenn bæjarins fengu, að ljóst sé að möguleikar til að heimila slíkar fjarvistir eru mjög takmarkaðar á stórum hluta vinnustaða bæjarins. Nokkuð ljóst hvað skín hér í gegn.
Margir kennarar mennta sig með margskonar hætti á starfsárinu Veruleg óvissa er hvort þeir fái leyfi á launum til að sinna henni. Það er í höndum stjórnenda á hverjum stað hvort það verði launað eða ólaunað.
BKNE er ekki kunnugt um hvort önnur sveitarfélög á svæði deildarinnar hafi sett svona reglur.
Veikindaréttur kennara
Kjarasamningur kennara eins og annarra opinberra starfsmanna gefur starfsmönnum góðan veikindarétt. Veikindarétturinn ákvarðast af fjölda ára sem starfsmaður hefur unnið. Veikindaréttur er réttur sem á að nota sé þess þörf. Því miður virðast margir kennarar feimnir við að nota þennan rétt sinn þegar þeir þurfa sannarlega á honum að halda. Hvet kennara til að skoða samhengið milli eigin heilsu og veikindaréttar.
Að lokum
Gangi ykkur vel í störfum ykkar á næsta skólaári. Vonandi hafið þið náð að hlaða rafhlöðurnar og eruð tilbúin þegar skólabjallan hringir, andlega og líkamlega. Minni ykkur á að kjarasamningur er gólf ekki loft og hægt að semja um meira, vilji stjórnandi það, en kjarasamningur kveður á um. Hafið kjarasamninginn til hliðsjónar þegar ákvarðanir um skólastarfið og víkkun þess er á dagskrá.
Munið kennarar að leita til trúnaðarmanns, BKNE eða Félags grunnskólakennara þurfi þið svör við einhverjum spurningum eða aðstoð. Þar er alltaf fólk sem er tilbúið að aðstoða ykkur.
Helga Dögg Sverrisdóttir,
formaður Bandalags kennara á Norðurlandi eystra.
Nýjast
-
Þjónustunefnd AA leitar að framtíðarhúsnæði
Brýnt er að ráðast í gagngerar endurbætur á húsinu að Strandgötu 21 þar sem AA-samtökin á Akureyri hafa haft aðstöðu sína um langt árabil. -
Hitaveitur þarfnast athygli
Norðurorka rekur hitaveitu í Ólafsfirði og Reykjaveitu í Fnjóskadal auk hitaveitu á Akureyri og nágrannabyggðum. Þær veitur þarfnast athygli að því er fram kom í máli Eyþórs Björnsson forstjóra Norðurorku á aðalfundi félagsins. -
Hængsmenn afhentu bíl og héldu Hængsmót
Lionsklúbburinn Hængur á Akureyri hélt um liðna helgi árlegt Hængsmót fyrir fatlaða í 41. Skipti. Mótið fór fram í Íþróttahöllinni og í ár var keppt í boccia en mótið var auk þess Íslandsmót í greininni. -
Sýning ársins 2024 opnuð á Sigurhæðum
Á mæðradaginn, sunnudaginn 12. maí klukkan 13 opnar Sýning ársins 2024 í Menningarhúsi í Sigurhæðum á Akureyri. Lilja Alfreðsdóttir, menningar- og viðskiptaráðherra, flytur ávarp á opnuninni. Húsið verður opið til klukkan 17 þennan sunnudag og það verður líka hægt að líta inn á vinnustofur listafólks, hönnuða og hugsuða á annarri hæð Sigurhæða. -
Vátryggingafélag Íslands (Skagi) kaupir Íslensk verðbréf
Vátryggingafélag Íslands hf. (Skagi) hefur undirritað kaupsamning við hluthafa Íslenskra verðbréfa hf. (ÍV) um kaup Skaga á 97,07% hlutafjár í félaginu. Horft er til þess að í kjölfarið verði farið í kaup hlutafjár annarra hluthafa þannig að Skagi verði einn eigandi alls hlutafjár í Íslenskum verðbréfum. Kaupverð 97,07% hlutafjár í Íslenskum verðbréfum er 1.598 milljónir króna. Gert er ráð fyrir að kaupverðið verði greitt með reiðufé, en Skagi hefur val um að greiða allt að fjórðungi kaupverðsins með afhendingu nýs hlutafjár í Skaga. Fyrirtækjaráðgjöf og sérhæfðar fjárfestingar eru undanskilin í kaupunum. Jóhann M. Ólafsson, forstjóri ÍV, hefur stigið til hliðar og Jón Helgi Pétursson, framkvæmdastjóri ÍV sjóða, hefur tekið tímabundið við sem forstjóri félagsins. -
Amtsbókasafnið - Býður garðverkfæri í útlán
Áður hefur verið haft á orði á þessum vef að starfsfólkið á Amtinu hér í bæ sé skemmtilega ferskt og fái líflegar hugmyndir sem notendur safnsins kunna vel að meta. Í frétt frá þeim í dag er sagt frá að nú sé hægt að fá garðverkfæri, takk fyrir takk, að láni hjá Amtsbókasafninu! Kæru safngestir! NÝJUNG! - Við erum farin að bjóða upp á garðverkfæri til útláns! Það er farið að vora á Akureyri og kominn tími til að byrja vorverkin. Frá og með deginum í dag eru garðverkfæri til útláns hjá okkur, lánstími er 7 dagar. Verkfæri sem eru í boði: handskófla, lítil klóra, stungugaffall, stunguskófla, kantskeri, handklippur, greinaklippur, fata, beðhrífa, fíflajárn, greinasög og garðáhöld fyrir börn. Vinsamlegast þrifið verkfærin vel áður en þið skilið. -
Dýrahræ fundust á víðavangi við Línuveg á Húsavík
Steingrímur Hallur Lund rak í rogastans á dögunum þegar hann var úti að viðra hundinn sinn úti á Bakka við Línuveg í landi Húsavíkur. Hann var ekki komin langt frá veginum þegar hann gekk fram á dauða rollu, sem búið var að klippa af eyrun. Skammt undan gekk hann svo fram á fimm selshræ. -
Krían komin til Grímseyjar
Fyrstu kríurnar þetta árið í Grímsey sáust um helgina. Varpið þar er með stærri kríubyggðum á landinu og er talið að þar verpi þúsundir para. Litlar rannsóknir hafa verið gerðar á breytingum kríuvarpa frá ári til árs en margt bendir til fækkunar víða á landinu frá því um aldamót, einnig hefur orðið vart við sömu þróun í nágrannalöndum okkar. -
Úrskurðaður í fjögurra vikna gæsluvarðhald
Rannsókn á máli þar sem fimmtug kona fannst látin á heimili sínu þann 22. apríl síðastliðinn miðar vel.
Athugasemdir