Aðför að ferðaþjónustu
Á meðfylgjandi mynd siglir hvalaskoðunarskipið Opal úr höfn á Húsavík út á öflugasta hvalaskoðunarsvæði heims með stærstu lífverum sem lifað hafa á jörðinni, Steypireyð og mestan fjölda hvalategunda.
Í forgrunni er toppur minnismerkis, jörð og tungl, fyrir framan Húsavík Cape Hotel um æfingar Apollo tunglfara sem æfðu á árunum 1965 og 1967 í Þingeyjarsýslu fyrir ferðir sínar til tunglsins og hafa margir þessara öldnu og reynslumiklu heiðursmanna ásamt eiginkonum sínum heimsótt okkur undanfarin ár, ferðast með okkur á æfingastaðinn í Öskju og gist á nefndu hóteli. Var minnismerkið að viðstöddum báðum sonum fyrsta tunglfarans, Neil Armstrong, afhjúpað af öllum barnabörnum hans.
Á Íslandi eru tveir heimsfrægir hringir; Gullni hringurinn og Demantshringurinn. Gullna hringinn prýða djásn og merkir staðir eins og Þingvellir, Geysir og Gullfoss ofl.
Demantshring okkar Norðlendinga prýða m.a. Goðafoss, Mývatn, Jökulsá á Fjöllum með fossaröð og Dettifoss aflmesta foss Evrópu , Jökulsárgljúfur, Ásbyrgi, Flateyjarskagi, Húsavík og Skjálfandaflói með öllum hvölunum.
Nú hefur verið gerð sú aðför að ferðaþjónustu á þessu einstaka svæði DEMANTSHRINGSINS að búið er að takmarka verulega umferð til Húsavíkur um neðstu brú Skjálfandafljóts og í raun þannig dæma þessa 88 ára gömlu einbreiðu brú ónýta og hefði mátt og átt að gera það fyrir langa löngu síðan og vera búið að byggja nýja öflugri tvíbreiða brú og stytta veg þarna um fjölda kílómetra.
Innviðaráðherra, Vegagerðin og Þingeyjarsveit verða tafarlaust að gera opinbera grein fyrir þessu sem er að valda stórtjóni á þessu landsvæði. Þetta er ekki eina klúður sem á okkur brennur því við höfum jafnframt mjög miklar áhyggjur af mikilvægum flugsamgöngum inn á stórt og eftirsóknarvert svæði hér um Aðaldalsflugvöll sem hefði átt og um var talað á sínum tíma að vera varaflugvöllur fyrir Keflavíkurflugvöll því þar er víðátta meiri en í þröngum firði.
Ekkert er heldur gert í samgöngumálum til að bæta og stytta Norðurleið þjóðvegar 1 frá Reykjavík að Demantshringnum. Ég tók á sínum tíma upp á Alþingi slíkar vegstyttingar sem gætu með Sundabraut hæglega verið 50 kílómetrar og jafnvel meira að Demantshringnum.
Hefi ég aldrei skilið baráttuleysi Akureyringa og Eyfirðinga að berjast ekki í þessu máli vegstyttinga í stað þess að bulla um veglengingu með 22 kílómetra jarðgöngum undir Tröllaskaga sem Vegagerðin virðist gefa lítið fyrir og aldrei verða.
Eyfirðingar verða að tala af krafti fyrir vegstyttingum sem lang fjölmennasta svæði landsbyggðar á Íslandi og myndi þetta lækka flutningskostnað þar bæði til og frá um marga milljarða á hverju ári auk alls annars hagræðis og mikils tímasparnaðar og aukins öryggis í akstri.
Framanritað snýr að því sem má og á að bæta á Norðurlandi. Allt er hinsvegar eins og alltaf í góðu lagi á Reykjanesi og höfuðborgarsvæðinu með Keflavíkurflugvöll og Hvassahraunsflugvöll fyrirhugaðan og 300 ára eldgosahrinu sem þar er byrjuð með þrem eldgosum á þrem árum og þá eru í alvöru talað miðað við það að 297 eldgos geta verið eftir þarna ef þetta er takturinn.
Landsbyggðarfólk á og verður að rísa upp af fullum krafti og verjast og berjast fyrir sín svæði og sína tilveru, koma svo, koma af krafti því nú er baráttan byrjuð og ekki verður aftur snúið.
