Þú skiptir máli: Söngleikur Tónasmiðjunnar í uppsiglingu
Þriðjudagskvöldið 4. júlí s.l. var þriðja opna fræðslu og kaffihússkvöld forvarnarsamtakanna „ÞÚ skiptir máli“ hér á Húsavík haldið í Bjarnahúsi. Í upphafi var ljúfur söngur og spil þeirra frændsystkina, Bylgju Steingrímsdóttur og Elvars Bragasonar.
Í kjölfarið fylgdi erindi Elvars Bragason forvarnarfulltrúa sem bar heitið „ÞÚ skiptir máli“ Hann fjallaði þar um, „það læra börnin sem fyrir þeim er haft“. Einnig talaði hann um letjandi og hvetjandi áhrifa og áhættuþætti forvarna er viðkemur uppvexti barns m.a. hversu mikilvægt það er hverju barni að alast upp við samveru, aga, ást og kærleika frá foreldrum.Eftir fræðslu Elvars var svo reynslusaga frá vini í bata.
Slík fræðslu og kaffihússkvöld hafa fengið mjög gott orð á sig fyrir uppbyggilega, fræðandi og góða samverstund, en slík kvöld verða fyrsta þriðjudagskvöld hvers mánaðar, næst þann 1. ágúst n.k. og eru allir hjartanlega velkomnir.
Undanfarnar vikur hafa samtökin unnið mikið og gott starf með fræðslu og forvarnir fyrir yngri flokka Völsungs í knattspyrnu endurgjaldslaust og höfum við nú þegar hitt 7., 6., 5., og 4. flokk bæði kk og kvk, spjallað við þau um forvarnir t.d. einelti, fíkn og lífsleikni af ýmsu tagi en á næstu vikum munum við klára alla yngri flokkana. Það er búið að vera mjög gefandi að hitta þessa krakka og höfum við bara fengið góð viðbrögð frá krökkunum sem og starfsfólki Völsungs og viljum við þakka þeim kærlega fyrir að taka vel á móti okkur.
N.k. miðvikudagskvöld 26. júlí kl 20:00 verður sýning á söngleiknum „Lífið er leikur“ í sal Borgarhólsskóla en þetta er afrakstur af fyrsta námskeiði Tónasmiðjunnar sem er starfrækt af samtökunum. Starfið hófst í júní og hafa krakkarnir unnið vel s.l. 7 vikur að uppbyggingu á þessari sýningu, þar sem blandað er saman forvörnum, tónlist, leik og lífsleikni en það endurspeglast einnig í söngleiknum okkar en handrit að sýningunni er eftir Elvar Bragason.
Sumir þessara krakka hafa aldrei stigið á svið fyrir framan fólk með þessum hætti, svo það sýnir styrk þeirra að taka þátt í þessari sýningu því að þau geta allt sem þau ætla sér þessir snillingar. Það er frítt inn á þessa sýningu okkar og vonumst við til að sjá sem flesta.
Fh. Forvarnarsamtakanna ÞÚ skiptir máli,
Elvar Bragason, forvarnarfulltrúi
Nýjast
-
SEIGLAN MIKILVÆGA
Eitt af því sem hefur reynst okkur Íslendingum vel í gegnum aldirnar, og í raun haldið lífi í landanum þegar verst áraði, er seiglan. Seigla í daglegu lífi er því eitt af því mikilvægasta sem við getum kennt börnum okkar. -
Að færa hinseginleika heim
„Ég er og verð alltaf Öxfirðingur,“ segir Aðalbjörn Jóhannsson með bros á vör. Hann er stýri Ergi, félags hinsegin stúdenta á Norðurlandi og lýsir sér sem sveitamanni, bókaormi, sérlegum áhugamanni um fólk og fylgist með kosningasjónvarpi af sömu innlifun og önnur fylgjast með Eurovision. Með rætur í Norður- og Suður-Þingeyjarsýslu, tengingu við Akureyri frá unglingsárum og smá Norðmann í blóðinu, hefur Aðalbjörn komið sér fyrir í BA námi í félagsvísindum við Háskólann á Akureyri. Hann viðurkennir að leiðin hafi upphaflega legið í kennaranám, en í dag blómstrar áhugi hans á fólki og samfélagsmálum í háskólanum þar sem samheldni og stuðningur skína í gegn. -
Nýr björgunarbátur hjá Björgunarsveitinni Garðari
Efna til nafnasamkeppni um nafnið á bátnum -
Krefjandi staða og mikil áskorun
Mygla í húsnæði rannsóknardeildar SAk - Deildin flutt tímabundið í annað húsnæði meðan endurbætur fara fram -
Rafhjólafólk skapar útvistarperlur á Húsavík
Hjólafélagið 640MTB á Húsavík hefur staðið fyrir ótrúlegri uppbyggingu á útivistarsvæðum í landi Húsavíkur undanfarin ár með gerð hjóla og í einhverjum tilfellum göngustígum. Meðlimir félagsins hafa unnið hörðum höndum í sjálfboðavinnu svo eftir sé tekið og notið stuðnings, sveitarfélagsins og fyrirtækja í bænum. -
Heilmikil törn en margar hendur vinna létt verk
Mömmur og möffins fagna 15 ára afmæli -
Múmínskógur tekur á sig mynd
Nýr og glæsilegur 8 metra hár kastali hefur verið reistur í Kjarnaskógi. Hann er á svæði skammt frá Kjarnavelli. Nýir stígar voru lagðir að svæðinu og útbúinn ævintýralegur Múmínlundur þar sem kræklóttar greinar síberíulerkis setja dularfullan svip sinn á umhverfið. -
“Jákvæð viðbrögð” um veiðigjaldið?
Heimir Örn Árnason skrifar um viðbrögð við veiðigjaldinu -
Vinnustaðir á Húsavík bjóða upp á íslenskukennslu á vinnutíma
„Við byrjuðum fyrir um þremur vikum síðan og erum með sjö manns sem sitja námskeiðið,“ segir Ármann Örn Gunnlaugsson, framkvæmdastjóri Sjóbaðanna í samtali við Vikublaðið.
