Stefnir á HM í Þýskalandi
„Ég er eiginlega betri í hnénu en ég bjóst við,” segir Íris Guðmundsdóttir, landsliðskona í alpagreinum, en hún er byrjuð að æfa á nýjan leik eftir meiðsli. Íris meiddist illa á hné við æfingar í Sviss í lok ágúst þar sem hún skaddaðist á krossbandi, liðbandi og liðþófa. Íris er búsett í Noregi þar sem hún reynir nú að ná sínu fyrra formi og styrkja hnéð, en hún hefur misst mikið úr undirbúningstímabilinu í vetur.
„Ég fór fyrst á skíðin sl. helgi og var undanfari á mótunum sem voru hér um helgina. Ég skíðaði bara ágætlega og kem bara nokkuð góð undan meiðslunum. Ég var svolítið stressuð áður en ég fór á skíðin en þetta gekk bara vel,” segir hún. Íris segir veturinn óskrifað blað þar sem meiðslin hafa sett strik í reikninginn. Hún stefnir þó á að taka þátt á Heimsmeistaramótinu sem fram fer í Þýskalandi í febrúar á næsta ári.
„Ég ætlaði að keppa á einu Heimsbikarmóti en það breytist líklega. Ég veit ekki hvort ég hafi eitthvað að gera þar, þar sem formið verður sennilega ekki það besta. Ég er hins vegar að vonast eftir að komast á HM fullorðna í Þýskalandi. Það er markmiðið og vonandi verð ég kominn í gott form þá. Svo á bara eftir að koma í ljós hvort ég keppi eitthvað í Evrópu. Það er allt opið.”
Íris dvaldi hér á landi í þrjár vikur sl. október en hún segist ekki reikna með að fara í margar keppnisferðir til Íslands í vetur. „Ég verð þó allavega á Skíðalandsmótinu rétt fyrir páska, en annars er svo dýrt að koma til Íslands. Það verða kannski einhver mót í desember en ég reikna ekki með því að koma þá," segir hún.
Nýjast
-
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu.