Dæmigerður gáfaður Þingeyingur og Hollywoodgella frá Húsavík
Margrét Sverrisdóttir.. „sú er lagleg og minnir á Hollywood gellu með „alþjóðlegt filmstjörnubros.“ Mynd: ruv/js
Myndlistarmaðurinn Steingrímur St. Th. Sigurðsson reit óvenjulegan leikdóm í Víkurblaðið á sínum tíma um sýningu Leikfélags Húsavíkur á Gauragangi og var nálgun hans á persónur og leikendur, sem flestir voru þarna ungir að árum, með öðrum hætti en venja var til í þessu menningarriti:
„Húsvísku leikararnir eru sumir hverjir bráðlifandi á fjölunum, til að mynda Friðfinnur Hermannsson, barnabarn Friðfinns heitins Ólafssonar að vestan, bíóstjóra Háskólabíós. Margrét Sverrisdóttir, góður leikari og sú er lagleg og minnir á Hollywood gellu með „alþjóðlegt filmstjörnubros,“ eins og Auden skáld talar um í lýsingu á laglegum íslenskum stúlkum í „Letters from Iceland.“
Það var gaman af gerðum eins og Oddi Bjarna, Elísabetu Björnsdóttur, Kolbrúnu Þorkelsdóttur og Kristjáni Magnússyni, sem er dæmigerður gáfaður Þingeyingur, það leynir sér ekki.“
Skrifaði Steingrímur.
Hvað umrædda leikara sem Steingrímur nefnir til sögunnar varðar, má geta þess að öndvegismaðurinnn Friðfinnur Hermannsson lést fyrir fáum vikum; Kolbrún er lögfræðingur í Reykjavík; Kristján Magg, hinn dæmigerði gáfaði Þingeyingur, er nú sveitarstjóri í Norðurþingi; Oddur Bjarni er Ljótur hálfviti og klerkur á Möðruvöllum og Margrét, „Hollywood gellan með alþjóðlegt filmstjörnubros,“ er nú leikstjóri og prestsmaddama á Möðruvöllum. JS
Nýjast
-
Viðræður eru hafnar um hugsanlegan samruna Samkaupa, Heimkaupa og Orkunnar
Frá þessu segir í tilkynningu frá Samkaupum en þar sem kemur fram að s.l. mánuði hafi Samkaup hf. og Skel fjárfestingarfélag rætt um kosti og galla hugsanlegan samruna fyrirtækjanna. -
Félagslegt húsnæði í Grímsey Ekkert til fyrirstöðu að selja
Velferðarráð Akureyrarbæjar sér ekkert því til fyrirstöðu að húsnæði í eigu bæjarins verði selt. -
25 ár frá sameiningu Einingar og Iðju
Í dag, 15. maí, eru liðin 25 ár síðan formlega var gengið frá samruna Verkalýðsfélagsins Einingar og Iðju, félags verksmiðjufólks á Akureyri. Þótt þetta sameinaða félag eigi sér þannig séð ekki langa sögu stendur það á gömlum merg því félögin eiga sér hvort um sig langa og merka sögu í baráttu verkafólks fyrir réttindum sínum. Sögu Iðju má rekja allt aftur til ársins 1936 og er stofndagur félagsins talinn 29. mars það ár. Verkalýðsfélagið Eining varð til 10. febrúar 1963 með sameiningu Verkakvennafélagsins Einingar og Verkamannafélags Akureyrarkaupstaðar. Rætur Einingar ná þó mun lengra aftur og má segja að fyrsta fræinu hafi verið sáð árið 1894 þegar Verkamannafélag Akureyrarkaupstaðar, hið eldra, var stofnað. -
Buðu upp á bakkelsi frá Suður-Ameríku
Andressa Andrade E. Andrade, Celimar Yerlin Gamboa Maturet, Feiruz Nasser Morabito, Haysmar Ledosvkaya Rangel Blanco og Fiora Alessa Pacini Barragán eru í hópi nemenda af erlendum uppruna sem hafa stundað nám í VMA í vetur, m.a. lagt stund á nám í íslensku sem öðru máli. -
