Símey býður upp á fjölda námskeiða í vetur
Fyrirtæki senda starfsmenn á almenn námskeið en þar að auki er alltaf að aukast að Símey útvegi klæðskerasniðin námskeið og fyrirlestra að þörfum og fjárhagsáætlunum hvers fyrirtækis. Námskeiðin eru mislöng allt frá einni klukkustund upp í nám sem er metið til eininga á framhaldsskólastigi og spannar þá fleiri en eina önn.
Fyrstu námskeiðin hefjast 8. og 9. september og segir Erla Björg Guðmundsdóttir, framkvæmdastjóri Símeyjar, að allt milli himins og jarðar verði í boði í vetur. "Það er alveg hellingur í boði á vegum fjölda fræðsluaðila, fullt af spennandi tungumálanámskeiðum, svo eru það þessar lengri námsleiðir frá Fræðslumiðstöð atvinnulífsins, það er t.d. að hefjast önnur lota í verslunarfagnámi sem er mjög spennandi. Svo má nefna sérhannað nám fyrir matvælaiðnað og framhald á námi til löggildingar í verðbréfamiðlun." Þá mun Símey einnig bjóða upp á spennandi nám í vistakstri, fyrir þá sem vilja læra að spara bensín og aka á umhverfisvænni hátt. Snyrti- og hárgreiðslunámskeið verða í boði og fleira og fleira þannig að það er úr mörgu spennandi að velja.
Hjá Símey er starfandi náms- og starfsráðgjafi sem allir geta pantað viðtal hjá, en það getur verið afar gagnlegt fyrsta skref fyrir þá sem langar að fara af stað í frekara nám, jafnvel eftir langt hlé. "Ráðgjafinn greinir hvar áhugasvið fólks liggur, veitir upplýsingar um þá möguleika sem eru í boði og hjálpar fólki að velja hvað hentar því. Þetta er nokkurs konar áhugasviðsgreining," segir Erla.
Nýjast
-
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna.