Ungmennin fimm náðu ekki alla leið á topp fjallsins Shivling
Skúli Árnason félagi í Súlum og tengiliður hópsins á Íslandi, sagði að leiðangursmenn hefðu reynt við ísvegg í yfir 6.000 metra hæð en þurft frá að hverfa, þar sem brotnað hafði úr honum. Auk þess hafði snjófljóð fallið þar fyrir ofan, á svæði sem leiðangursmenn hefðu þurft að fara yfir og þá var veður mjög slæmt. Því hafi ekki verið um annað að gera í stöðunni en að snúa við, að sögn Skúla. Hópurinn var í búðum í yfir 6.000 metra hæð sl. nótt í leiðindaveðri en hann er nú kominn í búðir í um 5.500 metra hæð. Skúli sagði að hópurinn stefndi að því að komast alla leið í grunnbúðir á morgun. Hann sagði að ungmennin væru við góða heilsu og sæmilega sátt við að hafa komist þó þetta hátt. "En það er ekki hægt að ráða við veðrið."
Þetta var í fyrsta sinn sem íslenskur leiðangur freistar þess að ganga á fjallið, sem þykir eftirsóknarvert takmark bestu fjallgöngumanna heims. Aðeins einn hópur fær leyfi til að reyna við fjallið í einu. Í hópnum frá Akureyri eru Berglind Aðalsteinsdóttir, tvíburabræðurnir Gunnar Sveinn Ragnars og Eiríkur Geir Ragnars, Kári Erlingsson og leiðangursstjórinn Arnar Þór Emilsson. Öll eru þau þrautreynt björgunarsveitarfólk og hafa starfað í björgunarsveit til fjölda ára, þrátt fyrir nokkuð ungan aldur.
Nýjast
-
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.