Rakvélaviðgerðarmeistarinn Roy Phillips
Þessa sögu fengum við beint í æð frá söguhetjunni sjálfri, Roy Phillips, eða „straight from the horses mouth,“ eins og hann hefði orðað það.
Roy starfaði um tíma á Raftækjaverkstæði Gríms og Árna á Húsavík þar sem raftæki margvísleg voru til sölu og einnig gert við slík. Eitt sinn kom Vigfús Jónsson bóndi á Laxamýri í verslunina með rafmagnsrakvél sem hann rétti Roy og hafði uppi einhverja orðræðu um hvað græjuna bagaði. Englendingurinn Roy var þarna ekki alveg orðinn fullnuma í íslensku máli og nam því ekki nákvæmlega hvað Fúsi var að fara, en eins og það lipurmenni sem hann var, lofaði Roy að bjarga málinu og bað Vigfús að koma aftur eftir tvo daga. Bóndi virtist nokkuð hissa á þessari afgreiðslu, en spurði þó einskis.
Svo illa vildi til að engir rafvirkjar voru tiltækir á staðnum þessa daga, en Roy vildi standa við loforðið sem hann gaf Vigfúsi og settist því niður með skrúfjárn og flísatangir, hugðist leita að biluninni og gera sjálfur við rakvélina. Sat hann við lengi dags uns þar kom að rakvélin lá í sínum 100 frumpörtum á borðinu fyrir framan hann. „Og þá fór nú að vandast málið.“ Sagði Roy.
Sem varði síðan öllum næsta degi í að raða öllu saman í eina heild á ný, en varð lítt ágengt við þá iðju. Eftir þrotlausar tilraunir við að koma rakvélinni saman aftur, gafst Roy upp og sópaði öllu móverkinu ofan í brúnan bréfpoka.
Sem hann síðan rétti Vigfúsi þegar bóndi mætti á ný í búðina og sagði sorgmæddur að því miður, þá hefði rakvélin reynst gjörónýt og algjörlega vonlaust að gera við hana. Vigfús opnaði bréfpokann og virti fyrir sér rústir rakvélarinnar og sagði síðan: „Já, satt að segja hafði ég nú ekki orðið var við að það væri nokkur skapaður hlutur að rakvélinni, ég ætlaði nú bara að láta skipta um innstungu.“
Roy kvaðst hvorki fyrr né síðar hafa orðið lúpulegri á ævinni en í þessu tilviki. JS
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir