Það hefur ekki farið framhjá  einum einasta manni að hamfarir ganga yfir í og við Grindavík sem m.a hafa leitt til þess að í þriðja sinn sem sögur fara af  hér á landi þurfti að rýma heilt bæjarfélag.  Óhætt er að fullyrða að hugur landsmanna sé til Grindvíkinga. 

Ásthildur Sturludóttir  bæjarstjóri sendir kveðjur til Grindvíkinga á heimasíðu  Akureyrarbæjar í morgun,  Þar segir Ásthildur  m.a. ,,Ég held að við getum öll sett okkur í spor fólksins í Grindavík sem að þurfti að yfirgefa heimili sín í flýti og óvissu og halda út í nóttina, vitandi ekki hvenær mögulegt verður að snúa til baka."

Sveitarstjórn Svalbarðsstrandarhrepps lýsir yfir þungum áhyggjum af stöðu bænda og íslensks landbúnaðar vegna mikilla kostnaðarhækkana á aðföngum og vegna íþyngjandi vaxtakostnaðar á skuldsettum búum.

Landbúnaður er stór atvinnugrein í sveitarfélaginu og mikilvægt að matvælaframleiðslu séu skapaðar öruggar rekstraraðstæðursegir í bókun sem samþykkt var á fundi sveitarstjórnar. Breytingar á reglugerðum og lagaumhverfi síðustu ára er lúta að aðbúnaði hefur knúið bændur til að fara í tugmilljóna fjárfestingar með tilheyrandi fjármagnskostnaði. Í núverandi vaxtaumhverfi er enginn hvati til nýliðunar sem er grafalvarleg staða. Sauðfjárbændur hafa jafnframt í áratugi þurft að glíma við erfið rekstrarskilyrði sem hefur leitt til mikillar fækkunar í þeirri starfsgrein.

Bæjarráð Akureyrar tekur undir áskorun frá Skógræktarfélagi Eyfirðinga varðandi trjágróður í nýjum hverfum bæjarins. SE hafði skorað á bærinn að huga betur að gróðursetningu trjágróðurs í nýjum og nýlegum hverfum bæjarins, t.d. samsíða akbrautum og á grænum svæðum

Fjölskylda í Björgunarveitinni Garðari á Húsavík - Rætt er við feðginin  Júlíus Stefánsson og Júlíu Sigrúnu.

,,Ég tel mjög mikilvægt að komið verði á laggirnar fjölskylduhúsi á Akureyri Með þess konar úrræði er hægt að grípa mun fyrr inn í einstök mál barna í viðkvæmri stöðu, fjölga úrræðum og bæta þá þjónustuna. Með þessu úrræði væri einnig í einhverjum tilvikum hægt aðkoma í veg fyrir að grípa þurfi til lengri vistunar eða meðferðar,“ segir Hulda Elma Eysteinsdóttir formaður Velferðarráðs á Akureyri.

Framkvæmdir við kaupfélagshúsið á Húsavík ganga vel

Hafin er sala á ferskum Landlaxi og ferskri Landbleikju frá Samherja fiskeldi á íslenskum neytendamarkaði undir eign nafni. Samherji fiskeldi starfrækir einungis landeldsstöðvar og kemur að öllum stigum eldis og vinnslu á laxi og bleikju, allt frá hrognum til neytenda.

Neytendur vel upplýstir – Allar stöðvar með alþjóðlegar vottanir

Birgir Össurarson sölu- og markaðsstjóri Ice Fresh Seafood, sem annast sölu afurða Samherja, segir þetta ánægjuleg tímamót.

„Við teljum skynsamlegt að merkja vöruna sem best og undirstrika þannig gæða íslenskan Landlax og íslenska Landbleikju. Síðast en ekki síst viljum við að neytendur séu vel upplýstir um uppruna vörunnar, framleiðsluhætti og fleiri mikilvæga þætti. Samherji fiskeldi hefur framleitt landeldisfisk í um tvo áratugi. Allar stöðvar fyrirtækisins eru með alþjóðlegar vottanir og einungis er notast við gæða fóður í eldinu og öllum þáttum er stýrt með það að leiðarljósi að tryggja bestu mögulegu eldisaðstæður fyrir fiskinn. Sala á laxi og bleikju á kröfuhörðum alþjóðlegum mörkuðum hefur gengið vel og ég er sannfærður um að neytendur fagna þessum áherslubreytingum,“ segir Birgir Össurarson sölu- og markaðsstjóri Ice Fresh Seafood.

Sala hafin í verslunum

Ferskur Landlax og fersk Landbleikja frá Samherja fiskeldi fást nú þegar í nokkrum verslunum og fleiri bætast við á næstu dögum. Norðanfiskur ehf á Akranesi annast dreifingu þessara afurða.

Fyrr í dag var eftirfarandi ályktun frá Stéttarfélögunum í Alþýðuhúsinu á Akureyri send á Akureyrarbæ; bæjarstjóra og bæjarfulltrúa og fjölmiðla.

Nýtt íslensk barnaleikrit, Bangsímon og Gríslingur í jólasveinaleit verður frumflutt hjá Freyvangsleikhúsinu um aðra helgi, 17. nóvember næskomandi og verða sýningar allar helgar fram að jólum.

Verkið er eftir Jóhönnu s. Ingólfsdóttur og byggir á ástsælum persónum samnefndum eftir A.A. Milne sem Disney gerði ódauðlegar. Samanvið blandast svo sígildar íslenskar verur sem allir þekkja. Í verkinu segir frá Bangsímon og Gríslingi sem komnir eru til Íslands í leit á jólasveinum sem þeir höfðu frétt að væru hvorki fleiri né færri en 13 talsins. Sagan segir frá leit þeirra sem gengur upp og ofan, en ýmsar verur hitta þeirra á ferð sinni líkt og gera má ráð fyrir á íslensku fjalli. Þeir halda ótrauðir áfram þó ýmislegt gerist á leiðinni og halda í trúna á að þeim takist ætlunarverk sitt, hafa óbilandi trú á sjálfum sér og hvor öðrum.

Eiríkur Bóasson semur tónlist, sem er létt og skemmtilegt, textar eru ýmist frumsamdir eða með vísum Jóhannesar úr Kötlum. Jóhanna S. Ingófsdóttir leikstýrir og er það í annað sinn sem hún tekst á við leikstjórn hjá Freyvangsleikhúsinu, en hún leikstýrði Karíus og Baktus fyrir jólin í fyrra.

Verkið er rúmlega klukkutíma að lengd með hléi og því tilvalið fyrir yngstu kynslóðina.

Á fundinum var lögð áhersla á að vinna þurfi að bráðaaðgerðum  sem þurfi að koma til sem fyrst svo hægt sé að bregðast við stöðu þeirra sem verst eru staddir. Aðrar aðgerðir kæmu í framhaldinu.  

Markmið gáttarinnar er að hún verði alhliða upplýsingaveita fyrir frumkvöðla á Íslandi, leiðarvísir og gagnleg upplýsingamiðlun um nýsköpun og stuðningsumhverfi hennar. 

„Við erum mjög þakklát fyrir þessa viðurkenningu, þetta er mikið hrós til allra þeirra sem koma að Skógarböðunum. Við erum einstaklega heppin með það starfsfólk sem vinnur hjá okkur en það hafa allir lagst á eitt við að gera upplifun viðskiptavina eins góða og hún getur verið.,“ segir Kjartan Sigurðsson framkvæmdastjóri Skógarbaðanna en fyrirtækið hlaut viðurkenninguna Sproti ársins á uppskeruhátíð ferðaþjónustunnar á Norðurlandi.

Nýr Landspítali, NLSH hefur óskað eftir umsóknum um þátttökurétt í lokuðu útboði á hönnun nýs húsnæði legudeildar fyrir Sjúkrahúsið á Akureyri. Verkefnið felur í sér hönnun á 9.200  m2 nýbyggingu sem staðsett verður sunnan við núverandi byggingar á lóð SAk  og því húsnæði. Nýbyggingin mun fara yfir bílastæði sem eru sunnan sjúkrahúsbygginganna og því þarf að færa þau auk þess sem einnig þarf að fjölga bílastæðum.

Huga þarf að ytri aðkomu, heildarskipulagi og að nýting bygginga falli að mögulegri framtíðarstækkun.

Markmið með útboðsferli er að velja hæfan umsækjenda sem tekur að sér skipulag á heildarsvæði SAk.

Um síðastliðna helgi birti ferðavef­ur Lonley Pla­net grein um þrjá staði sem mælt er með að heim­sækja á Íslandi fyr­ir ferðalanga sem vilja ferðast eins og heima­menn. Greinina skrifuðu þrír ferðasérfræðingar sem hver um sig völdu einn stað sem þeir mæltu með, Hrísey, Ásbyrgi og Neskaupsstað. Carolyn Bain, ferðabóka­höf­und­ur, valdi Hrís­ey sem er í Eyjafirðinum.

Grímseyjarferjan Sæfari er biluð og fer í slipp á næstu dögum. Tímabundinn samningur um rekstur Hríseyjarferjunnar rennur út um áramót. Bæjarráð Akureyrar fjallaði um ferjusamgöngur við Grímsey og Hrísey og lýsti yfir áhyggjum af samgöngumálum eyjanna.

Jafnlaunastefna Norðurþings var samþykkt þann 28. september 2023 í Sveitarstjórn Norðurþings en meginmarkið hennar er að allar launákvarðanir skulu vera gegnsæjar, málefnalegar, skjalfestar og rekjanlegar.

Landbúnaður er mjög stór og mikilvæg atvinnugrein í Eyjafirði og Suður-Þingeyjarsýslu en á því svæði eru rúmlega 120 kúabú. Áætla má að velta landbúnaðarins á þessu sama svæði sé á milli 30 og 40 milljarðar króna þegar allt er tekið, þ.e. velta bænda í öllum greinum og afurðastöðvanna. Þetta kom fram á fjölmennum fundi sem Njáll Trausti Friðbertsson, þingmaður XD í Norðausturkjördæmi boðaði til, en um 100 manns mætt til fundarins.

      Víða um land valda stuttir vegkaflar íbúum óþarfa fyrirhöfn og armæðu á ferð þeirra um landið. Þar gildir einu hvort ferðinni er heitið á höfuðborgarsvæðið í leit að þjónustu eða yfir í næsta fjörð til að heimsækja Siggu frænku, vetrarfærð og válynd veður eru þess valdandi að veggöng eru beinlínis eina færa leiðin til að tryggja greiðar og öruggar samgöngur. Þetta á sérstaklega við á Tröllaskaga, Austfjörðum og Vestfjörðum þar sem iðulega er torfært á milli byggða stóran hluta ársins enda eru sextán þeirra átján jarðgangna 

Varað hefur verið við mikilli snjóflóðahættu við Hlíðarfjall á Akureyri næstu daga

Ásmundur Einar Daðason, mennta- og barnamálaráðherra, hefur látið af áformum um að sameina átta framhaldsskóla í fjóra.

Í lok október lauk Kælismiðjan Frost við uppsetningu og frágang á frystikerfi í bolfiksvinnslu sjávarútvegsfyrirtækisins Þorbjörns hf. í Grindavík. Með nýja kerfinu segir Jóhann Vignir Gunnarsson, sem hefur framleiðslu- og markaðsmál Þorbjörns hf. á sinni könnu, að opnist ýmsir nýir möguleikar fyrir fyrirtækið í framleiðslu og markaðssetningu sjávarafurða.

Í tengslum við Stelludaginn í s.l viku komu gestir  til bæjarins  frá Færeyjum og gerðu þeim víðreist  um bæinn skoðuðu m.a  Iðnaðarsafnið undir leiðsögn  Sigfúsar Ólafs Helgasonar safnsstjóra.

„Eyjafjarðarsveit hefur til fjölda ára bent stjórn Norðurorku á að sveitarfélagið telji óæskilegt að greiða arð út úr félaginu á meðan það er í viðamiklum uppbyggingarfasa sem þarf að fjármagna með lántöku og hækkandi verðskrám,“ segir í bókun sveitarstjórnar Eyjafjarðarsveitar.

Fólk er  líklega farið að velta fyrir sér laufabrauðsgerð enda styttist í jólin takk fyrir takk.  Norðurorka er með ágætis áminningu á heimasíðu fyrirtækisins.

Velheppnaður íbúafundur var haldinn í íþróttahúsinu á Þelamörk. fimmtudaginn 2. nóvember. Á fundinum var íbúum sveitarfélagsins Hörgársveitar kynntar hugmyndir um uppbyggingu líforkuvers á Dysnesi. Fundurinn var vel sóttur, en um 70 manns hlýddu á Vigfús Björnsson skipulagsfulltrúa sveitarfélagsins, Kristínu Helgu Schiöth verkefnastjóra líforkuvers hjá SSNE, og Karl Karlsson ráðgjafa verkefnisins. 

Fjórða útgáfa dansmyndahátíðarinnar Boreal fer fram 10. - 23. nóvember 2023. Hátíðin leggur undir sig hið alræmda Listagil á Akureyri þessar tæpu tvær vikur og fara sýningar fram í Listasafninu á Akureyri, Deiglunni og Mjólkurbúðinni.

Sjómenn á togurum Samherja og Útgerðarfélags Akureyringa taka þátt í viðamikilli rannsókn Hreyfivísindaseturs Háskólans í Reykjavík og Háskóla Íslands á einkennum hreyfiveiki.

Fullkominn hátæknibúnaður til rannsókna á sjóveiki og annarri hreyfiveiki var fluttur til Akureyrar í tengslum við þátttöku sjómannanna.
Með sýndarveruleikatækni framkallar búnaðurinn hreyfingar sem eru svo raunverulegar að þátttakendur finna fyrir hreyfiveiki, eins og sjó- eða bílveiki.