Þór/KA vann öruggan sigur á Grindavík á Þórsvellinum
Mateja Zver kom Þór/KA yfir eftir átta mínútna leik með glæsilegu marki beint úr aukaspyrnu. Heimastúlkur héldu áfram að sækja og voru oft á tíðum hársbreidd frá því að bæta við öðru marki næstu mínútur. Vesna Smiljkovic fékk svo dauðafæri á 36. mínútu er hún náði skoti að auðu marki gestanna inn í teig, en Vesna þurfti að teygja sig í boltann og skotið ekki nægilega kraftmikið og gestirnir björguðu á línu. Rétt fyrir lok fyrri hálfleiks varð Þór/KA fyrir áfalli þegar Berglind Magnúsdóttir markvörður liðsins þurfti að yfirgefa völlinn vegna meiðsla.
Staðan í hálfleik 1:0 Þór/KA í vil.
Þór/KA fékk dæmda vítaspyrnu eftir tíu mínútna leik í seinni hálfleik þegar brotið var á Vesnu Smiljkovic innan teigs. Mateja Zver fór á vítapunktinn og skoraði með hörkuskoti og kom Þór/KA í 2:0. Það var svo fyrirliði Þórs/KA, Rakel Hönnudóttir, sem skoraði þriðja mark norðanstúlkna eftir sjötíu mínútna leik. Rakel fékk þá boltann fyrir auðu marki eftir sendingu frá Mateju Zver og eftirleikurinn var auðveldur fyrir Rakel. Staðan 3:0. Arna Sif Ásgrímsdóttir kom Þór/KA í 4:0 með marki af mikilli harðfylgi á 82. mínútu leiksins. Það var svo Gígja Valgerður Harðardóttir sem skoraði fimmta og síðasta mark Þórs/KA í leiknum.
Lokatölur, 5:0 sigur Þórs/KA, sem hefur 22 stig í deildinni, fjórum stigum á eftir toppliði Vals.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.