Tvö af hættulegustu gatnamótum landsins eru á Akureyri
Gatnamót Glerárgötu/Borgarbrautar/Tryggvabrautar/Hörgárbrautar hafa löngum verið umdeild þar sem þau þykja hættuleg umferðinni. Mynd/Þröstur Ernir.
Verstu gatnamót landsins hafa síðustu ár öll verið á höfuðborgarsvæðinu en nú er svo komið að tvö gatnamót á Akureyri eru komin í hóp verstu gatnamóta þegar skoðuð eru slys með meiðslum.
Þetta kemur fram í skýrslu Samgöngustofu á umferðarslysum á Íslandi árið 2017.
Um er að ræða annars vegar gatnamót Glerárgötu/Tryggvabrautar/Hörgárbrautar/Borgarbrautar og annarsvegar Glerárgötu/Strandgötu. Fram kemur í skýrslunni að á árunum 2013-2017 urðu alls tuttugu umferðarslys með meiðslum á gatnamótunum tveimur. Þegar slys með meiðslum eru skoðuð sést að verst eru gatnamót Miklubrautar og Háaleitisbrautar með 17 slys á 5 árum og þar á eftir koma gatnamót Miklubrautar og Kringlumýrarbrautar sem og gatnamót Miklubrautar og Grensásvegar.
Akureyringar og Ísfirðingar í flestum slysum
Þá kemur einnig fram í skýrslunni að íbúar Norðurlands eystra lendi í flestum slysum m.v. íbúafjölda árið 2017 en á árunum 2013-2017 lentu íbúar Suðurnesja í flestum slysum m.v. íbúafjölda. Sá landshluti sem stendur sig best er Vesturland, hvort sem litið er til ársins 2017 eða síðustu fimm ára.
Þegar helstu þéttbýlisstaðir eru skoðaðir sést að árið 2017 lentu Ísfirðingar og Akureyringar í flestum slysum m.v. íbúafjölda. Árið 2017 létust 16 einstaklingar í 13 banaslysum hér á landi, níu karlmenn og sjö konur. Af þessum 16 sem létust voru sjö Íslendingar, fimm erlendir ferðamenn og fjórir erlendir ríkisborgarar búsettir á Íslandi. Er þetta í fyrsta sinn frá upphafi sem fleiri erlendir ríkisborgarar en Íslendingar látast í umferðarslysum á íslenskum vegum.
Nýjast
-
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.