Örlygur Hnefill Jónsson
Nýjast
-
Tvö ný fræðsluskilti í Grímsey
Í vikunni voru sett upp tvö skilti í Grímsey tengd Norðurstrandarleiðinni (e. Arctic Coast Way) sem greina annarsvegar frá eðli heimskautsbauganna og hinsvegar sögu Grímseyjar. -
Mærudagar á Húsavík fagna 30 ára afmæli með mikilli skemmtidagskrá
Í ár fagnar bæjarhátíðin Mærudagar á Húsavík sínu 30. afmæli með fjölbreyttri og spennandi skemmtidagskrá fyrir alla aldurshópa. -
Endurnýjun á dreifilögn í Reykjahverfi
Orkuveita Húsavíkur er í framkvæmdum en verið er að endurnýja dreifilögn hitaveitu á rúmlega 3 km kafla í Reykjahverfi frá Smiðjuteig að Skógum -
Ánægja með gott Listasumar 2024
Mikil og góð stemning var í Listagilinu síðasta laugardag þegar þar var haldið hið svokallaða Karnivala eða lokahátíð Listasumars 2024 -
Grunnskólinn á Raufarhöfn í yfirhalningu
Gengið hefur verið frá samningi við verktaka um að mála húsið -
Andrea Fáfnis Ólafs og Viðar Breiðfjörð með samsýningu á Mærudögum
Andrea Fáfnis Ólafs og Viðar Breiðfjörð halda samsýningu í Hlyn við Garðarsbraut yfir Mærudagana. Listamennirnir eiga bæði ættir og barnæsku að rekja til Húsavíkur. -
Aðalgeir Heiðar Karlsson - Minningarorð
Aðalgeir Heiðar Karlsson fæddist 1.október 1948 á Húsavík. Hann var sonur útgerðarhjónanna Heru Sigurgeirsdóttur f. 22. maí 1916, d. 8. ágúst 1999 og Karls Óskars Aðalsteinssonar, f. 8. maí 1912, d. 24. jan. 1982. Aðalgeir var yngstur fimm systkina sem eru í aldursröð: Sigurbjörg Guðrún, f. 6. feb. 1935, d. 26. maí 2019, Sigrún Ólöf f. 22. jan. 1937, Aðalsteinn Pétur f. 27. okt. 1943, d. 15. júlí 2008 og Óskar Eydal f. 27. nóv. 1944, d. 14. apríl 2017. Karl Óskar Geirsson f. 28. nóv. 1955, sonur Sigrúnar, ólst einnig upp í Höfða og var alltaf eins og einn af systkinunum. Alli var af mikilli sjómannaætt en var mjög lítið á sjó en vann landvinnu. Hann var snöggur til að ráða sig til vinnu þegar Norðurverk hóf störf við gerð Laxárvirkjunar 3 og vann þar fram að verklokum sem bílstjóri á borbíl og sem sprengju sérfræðingur. Við Laxárvirkjun kynnist hann eftirlifandi eiginkonu sinni, Guðnýju Heiðveigu Gestsdóttur, f. 13.júní 1952. Guðný er fædd og uppalin í Múla í Aðaldal, foreldrar hennar voru Heiðveig Sörensdóttir, f. 6.maí 1914, d. 2.mars 2002 og Gestur Kristjánsson, f. 10.nóvember 1906, d. 9.ágúst 1990. Strax vorið eftir þau kynni flutti Aðalgeir í Múla, fór að taka þátt í búskapnum af fullum krafti ásamt því að sinna vinnu við Laxárvirkjun. Aðalgeir og Guðný opinberuðu um páskana 1971 og giftu sig 2. apríl 1972. Þau hófu félagsbúskap ásamt foreldrum Guðnýjar og keyptu síðar af þeim eignir þeirra í Múla eftir að þau hættu búskap árið 1986 og fluttu til Húsavíkur. Aðalgeir og Guðný bjuggu alla tíð í Múla meðan heilsan leyfði. Þau seldu jörðina í sumarið 2021 og fluttu til Akureyrar. Alli og Guðný í Múla voru með fjölmörg börn í sumardvöl í sveit og eins voru þau með fósturbörn bæði til skemmri og lengri tíma. Þrjú af þeim börnum fengu varanlegt aðsetur hjá þeim hjónum í Múla og má svo sannarlega segja að þau hafi dottið í lukkupottinn, Ólafur Svanur Ingimundarson, f. 3.ágúst 1965, Einar Jóhann Sigurðsson, f. 6. ágúst 1983 og Aðalheiður Ágústa Jónsdóttir, f. 2. október 1987. Ólafur Svanur er kvæntur Emmu Gísladóttur, f. 17.maí 1967 og eiga þau tvo syni Gísla Ólaf og Jón Aðalgeir og 6 barnabörn. Einar Jóhann er kvæntur Þórhildi Einarsdóttur, f. 31. ágúst 1983, og eiga þau tvö börn saman Kristján Guðna og Heiðveigu Halldóru. Einar á einnig dóttur úr fyrra sambandi, Lilju Dögg, f. 3.mars 2005. Aðalheiður er gift Sigmundi Birgi Skúlasyni, f. 19.maí 1982 og eiga þau þrjú börn Heiðar Inga, Fannar Atla og Margréti Guðnýju. Aðalgeir lést á hjúkrunarheimilinu Lögmannshlíð 12.júlí s.l. og útför hans fór fram miðvikudaginn 24.júlí kl 14:00 frá Grenjaðarstaðarkirkju í Aðaldal. Elsku afi okkar, við vitum ekki hvernig okkur á að líða, þetta er allt svo skrýtið. -
Þyrla sótti slasaða hjólreiðarmenn í Jökulsárgljúfur
Laust eftir hádegi í dag kom tilkynning til lögreglu og sjúkraflutningamanna á Húsavík um reiðhjólaslys við Jökulsárgljúfur. Þar hafi reiðhjólamaður fallið fram af kletti og þá hafði samferðamaður hans einnig slasast við að reyna að koma honum til aðstoðar -
Mæðgur hafa stjórnað kórum í samanlagt 71 ár
Kynslóðir kórfélaga frá Hóffý og Ástu sameinast og halda saman tónleika í Húsavíkurkirkju
Athugasemdir