Knattsp.deild KA dæmd til að greiða fyrrverandi þjálfara sínum tæpar ellefu milljónir
Knattspyrnudeild KA var í dag dæmd í Héraðsdómi Norðurlands eystra til að greiða fyrrum þjálfara sínum 8,8 milljónir króna auk dráttarvaxta frá 5 nóvember 2023 vegna ágreinings aðila um túlkun á bónusgreiðslum til handa þjálfarans. KA er einning gert að greiða málskostnað þjálfarans fyrrverandi. Aðspurður sagði Hjörvar Maronsson formaður knd KA að verið væri að fara yfir dóminn og vildi að öðru leyti ekki tjá sig um næstu skref. -
Almenn bjartsýni í ferðaþjónustu á Húsavík
Vikan fór af stað með brakandi blíðu á Húsavík og við það vaknaði ferðaþjónustan til lífsins en þrátt fyrir áskoranir sem blasa við vegna jarðhræringa á Reykjanesi, verðbólgu og hárra vaxta er jákvæðni og bjartsýn ríkjandi í greininni. -
Nýsköpun: Tækifæri og áskoranir þema Sjónaukans í ár
Það má búast við lífi og fjöri í Háskólanum á Akureyri í næstu viku þegar Sjónaukinn, árleg ráðstefna Heilbrigðis-, viðskipta- og raunvísindasviðs HA fer fram dagana 15. og 16. maí. Ráðstefnan hefst klukkan 9 báða dagana og fer fram bæði á íslensku og ensku. Öll eru velkomin til þess að taka þátt á staðnum eða í streymi. Venju samkvæmt er dagskráin metnaðarfull og fjölbreytt með fjölda málstofa auk pallborðsumræðna sem endurspegla þema ráðstefnunnar í ár sem er Nýsköpun: Tækifæri og áskoranir. -
Hagnaður af rekstri Sparisjóðs Suður-Þingeyinga 205 milljónir króna
Aðalfundur Sparisjóðs Suður-Þingeyinga var haldinn 8. maí s.l. í félagsheimilinu Breiðumýri í Reykjadal. Rekstur sparisjóðsins gekk vel á síðasta ári, hagnaður af starfseminni var 204,7 milljónir króna eftir skatta. Um síðustu áramót voru heildareignir sparisjóðsins 13,1 milljarðar króna og hafa aukist um 840 milljónir á milli ára. Innlán voru á sama tíma um 11,5 milljarðar. Eigið fé sparisjóðsins var 1,3 milljarður í árslok og lausafjárstaða er sterk. Í stjórn sparisjóðsins voru kjörin Andri Björgvin Arnþórsson, Elísabet Gunnarsdóttir, Eiríkur H. Hauksson, Margrét Hólm Valsdóttir og Sigríður Jóhannesdóttir. Varamenn, Bergþór Bjarnason og Pétur B. Árnason. Stuðningur við íþróttastarf barna og ungmenna HSÞ Á aðalfundinum var tilkynnt að Sparisjóðurinn muni styrkja íþróttastarf barna og ungmenna hjá aðildarfélögum Héraðssambands Þingeyinga (HSÞ) um samtals 11 milljónir króna á árinu. Nánari útfærsla verður kynnt aðildarfélögunum á næstunni. -
Samkomulag um eins árs framlengingu á samstarfsamningi bæjarins og ríkisins um menningarmál undirritaður
Lilja Alfreðsdóttir, menningar- og viðskiptaráðherra, og Ásthildur Sturludóttir, bæjarstjóri, undirrituðu í gær samkomulag um eins árs framlengingu á samstarfsamningi bæjarins og ríkisins um menningarmál og gildir hún út árið 2024.
Athugasemdir