Þegar úlfaldablóð fannst í æðum Þingeyinga!
Tveir úlfaldar í Danmörku. Sá fjórfætti danskur, sá tvífætti Þingeyingur og sem sjá má, að reykja Camel eins og er við hæfi. Mynd: Guðmundur Sigurjónsson
Áður en Íslensk erfðagreining birtist á sjónarsviðinu, voru genarannsóknir auðvitað í skötulíki á landinu og raunar afar lítið um athuganir á erfðaþáttum og eðli Íslendinga almennt. Þó fór fram um 1970, all víðtæk mannfræðirannsókn á Þingeyingum þar sem einkum var hugað að samsetningu hins þingeyska blóðs og hugsanlegum skyldleika héraðsbúa við aðrar skepnur á jörðinni.
Fór tvennum ef ekki þrennum sögum af þessum rannsóknum. Og niðurstöðum þeirra, ef einhverjar voru, var aldrei haldið verulega á lofti í sýslunni. Skýring á þeirri þögn er kannski sú að það kvisaðist út að blóðrannsóknir bentu til að Þingeyingar væru skyldir úlföldum. Og um það kvað einmitt óþekktur hagyrðingur svo:
Um langan aldur við undum við þingeysk ljóð
og ilminn af hinni grænu menningarhríslu.
Og hvergi á landinu gerðist göfugra blóð,
né gáfaðri kynstofn, en norður í Þingeyjarsýslu.
Þar virtist hvert mannsbarn af guðlegu foreldri fætt.
Því féll okkur miður, er hvarvetna spurðist á þingum,
að rannsóknir bendi til tengsla við allt aðra ætt,
og úlfaldablóð hafi fundist í Þingeyingum.
Á þingeyskan gjörvileik gjarnan var borið hrós
og grunsemdalaust við könnuðum heimildaforðann.
En nú þykir sýnt, að kryppurnar komi í ljós
á kameldýrunum þarna fyrir norðan.
Nýjast
-
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín.
Athugasemdir