Ekki eintóm sæla
„Nú á það að vera ánægja og æðisleg upplifun að eiga barn“
Þessi staðhæfing hljómaði í eyrum mér í útvarpsþætti einn morguninn þegar ég var í göngutúr í haustsvalanum. Rætt var við þrjár ungar tvíburamæður sem ræddu m.a. um þá upplifun að eignast tvö börn í einu. Þáttastjórnandi sló þar fram ofangreindri fullyrðingu um upplifun þess að eignast barn. Mæðurnar ungu tóku vissulega undir þetta að hluta til en komu einnig inn á að þetta væri ekki bara dásamlegt og eintómur dans á rósum. Sjónarhorn sem heyrist kannski of sjaldan en ég verð nokkuð oft vitni af í starfi mínu sem ljósmóðir.
Þó vissulega sé fæðing barns oft á tíðum jákvæð og dásamleg reynsla er það ekki eingöngu þannig í öllum tilfellum. Þar er margt sem getur haft áhrif á. Foreldrahlutverkið er sennileg eitt stærsta og mikilvægasta hlutverk sem við tökumst á við á lífsleiðinni og það er oft afar krefjandi. Ferlið við að eignast barn reynist verðandi foreldrum mjög misjöfn upplifun. Sumir foreldrar upplifa meðgöngu og fæðingu án mikilla vandkvæða, en svo eru aðrir sem fara í gegnum þetta ferli með ýmsum krefjandi hliðarverkunum. Í fyrsta lagi er ekki öllum gefið að verða þunguð án aðstoðar og þeir foreldrar þurfa oft að ganga í gegnum frjósemisferli af mismunandi toga sem yfirleitt tekur talsvert á. Missir á meðgöngu snertir nokkuð marga foreldra og meðganga eftir slíkan missi er andlega erfið. Óttinn við að það endurtaki sig er mikill og getur valdið talsverðum kvíða.
Ýmsir líkamlegir kvillar geta einnig komið upp á meðgöngu sem leiða til þess að meðgangan tekur verulega á. Þar undir lenda gjarnan fjölburameðgöngur sem einnig geta tekið andlega á, eins og fram kom í máli þessara ungu mæðra sem við var rætt í útvarpsþættinum. Svo eru þær þunganir sem ekki endilega voru fyrirfram ákveðnar. Foreldrar í þeim sporum þurfa að takast á við flóknar tilfinningar tengt því sem í vændum er. Allir foreldrar ganga í gegnum tilfinningasveiflur tengt komandi hlutverki en það getur verið talsvert flóknara þegar þungun er óvænt og koma nýs einstaklings passar kannski illa inn í lífsmynstrið, félagslega og/eða fjárhagslega.
Fæðingin sjálf gengur svo misvel fyrir sig. Margir þurfa tíma til að jafna sig eftir þennan krefjandi atburð og eru líkamlega og andlega eftir sig. Fæðingar eru nefnilega afar mismunandi og er óréttlátt að ætla bera sig saman við vini og vandamenn þegar að því kemur. Svo margt spilar inn í sem fæðandi einstaklingur getur engu um breytt. Tíminn eftir fæðingu er því mikilvægur til endurheimtar. Svefn er oft af skornum skammti þessa fyrstu daga/vikur og þurfa nýbakaðir foreldrar, hvort sem um ræðir foreldra með fyrsta barn eða reyndari foreldra, næði til að hvílast, koma brjóstagjöf og næringu í farveg og almennt að fóta sig með nýjum einstaklingi. Þar gleymir samfélagið sér oft á tíðum og fjölskylda og vinir vilja hópast að nýja barninu og foreldrum til að fagna nýja krílinu. Þetta er jú eðlilegt en þyrfti oftar að gerast af meiri nærgætni og tillitssemi.
Að eignast barn er stór viðburður sem einkennist af blönduðum tilfinningum. Getur verið afar krefjandi en er blessunarlega oftast ánægjulegt þegar upp er staðið. Leiðin að þeirri tilfinningu er þó mögulega mislöng og misgrýtt. Að leita sér stuðnings í gegnum þetta ferli, ef þörf er á, ætti því að vera sjálfsagður hlutur og spjall við fagaðila eða góðan vin getur þar reynst vel.
Höfundur er hjúkrunarfræðingur og ljósmóðir. Hún veitir ráðgjöf og stuðning til foreldra hjá Heilsu- og sálfræðiþjónustunni.
Nýjast
-
Umhverfis- og mannvirkjaráð Akureyrar - Blöndulína 3 þrengir að landlitlu sveitarfélagi
„Um er að ræða gríðarlega mikla hagsmuni Akureyrarbæjar, enda ljóst að umrædd lína þrengir að því landlitla sveitarfélagi sem Akureyrarbær er, getur hindrað vöxt þess og er líkleg til að rýra gæði þeirrar byggðar sem fyrir er,“ segir í bókun umhverfis- og mannvirkjaráðs Akureyrar, en á fundi ráðsins voru lögð fram drög að umsögn vegna lagningar Blöndulínu í gegnum land Akureyrarbæjar frá norðri og að Rangárvöllum. -
Heiðurviðurkenningar Akureyrarbæjar
Heiðursviðurkenningar Akureyrarbæjar fyrir vel unnin störf í þágu menningar og samfélagsins hlutu að þessu sinni nafnarnir Þorsteinn Pétursson, Steini Pje, fyrir óeigingjarnt framlag sitt til varðveislu og nýtingar eikarbátsins Húna II, og Þorsteinn E. Arnórsson, fyrir mikilsvert framlag til varðveislu iðnaðarsögu Akureyrar og reksturs Iðnaðarsafnsins á Akureyri. -
KA er Íslandsmeistari í blaki kvenna 2023-24
KA er Íslandsmeistari í blaki kvenna eftir stórkostlegan 2-3 endurkomusigur að Varmá í Mosfellsbæ í dag. Stelpurnar okkar lentu 2-0 undir í hrinum en sneru enn einum leiknum sér í vil og standa uppi sem Íslandsmeistarar þriðja árið í röð! -
Jonna Jónborg Sigurðardóttir bæjarlistamaður Akureyrar 2024
„Markmiðið er að færa listina út til fólksins. Koma með listina til þess í stað þess að það komi í ákveðna sali eða gallerí til að skoða listaverk,“ segir Jonna Jónborg Sigurðardóttir bæjarlistamaður á Akureyri árið 2024. Hún vinnur að undirbúningi sýningar sem nefnist Ferðalag. Það hefst nú á starfsàrinu og stendur í tvo mánuði. Einnig er hún á fullu við að hanna og útbúa svöng ruslatröll sem prýða munu nokkra rusladalla á Akureyri. -
Undirbúningur fyrir hátíðarhöld sjómannadagsins á Akureyri hafinn.
Sjómannadagurinn var endurvakinn á Akureyri í fyrra og tókst vel til, svo vel að undirbúningur er hafinn fyrir hátíðarhöld á komandi sjómannadag fyrstu helgina i júni. -
Kvarssandur frá PCC gæti orðið að varnargörðum við náttúruvá
Verkefnið Sterk steypa vann fyrstu verðlaun í áskorun PCC Bakki Silicon, á Krubbi-hugmyndahraðhlaupi sem haldið var á STÉTTINNI á Húsavík í mars -
Norðurorka - Leit að leka í hitaveitu með drónum
Dagana 7.-11. maí munu starfsmenn frá umhverfisverkfræðistofunni ReSource International gera lekaleit á hitaveitu fyrir hönd Norðurorku. Að þessu sinni yfir Eikar- og Daggarlundi á Akureyri, í Eyjafjarðarsveit (Hrafnagilshverfi, Kristnes og austan frá Kaupangi fram að Stóra Hamri) og á Svalbarðseyri. -
Ferðafélag Akureyrar og Stóri-plokkdagurinn - Félagsmenn tóku til hendinni að venju
„Okkur finnst minna um rusl núna en undanfarin tvö ár, sem ef til vill er vegna þess að svæðið er hreinsað skipulega á hverju ári,“ segir Þorgerður Sigurðardóttir formaður Ferðafélags Akureyri. Stóri-plokkdagurinn var haldinn um liðna helgi og tóku félagsmenn FFA til hendinni að venju -
Kveðjutónleikar og útgáfuhóf í Sögulokum Hrundar Hlöðversdóttur
Sögulok er yfirskrift viðburðar sem Hrund Hlöðversdóttir efnir til í félagsheimilinu Laugarborg í Eyjafjarðarsveit á laugardaginn, 4. maí. Þar kveður hún sveitunga sína, en Hrund hefur búið í Eyjafjarðarsveit undanfarin 16 ár, þar af var hún skólastjóri Hrafnagilsskóla um 12 ára skeið ár. Sögulokin eru jafnframt útgáfuhóf því um þessar mundir kemur út þriðja og síðasta bók Hrundar í þríleik hennar um Svandísi og félaga hennar. Sú heitir ÓLGA, kynjaslangan.
Athugasemdir