Ég er enginn royalisti
Egill P. Egilsson skrifar
Eins og lög gera ráð fyrir eyddi ég 10 árum ævi minnar í grunnskóla. Kennararnir voru flestir ágætir og sumir alveg hreint prýðilegir. Ég velti því stundum fyrir mér hvort þeir minnist mín með skelfingu eða stolti. Hið fyrra þykir mér líklegra enda var ég enginn fyrirmyndarnemandi. Ég man ágætlega eftir þeim flestum en hvað þeir kenndu mér man ég minna eftir. Það var svo margt annað áhugavert að hugsa um en kennslubækurnar.
Hvað ég gerði yfirhöfuð í skólanum man ég sáralítið eftir enda var ég einstaklega sveimhuga og vildi helst vera á iði að fremja einhver asnastrik. Reyndar gat ég alveg lært þegar sá gállin var á mér, en yfirleitt hafði ég áhuga á einhverju öðru. Sérstaklega eftir að svigar og x fóru að birtast í stærðfræðinni og atviksorð í íslenskunni. Þá hvarf ég inn í heim dagdraumanna, já og bókasafnsins.
Gagnlaus fróðleikur 101
Bókasafnið var minn griðarstaður og þar eyddi ég eins mörgum stundum og mér frekast var unnt. Þar las ég t.d. Stóru fiskabók Fjölva spjaldanna á milli og lærði öll latínu heiti S-Amerískra ferskvatnsfiska. Ég man þau mörg hver enn þann dag í dag en á sífellt erfiðar með að koma þessum fróðleik að í almennum samtölum, ég geri það nú samt stundum.
Beint á galeiðuna
Það sem helst stendur uppúr eftir kennslustundir þessarra 10 ára er að í kynfræðslunni var mér kennt að fremsti hlutinn á typpinu mínu héti reðurhöfuð. Það fannst mér áhugavert enda aldrei verið royalisti. Sennilega hefur fátt af þessu gagnast mér sértaklega síðar á ævinni, hvorki latínuheitin né vitneskjan um reðurhöfuðið, ekki frekar en dönskutímarnir. Fróður maður benti mér reyndar á það nýverið að sérhæfðu latínukunnáttuna væri eflaust hægt að nota í neyð, klukkan korter í þrjú á knæpunni. Nú held ég sé kominn tími til að skella mér á galeiðuna.
Umdeild lexía
Þrátt fyrir námsleiðann þótti mér alltaf gaman í skólanum og þótt námsbækurnar hafi ekki skilið mikið eftir sig í mínu tilfelli, þá lærði ég margar góðar lexíur sem ég tók með mér út í lífið strax að loknum 10. bekk.
Sértaklega sátu í mér lokaorð skólastjórans við skólaslitin en hann hvatti okkur til að fara sem víðast og prófa sem flest. Mömmu minni fannst ég reyndar hafa tekið þessu full bókstaflega og var alls ekki hrifin af öllu því sem ég prófaði en það er önnur saga.
Egill P. Egilsson
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir