„Vantar þig heimildir?“
Háskólinn á Akureyri
Starfsfólk og stúdentar með aðgang að Scite – leiðandi rannsóknartóli með innbyggðum stuðningi við fræðslu og gervigreind.
Háskólinn á Akureyri hefur gengið frá tveggja ára samningi við Scite, eitt öflugasta rannsóknar- og tilvísunartól nútímans. Scite nýtir gervigreind til að greina heimildir, draga fram samhengi og auka gagnsæi í vísindastarfi. Með samningnum fá starfsfólk og stúdentar skólans fullan aðgang að Scite sem hluta af Enterprise-leyfi skólans.
Magnús Smári Smárason, verkefnisstjóri gervigreindar, segir að með því að gera Scite aðgengilegt fyrir öll innan Háskólans á Akureyri skapist ekki aðeins aðstaða til að efla rannsóknir og gagnrýna hugsun, heldur einnig raunverulegt tækifæri til að þróa og aðlaga nám og kennslu að þeim veruleika sem ör þróun gervigreindar skapar. „Þannig að við hvetjum alla kennara, stúdenta og fræðafólk til að nýta sér þetta öfluga tól og taka virkan þátt í mótun framsækins og siðferðilega ábyrgs háskólasamfélags.“
Magnús bætir við: „Til að kynnast þessu betur fékk ég Dr. Sean Rife, annan stofnanda Scite og prófessor við Murray State University í Bandaríkjunum, til að vera gestur í hlaðvarpinu Temjum tæknina og verður þátturinn birtur þann 9. maí nk.“
Temjum tæknina er hlaðvarpssería HA um gervigreind og hægt að finna hana inni á Spotify rás skólans.
Áhersla á fræðin í Scite
Scite býður upp á svokallaðar snjallar tilvísanir, aðgengi að öflugum gagnagrunnum og greiningartólum sem styðja bæði við rannsóknarvinnu og gagnrýna hugsun í kennslu og fræðastarfi. Samhliða innleiðingu mun Scite veita markvissan stuðning með námskeiðum, fræðslu og sérsniðnu leiðbeinandanámskeiði og fagnámskeiði fyrir starfsfólk á fræðasviðum.
Í kerfinu er jafnframt að finna snjalla aðstoðarþjónustu sem byggir á tengingu við OpenAI og Anthropic. Með þessari samþættingu er hægt að spyrja spurninga og fá svör sem byggja eingöngu á ritrýndum og skrásettum heimildum. Þetta eykur bæði nákvæmni og áreiðanleika og dregur verulega úr hættu á villandi eða tilbúnum niðurstöðum eins og getur fylgt notkun almennra stórra mállíkanaleitarvéla.
Verkefnið er leitt í samstarfi Bókasafns og Kennslu- og upplýsingatæknimiðstöðvar Háskólans í samvinnu við Magnús Smára. Til að tryggja ábyrga og upplýsta notkun Scite munu allir notendur þurfa að taka stutt netnámskeið í gegnum kennslukerfi skólans áður en aðgangur verður veittur.
„Við í HA teljum mikilvægt að starfsfólk og stúdentar geri sér grein fyrir ábyrgð og möguleikum notkunar gervigreindar og þessi vinna er liður í því. Ásamt aðgangi að Scite er verið að byggja upp stefnu og umhverfi sérhannað fyrir skólann,“ segir Magnús að lokum.
Nýjast
-
Forustugimbur fædd
Sauðburður er að hefjast þessa dagana í sveitum landsins og í mörg horn að líta. Þannig er það í Höfða í Grýtubakkahreppi þar sem eru tæplega 600 fjár. -
Jaðarsvöllur að verða tilbúinn
Það styttist í að kylfingar taki gleði sína því hagstæð tíð gerir það að stefnt er að þvi að opna Jaðarsvöll fyrir spilamennsku n.k. mánudag 12 maí. -
Ný verslun Ormsson og HTH opnar á Norðurtorgi
,,Ný og glæsileg verslun Ormsson og HTH opnar á Norðurtorgi, Akureyri, í dag 8. maí. Hágæða innréttingar frá HTH ásamt fjölbreyttu úrvali raftækja frá fjölda þekktra framleiðenda fá nú að njóta sín í nýju og betra rými." Frá þessu segir í fréttatilkynningu. -
Sýningin: Þú veist hvað þau segja um…
Föstudagskvöldið 9. maí kl. 20-22 opnar Fríða Karlsdóttir sýninguna Þú veist hvað þau segja um…Föstudagskvöldið 9. maí kl. 20-22 opnar Fríða Karlsdóttir sýninguna Þú veist hvað þau segja um… í Mjólkurbúðinni í Listagilinu á Akureyri. -
Stækkun og endurbætur á félagsaðstöðu eldri borgara í Víðilundi
„Aldur er bara tala“ – ætti sannarlega að vera viðhorf hverrar manneskju í dag, enda viljum við búa þannig um hnútana að allir geti verið virkir og hraustir í sínu lífi, eins og framast er unnt. Aftur á móti, þegar kemur að ýmsum lykilþáttum í uppbyggingu samfélagsins, þá á sama viðhorf kannski ekki alveg við. Jú, aldur er ekkert annað en tala (sem breytist einu sinni á ári, og ekkert við það að athuga), en hópur eldri borgara á Akureyri er hins vegar ört stækkandi og það er tölfræði sem má ekki hundsa! -
„Vantar þig heimildir?“
Starfsfólk og stúdentar með aðgang að Scite – leiðandi rannsóknartóli með innbyggðum stuðningi við fræðslu og gervigreind. -
PCC BakkaSilicon hf. í óglusjó
Mbl. greinir frá þvi í morgun að útlitið með rekstur verksmiðju PCC á Bakka sé dökkt, í viðtali við blaðið segir Kári Marís Guðmundsson, forstjóri PCC BakkaSilicon hf., -
Samherji og Ice Fresh Seafood áberandi á Seafood Expo Global. „Allur fiskiheimurinn hittist á sama punktinum.“
Alþjóðlega sjávarútvegssýningin Seafood Expo Global í Barcelona á Spáni stendur yfir dagana 6.- 8. maí. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. -
Vegleg gjöf Oddfellowstúkanna styrkir líknarþjónustu SAk
Þann 30. apríl sl. komu fulltrúar allra fimm Oddfellowstúkanna á Akureyri saman og færðu Sjúkrahúsinu á Akureyri rausnarlega gjöf til stuðnings við líknarþjónustu sjúkrahússins. Heildarfjárhæð peningagjafarinnar nam 1.245.000 krónum og er hún ætluð til að bæta aðstöðu í nýju aðstandendaherbergi á lyflækningadeildinni.