Uppistandið konur þurfa bara…. á Græna hattinum
Sóley Kristjáns og Auðbjörg Ólafs bjóða upp á uppistandið konur þurfa bara….á græna hattinum 27. nóvember.
„Við getum lofað skemmtilegri kvöldstund,“ segir Auðbjörg Ólafsdóttir sem ásamt Sóleyju Kristjáns verður með glænýtt uppistand; konur þurfa bara… á Græna hattinum á fimmtudagskvöld í næstu viku, 27. nóvember. Eins og nafnið ef til vill gefur til kynna velta þær stöllur fyrir sér öllu því sem konur þurfa bara.
Auðbjörg segir að þær Sóley hafi komið norður í sumar með uppistandið „Af hverju fórum við ekki bara á gönguskíði?“ og það hafi fengið góðar viðtökur. „Við hlökkum til að koma norður aftur og nú með nýtt efni,“ segir hún og bætir við að boðið verði upp á óvænt atriði í sýningunni. Heimakona stígi á stokk og taki fyrstu skrefin í uppistandi. „Það er mjög gaman að hafa færi á að valdefla aðrar konur og gefa þeim rými á sviðinu. Ég held ég lofi ekki upp í ermina á mér þegar ég fullyrði að þetta verði mjög skemmtilegt hjá okkur, góð stemmning sem engan svíkur.“
Mætum með glænýtt efni og meiri reynslu
Þær Auðbjörg og Sóley stigu sín fyrstu skref í uppistand nýlega, Sóley í fyrra og Auðbjörg fyrr á þessu ári. Sóley var með uppistandi „Að finna taktinn: Miðaldra uppistand“ og Auðbjörg með „Ég elska þig alheimur.“ Þegar þessar fyndnu og einlægu miðaldra fjölskyldukonur fréttu hvor af annarri ákváðu þær að sameina krafta sína og úr varð sýningin um gönguskíðin sem sýnd hefur verið víða um land og vakið verðskuldaða athygli.
„Nú mætum við með meiri reynslu í farteskinu en erum enn að fjalla um það stórkostlega, hversdagslega og fyndna sem drífur á daga miðaldra fjölskyldu- og framakvenna sem þurfa bara að láta allt ganga upp,“ segir Auðbjörg.
Þær stöllur skrifuðu uppistandið í samvinnu við Dóru Jóhannsdóttur sem einnig er kómískur dramatúrg sýningarinnar (er til íslenskt orð yfir kómískur dramatúrg?)
Nýjast
-
Fimmtudagskvöldið 27. nóvember kl. 20 verða tvær sýningar opnaðar í Listasafninu á Akureyri
Samsýningin Viðbragð og sýning á teikningum og skissum Jóhannesar Sveinssonar Kjarvals, Undir berum himni. Í tengslum við fyrrnefndu sýninguna fremur bandaríska listakonan Laura Ortman gjörning kl. 20.40. -
Jólatorgið opnar á laugardaginn
Ljósin á jólatrénu við Ráðhústorg verða tendruð laugardaginn 29. nóvember kl. 16 við hátíðlega athöfn á Jólatorginu. -
Skemmdarverk í Naustahverfi Tjón vegna rúðubrota um 1,2 milljónir króna
Varlega áætlað er tjón fimm húsfélaga sem eru við Kristjánshaga 2 , Davíðshaga 2 og 4, Elísabetarhaga 1 og Kjarnagötu 51 allt að 1,2 milljónir króna vegna skemmdarverka. -
Uppistandið konur þurfa bara…. á Græna hattinum
„Við getum lofað skemmtilegri kvöldstund,“ segir Auðbjörg Ólafsdóttir sem ásamt Sóleyju Kristjáns verður með glænýtt uppistand; konur þurfa bara… á Græna hattinum á fimmtudagskvöld í næstu viku, 27. nóvember. Eins og nafnið ef til vill gefur til kynna velta þær stöllur fyrir sér öllu því sem konur þurfa bara. -
Heimavinnu lokið – aftur atvinnuuppbygging á Bakka
Þrátt fyrir mótbyr í samfélaginu eru tækifærin til byggja upp bæði augljós og skýr. Sterkir innviðir, öflugt samfélag og auðlindir í Þingeyjarsýslum. Trú á eigin getu og samfélag er lykilatriði. Betri tímar koma ekki af sjálfu sér heldur með markvissum aðgerðum, heimavinnu og sameiginlegri framtíðarsýn. Á þessu kjörtímabili hefur verið lögð mikil vinna í undirbúning fyrir atvinnustarfsemi á svæðinu, sérstaklega iðnaðarsvæðið á Bakka með nægu landrými, aðgengi að höfn og orku. Þó við séum langt frá höfuðborgarsvæðinu hvar mestan og sjálfsagðan vöxt má finna er ljóst að uppbygging í Þingeyjarsýslum í námunda við Akureyrarborg er bæði hagkvæm og skynsamleg fyrir land og þjóð. Að skapa tekjur, störf og treysta búsetu. -
SAk- Enn koma hollvinir færandi hendi
Hollvinir Sjúkrahússins á Akureyri hafa fært lyflækingadeild Sjúkrahússins á Akureyri stóla og sófa að gjöf. -
Ljósaganga gegn kynbundnu ofbeldi
Á morgun, þriðjudaginn 25. nóvember, fer fram ljósaganga í tilefni 16 daga átaks gegn kynbundnu ofbeldi. -
SMHA í fararbroddi í símenntun og alþjóðlegu samstarfi
Símenntun Háskólans á Akureyri, SMHA, hefur á undanförnum árum unnið að því að festa sig í sessi sem sniðugasta símenntunareining landsins. Með ríka áherslu á sveigjanleika og aðgengi býður SMHA upp á fjölbreytt námsframboð sem hentar bæði einstaklingum sem vilja efla sig í starfi og fyrirtækjum og stofnunum sem leita leiða til að styrkja mannauð sinn. Námið er kennt með fjölbreyttum hætti, bæði í fjarnámi, staðnámi og í blönduðu formi, sem gerir þátttöku mögulega, óháð búsetu eða vinnuaðstæðum. -
Fjölskylduþjónusta Norðurlands eystra fær styrk
Akureyrarbær hlaut á dögunum styrk frá mennta- og barnamálaráðuneytinu fyrir verkefnið Fjölskylduþjónusta Norðurlands eystra.
