Verkfærasalan styður verklega kennslu í tæknifræði
Gjöf frá Verkfærasölunni til tæknifræðinnar Myndir UNAK
Tæknifræðideild HA/HR fékk á dögunum handverkfæri að gjöf frá Verkfærasölunni. Verkfærin munu nýtast í nýrri verklegri aðstöðu deildarinnar við Háskólann á Akureyri og styðja við verklega kennslu og verkefnavinnu nemenda.
Gjöfin er kærkomið framlag til uppbyggingar tæknifræðinámsins á Akureyri, þar sem stúdentar fá tækifæri til að tengja fræðilega þekkingu við hagnýt viðfangsefni.
Brynjar Sveinsson Lyngmo stúdent í tæknifræði orðar þetta vel; „ Verkfærin munu nýtast vel í nýrri verklegri aðstöðu deildarinnar við HA og koma að góðum notum fyrir nemendur í verklegri kennslu og verkefnavinnu. Stuðningur fyrirtækja í heimabyggð skiptir deildina miklu máli og hjálpar okkur að efla verklega kennslu og skapa nemendum enn betri aðstöðu til náms. Við þökkum Verkfærasölunni kærlega fyrir rausnarlegan stuðning og velvilja í garð Tæknifræðideildar HA/HR.“
Mikilvægt að eiga í góðu samtali við atvinnulífið
Nám í iðnaðar- og orkutæknifræði hefur verið í boði á Akureyri frá haustinu 2023 í samstarfi HA og Háskólans í Reykjavík.
„Það skiptir okkur miklu máli að eiga gott og stöðugt samtal við atvinnulífið. Þannig fáum við innsýn í þarfir fyrirtækjanna og getum tengt námið betur við þau verkefni sem bíða nemenda að námi loknu. Stuðningur á borð við þessa gjöf hjálpar okkur að efla verklega kennslu og skapa stúdentum enn betri aðstöðu,“ segir Ólafur Jónsson, verkefnastjóri tæknifræðideildar hjá háskólanum.
Ólafur Jónsson, verkefnastjóri tæknifræðideildar hjá háskólanum.
Með samstarfinu geta einstaklingar stundað tæknifræðinám í heimabyggð, með áherslu á hagnýta þekkingu og tengsl við atvinnulíf á Norðurlandi.
Nýjast
-
Lokaorðið - Ekki reyna að móðga mig.
Allt mitt líf er á misskilningi byggt. Ég slæ þessu fram því ég er heyrnarskert. Stundum er ekki heill þráður í tilsvörum mínum. Þeir sem þekkja mig vita það. Þeir sem þekkja mig ekki geta lent í vandræðum þegar þeir fara að spjalla við mig. Ég svara kannski einhverju út í bláinn eða þreyti þá með viðstöðulausu tali...þá þarf ég ekki að misskilja það sem þeir segja. -
Vill gefa fólki litla sögu með sér heim
Ástin dró Þóru Soffíu Gylfadóttur til Raufarhafnar og þar hefur hún fundið efnivið í bæði handverk og sögur. Með verkefninu Hannað við heimskautsbaug vill hún skapa muni sem tengjast staðnum og með heimildarmyndinni Arfi sem lifir áfram, varðveita minningar fólks frá síldarárunum. -
NorðurHjálp hefur úthlutað bónuskortum fyrir 20 milljónir króna á árinu
NorðurHjálp hefur það sem af er ári veitt einstaklingum og fjölskyldum í neyð bónuskort til matarinnkaupa fyrir yfir 20 milljónir króna. Þá hefur fjöldi fólks fengið aðstoð í formi húsgagna, fatnaðar og matvæla úr matarhorni NorðurHjálpar. -
Verkfærasalan styður verklega kennslu í tæknifræði
Tæknifræðideild HA/HR fékk á dögunum handverkfæri að gjöf frá Verkfærasölunni. Verkfærin munu nýtast í nýrri verklegri aðstöðu deildarinnar við Háskólann á Akureyri og styðja við verklega kennslu og verkefnavinnu nemenda. -
Nýtt fræðsluefni opnar ný tækifæri í ferðaþjónustu
Rannsóknamiðstöð ferðamála við Háskólann á Akureyri hefur lokið tveggja ára Erasmus+ verkefninu UPLIFT sem miðar að því að efla notkun gagnvirkrar tækni og frásagna í ferðaþjónustu. -
Háskólinn á Akureyri opnar fyrir nám í kennslu íslensku sem annars máls
Háskólaráð Háskólans á Akureyri samþykkti á fundi sínum 26. september að setja á laggirnar nýtt nám í Kennslu íslensku sem annars máls við Kennaradeild. Námið svarar vaxandi þörf fyrir sérhæfingu kennara í fjöltyngdu skólasamfélagi. -
Brúin fjölskyldusetur Auðveldar börnum og fjölskyldum leið um þjónustukerfið
Brúin fjölskyldusetur, samstarfsverkefni 11 sveitarfélaga á Norðurlandi eystra, hóf formlega starfsemi í vor. Markmið Brúarinnar er að einfalda leið barna og fjölskyldna í gegnum þjónustukerfið með því að tengja saman þá þjónustu sem þau þurfa á að halda. -
Skipulögð rjúpnaveiði á Þeistareykjum
Atvinnu- og nýsköpunarnefnd Þingeyjarsveitar hefur samþykkt að fyrirkomulag rjúpnaveiði á Þeistareykjum verði óbreytt frá því sem verið hefur frá árinu 2021. Veiði verður áfram heimil á ákveðnum veiðidögum gegn gjaldi og verða veiðileyfi seld í gegnum vefsíðuna Hlunnindi.is. Óheimilt verður að stunda rjúpnaveiði á svæðinu án leyfis. -
Byggðarráð Norðurþings Vill fjölga störfum embættis sýslumanns
Byggðarráð Norðurþings hvetur nýjan sýslumann til að fjölga störfum embættisins í sveitarfélaginu þegar ný lög um sýslumenn taka gildi 1. janúar 2027. Samkvæmt lögunum skal að minnsta kosti 65% starfa sýslumanna vera staðsett á landsbyggðinni.
