Sparisjóður Þingeyinga veitir HSN styrk að fjárhæð kr 4.000.000,- til tækjakaupa
Á myndinni má sjá starfsfólk HSN ásamt Daníel Borgþórssyni formanni stjórnar Styrktarfélags HSN í Þingeyjarsýslum og Erni Arnari Óskarssyni sparisjóðsstjóra Sparisjóðs Þingeyinga (báðir fyrir miðju) Mynd aðsend
Á aðalfundi Sparisjóðs Þingeyinga var tilkynnt ákvörðun um að veita Heilbrigðisstofnun Norðurlands (HSN) styrk til tækjakaupa að fjárhæð kr 4.000.000,-. Styrkveitingin er í samræmi við stefnu Sparisjóðsins að styðja við samfélagið á svæðinu.
Að sögn Arnar Arnars Óskarssonar, sparisjóðsstjóra Sparisjóðs Þingeyinga, er þessi styrkveiting liður í samfélagsábyrgð sjóðsins og hluti af stefnu hans um að efla grunnstoðir samfélagsins. „Við hjá Sparisjóðnum leggjum sérstaka áherslu á að styðja við mikilvæga innviði, og heilbrigðisþjónustan er sannarlega þar á meðal. Við teljum að styrkurinn muni nýtast HSN til að bæta þjónustu við íbúa svæðisins,“ segir Örn.
Styrktarfélag HSN í Þingeyjarsýslum er viðtakandi styrksins, en félagið hefur þann tilgang að afla HSN fjár til tækjakaupa. Daníel Borgþórsson, formaður stjórnar Styrktarfélagsins segir styrkinn frá Sparisjóðnum afar mikilvægan og nú þegar hafi sjóðurinn keypt 10 tæki fyrir um kr 4.000.000,- Tækin sem um ræðir eru:Blóðþrýstingsmælar á hjólum 3 stk. – fara á heilsugæslustöðvarnar á Þórshöfn, Raufarhöfn og Húsavík, blöðruskanni á Þórshöfn, hjartalínuritstæki á Kópasker, tvær vökvadælur á sjúkradeild og göngudeild á Húsavík, blóðrauðamælir í Mývatnssveit, blóðgasamælir og heyrnarmælir á Húsavík.
,,Um leið og ég þakka Sparisjóði Þingeyinga kærlega fyrir þennan myndarlega stuðning við HSN þá vil ég hvetja öll til að gerast félagar í Styrktarfélaginu og styðja þannig við bætta heilbrigðisþjónustu í heimabyggð, sem við flest þurfum á að halda einhvern tíma á lífsleiðinni. Einfaldast er að finna facebooksíðuna okkar en þar er skráningareyðblað. Eins vil ég nota tækifærið til að minna á að Styrktarfélagið er almannaheillafélag sem þýðir að fyrirtæki og einstaklingar sem styrkja sjóðinn umfram upphæð árgjalds, njóta skattafrádráttar fyrir styrkupphæðinni."
Áslaug Halldórsdóttir, framkvæmdastjóri HSN, segir nýju tækin koma sér afar vel. „Styrkveitingin gerir okkur kleift að efla þjónustu okkar og bæta aðstöðu fyrir sjúklinga og starfsfólk. Við þökkum Sparisjóði Þingeyinga innilega fyrir þetta mikilvæga framlag sem mun koma samfélaginu öllu til góða,“ segir Áslaug.
Sparisjóður Þingeyinga leggur áherslu á að styðja við mikilvæg samfélagsverkefni í heimabyggð.
Nýjast
-
Sparisjóður Þingeyinga veitir HSN styrk að fjárhæð kr 4.000.000,- til tækjakaupa
Á aðalfundi Sparisjóðs Þingeyinga var tilkynnt ákvörðun um að veita Heilbrigðisstofnun Norðurlands (HSN) styrk til tækjakaupa að fjárhæð kr 4.000.000,-. Styrkveitingin er í samræmi við stefnu Sparisjóðsins að styðja við samfélagið á svæðinu. -
VMA - Þrettán í kvöldskóla í húsasmíði
Við upphaf haustannar hóf nýr þrettán nemenda hópur nám í húsasmíði við byggingadeild VMA. Þetta er þriðji hópurinn í kvöldskóla í húsasmíði við skólann, hópur tvö brautskráðist frá skólanum sl. vor. -
Ályktun vegna niðurlagningar heilsueflandi heimsókna hjá HSN
Haustfundur Kvenfélagsins Iðunnar í Eyjafjarðarsveit, haldinn 25. september 2025, sendir eftirfarandi áskorun til framkvæmdastjórnar HSN -
4000 fundir hjá Rótarýklúbbi Akureyrar frá árinu 1938
Félagar í Rótarýklúbbi Akureyrar komu saman í liðinni viku og héldu hátíðlegan fund númer 4000. Klúbburinn var stofnaður árið 1938 og er því 87 ára gamall, en formlegur stofnfundur var haldinn í byrjun september það ár. Rótarýklúbburinn er starfsgreinaklúbbur og leitast er við að í honum sé fólk úr sem flestum starfsgreinum Mikið er lagt upp úr því að heimsækja fyrirtæki og stofnanir til að kynnast fjölbreyttri starfsemi í bæjarfélaginu og víðar. -
„Það er einfaldlega brekka sem ekki sér fyrir endann á“
-segir Aðalstein Á. Baldursson formaður framsýnar um stöðuna á Bakka -
Að breyta plaststól í leðurstól
Í minningunni var allt auðveldara á yngri árum, var ekki þá að velta skoðana skiptum mikið fyrir mér. Ég var þó ekki há í loftinu þegar ég áttaði mig á því að lífið væri ekki alltaf einfalt. -
Bleikur bær
„Salan á slaufunum fer vel á stað og bærinn að verða bleikur,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar hefjast um aðra helgi, eða 9. október og verður margt um að vera í tilefni af þeim. -
Frú Ragnheiður býður upp á nýliðanámskeið fyrir sjálfboðaliða
„Við þurfum að hafa um það bil 25 til 30 manns í okkar sjálfboðaliðahóp, það má ekki minna vera,“ segja þær Berglind Júlíusdóttir og Edda Ásgrímsdóttir hópstjórar hjá verkefninu Frú Ragnheiður sem Rauði krossinn við Eyjafjörð starfrækir. Frú Ragnheiður vinnur eftir hugmyndafræði skaðaminnkunar og er lögð áhersla á að fyrirbyggja þann skaða og þá áhættu sem hlýst af notkun vímuefna. Nýliðanámskeið fyrir sjálfboðaliða verður haldið dagana 6. og 7. október frá kl. 17 til 22 í Rauða krosshúsinu við Viðjulund. -
Þriðjudagsfyrirlestur: Guðmundur Ármann fjallar um Óla G. Jóhannsson
Þriðjudaginn 7. október kl. 16.15 heldur Guðmundur Ármann Sigurjónsson, myndlistarmaður, Þriðjudagsfyrirlestur í Listasafninu á Akureyri undir yfirskriftinni Óli G. – rómantíski expressíónistinn. Þar mun hann fjalla um myndlist Óla G. Jóhannssonar og gera tilraun til að varpa ljósi á hversu mikilvægt það er fyrir listamanninn að samfélagið sé tilbúið að taka á móti honum og listinni. Aðgangur er ókeypis.